مكتبه اغاني البلابل

[اسامه]

شاغلين فؤادى

الشاغلين فؤادى وتايهين فائتين
يكفى البى زارف دمع المايهين

سال القبلى شايف لى برقاً لمح
والصيد فى الخمائل ياناس اجتمع

قوموا يا احبة نسترق السمع
مابطيق القعدة والبان اجتمع

هجر احبابى لى يامولاى قدروا
انسلبت نحولى واعضاى خدروا
لامونى العوازل بحالى اذدروا
هم خايفين دلالو تايهين مادروا

سامرت الكواكب لما الفجر لاح
ونادى الفجر نادى وقال يا اهل الصلاح
صلو الوقت حاضر قاوا اهل الصلاح
انا والليل قايمو لى خيال لى لاح

النسيم عاودنى اقوم من نومى صاح
مشغول فكرى حاير مشطوب إنشطاب
يانسيم بالله تجيب رد الخطاب
اوعى الجاهلة نية وما بتحمل عتاب

[اسامه]

البنريدو تايه يا حليل البريدنا
احلام اليالى متين كانت بايدنا
الناس بسالونا مالكم زى حيارا
مالكم ما براهو دماتكم سهارا
و نقول للحبايب نضارا
من فاتنا الحنين شالت الروخ ودارا
ولا عشان زماننا ما بشبه زمانو
ولا عشان حنانا اكتر من حنانو
ما عارف مكاننا عارفين وين مكانو
راجع لينا بكرة
دا ما بسال علينا كان طولنا منو
ايه جدة فى عيونا بنشوفا غريبة عنو
يمكن دى اليالى شالت حسن ظنو
ما السمحين بسامحو
و الحلوين بحنو

[اسامه]

وصافي حبي ليك ما عميل
ليك في قلبي روضه وخميل
يا فريع البان الجميل
ميل وخلي العالم يميل
مستحيل عن حبك اميل
اساهر الليل انا يا جميل
******
وكيف اطيق من بعدك بعاد
وقل هجري وزاد البعــاد
متى طيفك يرجع يعاااد
يبقى صادق يوفي الميعاد
مستحيل عن حبك اميل
اساهر الليل انا يا جميل
******
انا الغيث الفرج هموم
وانا الساقي الحساد سموم
وانا الكايد اعدائي عموم
مستحيل عن حبك اميل
اساهر الليل انا يا جميلوصافي حبي ليك ما عميل
ليك في قلبي روضه وخميل
يا فريع البان الجميل
ميل وخلي العالم يميل
مستحيل عن حبك اميل
اساهر الليل انا يا جميل
******
وكيف اطيق من بعدك بعاد
وقل هجري وزاد البعــاد
متى طيفك يرجع يعاااد
يبقى صادق يوفي الميعاد
مستحيل عن حبك اميل
اساهر الليل انا يا جميل
******
انا الغيث الفرج هموم
وانا الساقي الحساد سموم
وانا الكايد اعدائي عموم
مستحيل عن حبك اميل
اساهر الليل انا يا جميل

[اسامه]

فى ليل الشجن والشوق ... سألت عليك وناديتك
لقيتك فى السماء نجمة ... لقيتك فى الصفاء نسمة
لقيتك فى الصباء كلمة ... وناجيتك وما رديت
* * *
شكيت لى طيفك الايام ... وحدثتك حديث الروح
سالتك وين .. وين وكيف .. هواك اوهام .. ووعدك زيف
وطول ايامى بلقاك طيف ... وناجيتك وما رديت
* * *
سهرت مع ملاحم شوق ... وفى احضانى نام الليل .. صحيتو
صحيت نجمة ترعى حبيب
وصحيت شمعة تشقى لهيب
تمنيت وانت طيف ما تغيب
وناجيتك وانت ما رديت

[اسامه]

قطار الشوق


قطار الشوق متين ترحل تودينا
نشوف بلدا حنان اهلا ترسى هناك ترسينا


نسائم عطبرة الحلوة تهدينا و ترسينا
نقابل فيها ناس طيبين فراقم كان مبكينا
يا قطار الشوق متين توصل هناك حبيبنا راجينا
متين نحضن عويناتو متين يسرع يحيينا


يا قطار الشوق دا ليل الغربة فيهو ودار
متين تسرع متين بتكمل المشوار
عشان ما نلقى سيد الناس و نطفى البينا من النار
نشوفو عيونو نعسانة و لونو الزاهى كلو نضار


يا قطار الشوق حبيبنا هناك يحسب فى مسافاتك
و لو تعرف غلاوة الريد كنت نسيت محطاتك
وكان بدرت فى الميعاد و كان قللتة ساعاتك
و كان حنيت على مرة و كان حركت عجلاتك

[اسامه]

نحـيـيــــــك : كلمات عــلى سـلطان

*****

نحييـك وما بتحـيينـا ونرضيـك مـرة ارضـينـا ....

