مشاهدة النسخة كاملة : أروع كلمات أغاني الطنبور
عافي منك
علاء الدين عبدالرحيم
عبدالرحيم ارقى
عـــافــيـــة مــنــك وراضــيــة عنــك سـو رضايـا
ومـــا بـيــخــــيــــب الـرضــا والـدتــو يـا جــنـايـا
أنت مـن يـا دوب صـغــيــر مـن زمان دايماً مـعايا
أنــت ديـمـه أمـامـي سـايــر مـا بخـليـك بـي قـفايـا
ما بتغيب من عيني لحـظـة ولا حصـل سبتك ورايا
لا من الله يشيـل أمانتوا أنا بـبقي خاصاك بالرعـاية
ليَ يــرعــاك الـبـيــرعـي لـيَ بـيــك يبـــرد حشايـا
أصــلـك أنــت هـديـه مـنـو والله بـيـك أجزل عطايا
جيـتــنـي واحـد مالـي تــانى رحمـه في آخر صبايا
قـبــل مــا أفــقـد قــدرتـي وقـبــل مـا تنـهـار قـوايـا
جيـتـنـي ذي بـدر منـور وفجـأة طلـيــت فـي سمـايا
انـت لــمـا خـلاص كـبـرتـا دار تسيبني أعيش برايا
دار تفـارقـني وتسـافـر والحـزن يصـبح جـزايا كيـف يهـون لك تحـزن أمك شان تحقق ليك غاية
كان مسـافر شـان عـلاجي بلقي في شوفـتك دوايـا وكان عشـان تسقـينا نهلك نحن بي حنك روايا
كان عشـان كـرعيـنا راحـل نحـن بي بعـدك حفايا كان مهاجر شان تعرس خير أبوك مالي التكايا
خيرو وافر أبوك يحمدوا مراحو مليان بالسعايا وبالقروش الجيب مجكن ولسه برضو الجايا جايا
برضـي منـك مـا بقـصـر بحـفـر أديـك المعـايا كان ده كلـو كمـان شُـويّ بتلقـي في دهـبي الكفايا
أصـلـي مـن سـويـتـو نـاذرا إبـقـي لـي أيـام قـسـايـا خـاتـا للـزمـن البعـانـد لي سعـادتك يا عشـايا
أنـت مـن شبـيـت صغـير راسي ما بتحتاج وصايا ما حصل خيبتا ظني ولا فشل فيك زين غنـايا
لا تسـيـب أمــك تـهـاجــر يـمـه محـتـــاجــي الحـمايا
لا تسـيـبـني وراك تـرحـل إنـت يـاك ضُـلـي وضرايا
أنـت فـوق الـحـوبــة مـقـنــع إنـت للـمـكشـوف غطايا
دايري مـنـك تـبــقـي جنـبي . جنبي في فـرحي وبلايا
دايـري كـان قحـيـت اتـبـنـك ارفـع اقـســمـلـك غـتـايا
أنت سـاعـة تـبـقي جنـبـي تـبـقـي ضُـلـي وتـوب قفايا
ومـا بخــاف ظـلـم الـلــيـالي وأنـت يــاك عـكاز عمايا
دايـري أقـضـي عـمـيـري جنـبـك أصـلو قارب للنهايا
خـايـفـي كـان ســافرتـا ترجع تلقي فـاضي البيت بلايا
حـيـنــا مـا بتـنـفـع قـروشـك وما تجـيــب لك أم سـوايا
مـاني عــارفـي سـبــب رحـيلك يـا وليدي شنو الحكاية
إلا تبـقي بـــراك شــايـف فـي فــــراق الــوالــدة غـايـه
ما بعاتبك وما بلومك لو رحلت بلـقي في الأمثال عذايا
عـلـي حـجــر دايـمـاً قليـبـك وقليـبـي كـله عليـك جنـايا
بحر المودة
السر عثمان الطيب
محمد جبارة
شــوفـي الــزمـــن يــا يــــمــه ســاقـــــنـي بعيد خلاص
دردرني واتغـربـت واتــبـهــدلــت يـمه وريني الخلاص
ســاقــنـي الــقــدر مــنـك بـعيد لآذيا كاس جرعني كاس
يا يمه يا فـيـض الـحــنـان الـمـا كــمــل يا يـمـه يا بـدري الـبـشــع دايــمـاً يـهـل
يا يمه يا نور الصباح وكتين يطل وآشري يا زينوبة ولدك في بحور الشوق كتل
محـروم مـن الحـب والمحـنة وراك همـل يا يمـة يا بحـر المـودة وكـتـيـن يفيض
