اسدالقضارف

اهني السودانيين عامة علي هذه الالية واهني المواطنيين الشرفاء لانو استفحل مرض الفساد عندنا والله قولة حق يسالني منها الكريم والحكومة متاكدة من الحال واصبحت متفرج فقط اين مؤسسية الدولة من مكافحة الفساد اصبح المرتشي يفخر بانه مرتشي والعياذ بالله واصبح المال العام ينتهك ويكون بكل شطارة التحدث بهذا الانتهاك انا عندي موضوع استهل به مقالاتي المتواصلة باذن الله عن استباحة المال العام من جانب المسؤلين في مدينة القضارف وهي مسالة العربات الحكومية التي اصبحت تعامل بكل استهتار وزي ما قال المثل جلدا ماجلدك جر فيهو الشوك اين رقابة العربات الحكومية واين النظام .. اصبحوا لا يخافون من الله ومن اي سلطان الرشوه اصبحت عينك ياتاجر يعني اذا كنت حايم في يوم عطلة اذا قبضوك تدفع بس وتتحل . هذا الجهاز المسمي برقابة العربات الحكومية يجب النظر في امره مرة اخري.العربات الحكومية في القضارف شغالة ذي بكاسي الخط يعني ما عندها زمن تلقاها حايمة علي طول والحاجة اللي انا عارفها انو من المفترض ان يكون عندها زمن محدد وايام محدة ذي ايام العطل لازم تكون واقفة ويا اخوانا ده مال عام اتقوا الله . بل اوديكم لي بعيد الجرايد كتبت في هذا الموضوع عن اشخاص في القضارف بمناصب رفيعة يستخدمون العربات الحكومية لاغراضهم الخاصة ولم يحدث اي تحقيق من الاخ الوالي او وزير المالية او ادارة العربات الحكومية والرد علي هذا الموضوع في الصحف.القضارف بطبيعتها منطقة زراعية ويلا ياكمبو (مصطلح عن المشروع الزراعي ) بتلقي البكاسي الحكومية بنقلوا بيها العمال والجازولين والتيراب والقصب وان خايف بعد شوية بوابير النفايات تجر ديسكي طبعا اذا لقوا طريقة بعملوها.العربات الدستورية مافي اي سؤال عن انها ماشة ولا جاية من وين يا اخينا ما انا دستوري تقدر تسالني لو في سماية في بورتسودان يلا يا اخوانا مالعربية عربية حكومة والوقود بتاع الحكومة انا خسران حاجة من جيبي يلا يا اخوانا اذا العربية اتعطلت في الشارع مالي ومالها ما بخسر فيها تعريفة بخليها وبيجو يشيلوها يصلحوها طبعا ده لسان حال اخواننا الدستوريين بل ابعد من ذلك انو في عربية من العربات الدستورية تم القبض عليها من قبل مكافحة التهريب مهربين بيها بضاعة وتم التكتم عليها والسواق الحريف وبما انو العربية مظللة متخيل انو ما ينقبض وتم التستر علي الموضوع ... يا اخواننا الممكن يصرف علي العربات الحكومية في القضارف اصبحت ميزانيتو ما معقولة ولو ما مصدقين ارجعوا لتكاليف السنة السابقة وتعرفوا انو كلامي صاح.وخليك من العربات اللي تلقي زول سايقها وماليهو علاقة بالعمل الحكومي.ونواصل في مسلسل العربات الدستورية ذات المبالغ الطائلة (مونيكا, برادو) الي بتلقاها والسواق الخاص بتاع الدستوري كأن العربية دي مخصصة ليهو مش للدستوري ويلا يا مشاوير خاصة ويلا يلا يا عدم اهتمام بصيانة العربية وعدم غيار الزيت الدوري في زمنه ويلا يا جاز ادوهو للعربية في الجيب طوالي وطلمبة العربية باظت يا اخواننا مالها والله من الجاز القليل.ونواصل في المرة القادمة