احكـم فـينا بالدايـرو .. ده ريـدك وانقـسم ليـنا ....

* * * *

خـلاص اخـترت ناس غـيرنا ...

وهـم اغـروك تخـليـنا ....

بقـيت لمن تشـوفـنا كمـان ....

بتهـرب من تـلاقـينا ...

كانـك ما عـرفـتنـا يـوم ...

ولا طـليـت فى عـيـنـينـا ...

* * * *

نـلاقـيك والصباح نعـسـان ....

وتـتحـاشـانـا يا زيـنــة ....

زمـان الحـال ده ما حالـك ...

ولا طـبعـك تجـافــينـا ....

اتـاريـك كـنت خـادعـنـا ....

سـرابـك مـوجـو غـاشــيـنا .......



قليل فى حقك المشوار بدور من أجلك أمشى كمان

وتحفى رجولى تقطر دم وأصبح فى الطريق عطشان

محبة كتيرة فى قلبى ودعوة تمجد الإنسان

وإنت نموذجى الطيب نموذج يلهم الفنان

[اسامه]

بتعرف اني من أجلك مشيت مشوار سنين وسنين
مشيت في الليل الى الغربة على الكلمات ودمع العين
وعشتك لما فارقتك .. حروف تتغنى تغهنا بيها حنين
بتعرف انت ما بتعرف .. انحنا في حبكم هايمين
بتعـــــــــــــــــــــرف

ودارت دورة الأيــام ونحن مع الزمن اغراب
متين تتحقق اللقيا ومتين يتقابوا الأحباب
شربنا دموعنا ما روينا.. حملنا الشوق ملانا عذاب
وقلنا نجرب الصحرا .. لقينا تعبنا كلو سراب
بتعـــــــــــــــــــــرف

قليل يتحقق المشوار .. بدور في دربك امشي كمان
وتحفى رجولي وتقطر دم ..واسبح في الطريق عطشان
محبة كتيرة في قلبي .. ودعوة تمجد الإنســــــان
وانت نموذجي الطيب .. نموذج يلهم الفنان
بتعـــــــــــــــــــــرف

[اسامه]

البسأل ما بتوه دارنا نحن قريبة ليه ...

انت ما مجبور علينا نحن مجبورين عليك ...

* * * * * *

كان سألت علينا كنت عرفت احنا الليلة وين ...

كنت اول لما آحنا نغيب ثوانى تقول سنين ...

غيروك يا وحيدنا ؟ ولا صابت ريدنا عين ...

اشتهينا تكون معانا .. ما لقينا حنان عينيك ...

انت ما مجبور علينا نحن مجبورين عليك ...

**********

مرة شفناك يا الحنين طالى فى حارتنا صدفة ...

جابنا ليك الريد وجينا الحصل جابتا الفه ...

ولا لالا آلجابنا ليك .. لو بتطرا دربنا عرفه ...

ان سرحت شويه فينا وما رجيتنا عشان نجيك ...

انت ما مجبور علينا نحن مجبورين عليك ...

*********

لسه مستنين تجينا ناسى طالبنك زيارة ...

يا جمال فرحتنا شاتل الصباحة بالنضارة ...

كان عمرنا زمان وروح .. فى رجاك ما راح خسارة ...

انت ما تفكر تجينا .. نحن بالافراح نجيك ...

انت ما مجبور علينا نحن مجبورين عليك

.

[امين]

سمسم يا راقى
نشكرك يا حبيب لأنك بتتذوق الكلمات بى لسان احساسك المرهف
وتستشف المعانى بى ايقاع دقات قلبك الابيض
وتمتص رحيق المفردات وتطلعه لينا عسل
تسلم يا حبيب

[اسامه]

مشكووووور كتير امين والله بنزل فيها وفي قرارت نفسي انك اول واحد ح ترد علي