يا يمة يا شـعـلــة أمـل زادت ومـيــض يا يمة يا عـنـقــود كـلام مـنـظـــوم قصيد
يـــــــا يــــــــــمـه يـــا نـغـمـاً حـنــيــن بـالـشـــــوق يرن
وأفــكــاري فـيــهـو بـــيــرتــعــن دمـعـــاتي شانو بينزلن
واتــــذكـــرك يــا يـمــه فـي الـدغــش النـسـايـمـو يهبهبن
قـايمي الـصـباح مـتـكـفـلتي شـايـلي الحلـيلي علي المراح
والـــســــــاعة ديــــــك يــــــا دوب ديــكــنــا بدأ الصياح
والـطــيـر صــغــاروا يـغــردن جـبـتي الـلـبن بي انشراح
واتــذكــــــــــرك يا يــمـــه في وكـــــــــــت الـهـجـــــــيـر
صـالـــيــــــــاك نـــار الـــدوكـي عــســتــيـــلــــــنا الفطير
رشـــيـــــــــــتـي قـلـــــتـي أكـلــــــوهــــــــــــــو خــــــيـر
واتــذكــــرك يـا يـــمــه يا بـســـمـــة الطــــفـل الـغـــــرير
وكـت الـخــلــوق تـرقــد تنوم وأسهر براي أرعي النجوم
والــــشـــوق يـــرف جــنــحــيــهــو بـي فــوق لي يحوم
وأهــتــف بــاسـمـك فـي الخيال طيفك كمان بي فوقي جال
وأتــمــنـي لـو لـحــظـات يــــدوم لــكــني فجأة ألقاهو زال
واتـــذكــرك يــا يــمـه ســـاعــة الــنــاس يـجـونا من البلد
نـــاعـــــــــم تـــــــــرابـه عــلــي جــســيــمـــاتـــــــن رقد
ريـحـة الـتـمـر فــوق الــهـدوم ولـون الخـضـار خانس لبد
والـشـوق أوارو بـيـشـتـعـل كـان ظـنـي فـيـهــو يكون خمد
واتــذكــر يــا يــمــة والـــنـــاس قـــالــــوا راجـعـيـن البلد
رصــوا الـهــديــمـات عــدلــوا ركــبــوا الـلـــواري وقبلوا
خــلـــونـى وحـــدى بــلا انــيـــس كـيــف إنـفرادى إتحملوا
شـالـوا الـسـلام مـن عـنـدى لـيك وإن شاءالله عندك يوصلو
يايمه ساعت يوصلوا ويقولو ليك شفناه فى بلد فى بلد الأمان
انـبـسـطـى يــا نـبــع الـحـنــان وانــا حـالـى يشهدبوا الزمان
يــايــمـه رســلـى لـى عـفــوك يـنـجـيـنـى مـن جور الزمان
اسمع كلام امك تعال
عبدالرحيم البركل
اسـمـع كــلام امــــك تــــــعــــــال الغربه ماها كنز قروش
والــغـــــــــــــــــــربـه مــــــــاهــــــــــــــــــــا بيوت ومال
الــغـــربــه كـــم ذلــت نـفـوس والـغـربـه كـم هانت رجال
بـوصــيــــك يــــا ولـــدي الـحـنـيـــن اسمع كلام امك تعال
سـمـح الـشـغـل فـي ارض ابــوك ارجـع تـعــــال ما تودرا
ارويــهــا مـن عـرقــــك زلال ارمـيـهــا بـي تـيـراب خدرا
شـــوف الــســنــابـل كـيــــف تـمـيـــل تـشـبـع بلدنا نصدرا
والـغــــربـه تــــب مــا فـيـهــا غير عيشة العذاب والدردرا
مــالـك عـلـي شـغـل الإيـجـار واطاتـنـا بور صبحت وراك
لـيـه تـبـقـي خــدام لـلـغـريــب مـا انـتـي سـيــد نفسك براك
انا عيني في نص الليل ترف وقلبي الحنين نوموا اللي راح
مــن شــوفـتـك غـلـبـني الـمـنام واصـبـح مـناي عيني تراك
ارجـع تـعــال لـي يــا الـحـنـيــن مــالـك عـلـي عيشة الشقي
شـوف كـيــف تـمرنا سبيطوا مال والنيل سقي الوديان سقي
مـا بــتــلـقـي غـيـر رزقـك هنـاك يـا ريت نصيحتي تصدقه
ارجـع تـعــال والـزاد المكتوب لـيـك في ارض ابوك بتلحقه
ارجــع تـــعــــال خــلـي الــــشــــقــي وعــيـشــة الـكــرم في
ارضــك الــمــقــســوم بـيجــيـك في الغربه او هنا لـيـك رب
ســودانــا اصـلــوا مـن الــقـريـر لـيـهو الكريم بالنـيــل وهب
ســودانــا والله الـعـظـيـــم واطــــاتـــوا اغـــلـي مــــن الدهب
حـق الأم
خليفة محمد
أبـوك لـبـى نـداء الأجـل خـــلاك فـى الأرحـام جـنـيـن
عـنـد الـمـخـاض سـاعة مجيك طار المنام من أى عين
يــوم قـالـو لى أمك ولد وفى الفرحة غرقوا الحاضرين
سـرحـت مـع الأحـلام سـمـت قـالـت عشاى يكبر متين
أشوف جديدو أضوق حلوهو الناس يقولوا عديل وزين
يــزرع حـيـاتـى هـنـا وســرور يـمـلاها بالمال والبنين
اتـحـزمـت واتـلــزمـت وســـــألـــت إلـه الـكــون يعين
صـدت جـمـيــع الـمـغـريـات ورفضت إعانة كل معين
صـبـرت عـلـى ظـلـم الحسن وجازيته بى ظلم الحسين
حـلـيـلـك يـا الـضـمـيـرك مـات ودسـت قيمنا واتوطيت
تــــابــع نـفـســـك الأمــــارة حـــــدك فـــــتـو وإتعديت
قــول لـى يــا خـى لــو بــالــجـد عــقـلك فيك وماجنيت
تـسـمـع كـيـف كـلام مـرتـك وترضى أمك تفوت البيت
زهــدت فـى نـعـيــم الـدنـيــا شـان فـاخر الثياب تكسيك
ورفـضـت بـى أدب خـطـابـا شـان ما يـبـقو ليك شريك
بـالـهـنـا والـنـعـيـم الـعـشـتـو حـلــمـك رابـك الـحـد ليك
صـبـحـت جـنـتـا واحـلامـا غـيـرك مـافـى لـيـها طريق
راس الـشـوكـى لـو مــسـاك يـشـعـل فـى قـلـيـبـا حريق
تـطـويـهـا الـهـمـوم والـغـمة لـمـن إنــت تـصـحـي تفيق
لــو فــد يــوم حــردت غــداك يـومـيـن مـا تـفـك الريق
بـالـجـد والـعـزم والـنـخـوة والـصـبـر الـنجـد من ضيق
وربـت بـالـحــلال والله شــاهــديــن الـــعـزول وصديق
نــاس الـحـلـة والـعـرفـوهـا والـجـيــــران فى أى فريق
مـا ذكــروهـا غــيــر حـمـدوهـا بـالـمـصلايـة والإبريق
لـكــن وا ضـــيـــاع تــربـــاتـــا حـقــهــا ذرة ما أوفيت
حـلـــيـلا ووا خـســار بــلالا يــبـقــالـك سـعـيـد وبخيت
كـــايــس لـلــسـعـادة دروبــا دابــك بـى جـــدارة شقيت
فـرشـك تـانـى يـبـقـى جـحــيـم ومـا بـتـقدر عليهو تبيت
غـرقـت فـى الـهـمـوم والآهـة ايـــــدك لـيـهـا مـا مديت
ومـرضـت مـا سـعـيـت فى عـلاجا لا هماك لا اهتميت
مـهـمـا تـصـلـى ولا تـزكـى كـان عـمـرت كــان حجيت
رب الـعــزة كـيـفـــن يــرضـى أمــك لـيـهـا ما ارضيت
كـيـف يـنـتـم لـيـك مـراد وضـاع راس الـعـشـم والخيط
ولـسـه فـى الـغـلـط مـتـمـادى الـسـويـتــو قـايـلــو بسيط
مـفـضــوح تـانى مـا ضـاراك لا لــيـل لا زمـن لا حيط
عــيــن الــنـاس مـحـل تـمـشـى اسـتـنـكــارا بـيـك يحيط
ويـن راح تـلـقـى زى الأم قـلـب وافـى وحـنــانـو وهيط
ومـافـى شـبـيـهـا غـيـر نـخـلـتـنـا لما تشيل تسوى سبيط
جــازت بـالــرطـب رامــيـهــا مـا قـالـتـلـوا انــت قسيت
قـــاومـت أى ريـح جــايـيــــها عشان الطير عليها يبيت
يــا شــارب كــؤوس الــغـفـلـة لوصحاك غناى ووعيت
حـصـل والــدتـك رضــيــهـا طــوق جــيـــدا بالسوميت
والله أحــســن جــنــاك الــوالــدو فـيـك يسوى ما سويت
حـق الأم قـرض .. صـدقـنـى ضـاقـتـو فى جليدا كريت
رسالة إلى دار البقاء
ابراهيم ابنعوف
عبدالرحيم البركل
شـعـرى الحزين يا يمه يحكى ليــك كيف بعدك أنا
وكيـفـن كمان فى الدنيا رحتا وتهتا فى درب الغناء
يانى الجنيت على الزمان أو كان زمانى على جنى
شــعــرى الــحـــزيــــن يــا يــمـه يـحـــــكـــى ليك
ســـاعـة جـــن قــوافــل الــقـدرة ســاقـنـك مـعـاهن
ورحــــــــــــــــــــتــــــــــى لــى دار الـــخــــلـــود
ســـــألــــــتــــا عـــنـــك يــايــمــه مـا خــلـيـت دار
وبـكــيــــت عــلــيــك مـن غـيــــر حـدود وين أمى
يــــــــــــــــا نـــــــــــــــــــــــــــــــــاس الــفـريـــق
نــزلــــت تـحــت خـلــتـنـى لــيـه مـا كــان تسوقنى
فـى ســـاعــــة الـحــلـــيـــــب عـنــــــــــــد الورود
ويــســكــتــونـى يـايـمـه بـى تـعـريفه أو حبات تمر
ويـقـولـوا لى أمـك مشـت سوق الشرق وهسع تعود
صــدقــتــا أنـا مـا عــارفــك يـايـمه فارقتى الوجود
ومـا عـارف إنى وراك اكبـر واجرى بدرب البنات
قـلـبـى داك مــاهــــــــــــو الــرهـــيــــــــــــف تلقى
يــــمـــــه يــــشـــــابـى كـل مـــاواحـــــــــــده جات
ولـولا الـعميـر عند سيدو كان بـدرى سمعتيبوا مات
وقـصـة شـقـاوتـوا وراء الـبنات يايمه تب مابتتحكى
يــمـرق صـبـاحـوا يـلـمـهــن يضحك معاهن يتبسط
ويـــرجــــع وراهــــــــــن تـــــانى للــنــوح والبكى
عــذبــنـوا جـرحــنـوا مـن الجـروح ما لاقى صفحة
عــــلــــيــــــــهــــا يــــــــــرقـــــــــــــــــــــد ينتكى
ومـالاقــى صــــــاحـــــب وجـــعــــة يبركلوا الفكى
نــاس الــمـحــنـه يـمه فـاتـــو وخـلـو يـنـيــن يشتكى
أهـــو غــايـتـو حـــالـى حـــــالــوا مـــا حــــالا بشع
لـلـيـلى جـارى وراء الـبـنــات يايمه لا اكتفى لا قنع
بــس الــفــضــلـو تــجـــيـــهـــو بـالـلـيــل فى المنام
تــــهــــــديـــــهــــــو لـى كــــــــــــــــــــان يـقـتـنـع
ولا انـــــدهــــيــــلـــو يــمــــــــــــــــه رب العالمين
والأولــــــــــــيـــــــــــــــــــــــــــــــ ـــاء والصالحين
إن كـان يـتــوب قـبــل العـمـيــر فاضلوا تو ماينقطع
اهــو غــايــتـو حـــالـى يــمـــه نـــــــــوحـى واساى
بـكــــرة الــــقــــدر كـــــــــــــــــان جـــاب رواحلوا
وجـــــــــــانــــى شــــــــــــن خـــلـــيــــــــت وراى
غــيــــر عـــــبــــــــــــرة فـى لـيــــــــــــــــلاً طويل
ودمــعــــات ســـكـــبــــتـــهـــا فــــــــــــــــوق أساى
وصــبــحــــــن بــقــــن شــعــــــــــــــــــرى وغناى
مــايــاهـــــو قـــــــــــــــدرى وجـــــانى عــاد براى
مــــالازم اصــــبــــــر كــمــــــان واتـحـمــــل اذاى
وعــــشـــــان كــده أنـــا اصــــلــى مــا حــدثتا زول
ومـا دايــــر زول فـى الــدنــيـــا يكون متعذب معاى
بـس دايـــر اقــــــــولـك شـعـــرى الـبـهـديـهــــو ليك
امــــســــكـى عـــنــــــدك واحـــــــــفـــــظـى وختيهو
لـــــــمـــــــــــــن ولــــدك الـــغـــــنــــــــــــاى يجيك
سـؤال
صلاح البوح
محمد النصري
أسـع ياتـو فيهـم يا خلـق الله عـاد أو عـاد يـات مصـيـر لى وللولاد
تبدا أمونة رحلة ما كان فى الحساب باراها الزمن شبعا فى العذاب
من يوم سـافر أحمد قاصـد للجنوب باكى أمونة فرقة هزت للقلوب
زوجــهـــا أبـو الـــولاد الـــخــاتى العيوب
مـفـقــود مـن ســـنـــة وأعـــلـــنـــوا للحداد
وتــمـــــر الـــســــنـــة بـــى فــــوق السنة
تــمـــو أربــع ســـنـــيـــن مـــــرت محزنة
فـكــرو فــى الـكـفـيــل وبـــيـــنــاتــن جنا
ومـحــل الأبــــــــــو بــقى عـــــــــم الولاد
عـقـــدولــــو الأهـــل ســـــوو الـــمـــتــبع
مــن مــرت الأخـــــو الفــــــــــات مارجع
تــنــداس الــمـــشــــاعـــر أو قــــول اقتنع
لازم الـنــاس تــضـحـى شـــان لبنى وعماد
ويــتــــم العـقــد بيـنات الدمـوع لا فرحـا كتـيـر لا ضـوّت شموع
عجلات الزمن مابتقبل رجـوع ومابتمشى الحياة زى ماالزول أراد
سـنتـيـن بالكـتـيــر كـان جـابو الولـد والحـزن الـقـبـيل جـواهـم برد
سـمـو عـلــى الــفـــقـــيـــد الــراجل الصمد
شــان حـــفـــظ الإســــم وتــأكــيـــــد للوداد
وما كـان فــى الــحــســـاب الــزمــن العنيد
يـنــســج فى الـخـيــــوط مــن زمـنــــاً بعيد
فـى يـومـاً عــصـيـــب ومــا فـى الـبال أكيد
مــن أول جــــديــــــــد اتـكــــــــــال الرماد
فـى لـحــــظــة ســـكــــون عـمّــــــاها الديار
حــس الـــبـــاب نـــقـــــر قــايـلة أمونة جار
تـاريــهــو الــفــــقــــيــــد كـــان فى الإنتظار
مفقـود الجنوب يرجع تانى صاد كان صدمة قاسية فوق الإحتمال
خلـتـا بـيـن جحـيـم واقع أم خيال إخـتـلّ العـقل وكان آخـر سؤال
أسـع ياتـو فـيهـم يا خلـق الله عـاد أو عاد يات مصير لىّ وللولاد
حكاية ميسره
علاء الدين عبدالرحيم
الـزمـن مـهـمـا كـان عـنـيـد شـكـل أفـعـالوا وصورا
بــرضـو نـنـسـى سـواتـو ونـقـول قـسمه والله مقدرة
كـل يـوم يـرويـلـنـا بـى فـن قـصـة مخـتـلفـة مغايرة
بـحـكـى مـن أفعالو واحدة بس مثال ما داير احصرا
عـاش مـنـعـم بـيـن والـديـن ريـدتـو فـيـهــم متفجرة
شـبّ بـيـن والد كان عطوف وبى حنان والدة مبطرا
أســرة غــرتـو كـل الـحـنــان ولـيـهـو سقاية محدرة
ولــفّ دار دولاب الــزمــن والــقــــدر يـتــم ميسرة
مـات أبـوهـو الكان حنين وليهو كان الضل والضرا
خـلـى لـى أم ورثـت الـهـم والنحيب ودموع ممطره
خـلـى لـى شـابـة اتـرمـلـت زهـرة يـــا دوب منورة
لـسـه فـى ريـعــان الـشــبـاب حـلــوة أمـورة وآسرة
فـلـتـه مـن عـالـمـنـا الـضـنـيـن مستحيل تانى يكررا
قـررت تـتـحــزم تـقـيـف جـم ولـيـدا تكونـلـو الضرا
وتـنـسـى إنـو فـقـد أبوهو وتبقي هى الراجـل والمره
رغـم جـو الـهـم والـنـكـد مـهـدت لـو طـريــقـو يقره
ورغـم إنـو زمـانـا غـالـى كـان بـتـقـعــدلــو مذاكره
كـان بـتـحـلـم بـى ولـيـدا يـبـقـى كـان كـابتـن طائرة
والا يـصـبـح بـاشـمـهـنـدس والا يـتـخـــــرج دكتره
والـولـيــد اصـبــح كـبـيــر وفــاتـا يـا دابـو العاشرة
والـزمـن غـيـر كـل شـئ الا والـدتـو مـــــــــا غيرا
زادا فـى نـظـر الـكـل سماح وفى عيون الناس كبرا
مـرة يـوم الـحـلـى جـاطـت وقـالـوا إنـو سعـيد دايرا
كان سـعـيـد راجـلاً مـهـذب يـمـلـك الجـاه والسيطره
قـام طـلـب إيـد أم الـولـيـد ونيـتو صافـية لبن طاهرة
دار يـكـون لـهـا راجـل أمـين ويبـقى والد لى ميسرة
حـسـت إنـو أمـامـا إمـتـحـان قـاسـي بين إتنين خيرا
خــتــت الــشــافـع أمـامـا ومـغـريـا الـكـون بـى ورا
بـيـن وليـدا الفارق كبير وبين قروش وحلى وأسوره
رفـضـت الـفـكـرة وبـى أدب رسـلـتـو جواب معذرة
ورتـو إنـهـا داب ولـيـدا وفـى الـعـرس مـاهـا مفكرة
يـوم سـعـيـد نـادى الشويفع رغبو وقال ليهو واغرى
جـيـب لـى قــلـب أمـك يـا ولـد ولـيـنـا طلباتك آمره
كان طلبت الـشـي المستحيل يبقى ممكن شان خاطره
كـم فـرح مـيـسـره وإنبسط ولى ديارن فرحان جرى
فـتـحت أمـو احضانا راجا شان تضمو يطيب خاطرا
وبـيـن ضـلــوع أمـو الـحـنـيـنـي غـزّ سكين لى آخره
وانـتـزع قـلـب أمـو عـجـلان مـن مـحل ريدتو موكر
ومـاتـت الأم جـم ولـيـدا فـوق دمـوم ســالــت طاهره
وشـال قـلـب والـدتـو بـيـن ايـدى وزود السرعة كترا
ومـن كـتر سرعتو قام وقعد وما عرف حاجه ومادرا
غـيـر سـمـع قـلـب أمو ينضم وفيهو كم أنات عاصره
بى كـلام أشـبـه بـالـبـكـا ومـن حـلــق ســاداهـو عبرة
يـا جـنـاى إن شـاءالله طـيـب بـى وقــعـــتــــك متأثرة
كـان كـلام قـلـب أمـو تيار فى دواخل الوجدان سرى
رغـم إنـو يـفـيـض مـحـنـه .. ضـاق طعم كلماتو مُره
حـس إنـو فـعـل جـريـمـه مـسـتـحـيـل تـلـقـى المغفره
سـل سـكـيـن دايـر يـموت وفـى وسـط ضـلعـو يوكرا
دار يموت كان يرضى الضمير أو يكون للزيو عبره
الا تــانى قــلـيــبـا نــادا .. رجـــع الـسـكـيــن لى ورا
ولاتـكـتـل أمـك مـرتـيـن .. يـا جـنـايــا كــفـايـــا مرة
أم اسامه
العيدروس
اصـبــرى يـا ام اسـامـه اسـتـنـى ربـك بـخـلايـقـه كفيله
يـوم سـافـر ابـوهـو اسـامـه كـان قـصـدو العلـيك يزيلا
زول سـافـر يـحـسـن وضـعـوا لـيـه شايـلاها فوقه تقيله
الــحـال الـعــلــيـك عـلـيــهــو مـتـعـــود هـمـومـو يشيله
مــادام الــزراعــه ابــتـــلــو لازم يـمـشــى يـجـنى بديله
لازم يــمــشـى يـتـخـطــاها مــادام مـــا عــرفـلـهـا حيله
الـجـرف الـتـوصـفـى فـيـهـو مـسـرت وقلتى مافى متيله
الأرض ام مـسـاحـة ضـيـقى فى الصب ما بتمسكو بليله
الـتـمـر الـطــوال عــيـــدانـو مــا جـيـبـالـوا منو حصيله
كــيـف يـقـدر يـجـارى مـعاهو الصرف الحكايتو طويله
فـى الـعـيـد لـو يـبـكـى اسامه ينحب سيل دموعو هطيله
اصـبــر يــا اســامــه اســتــنى كم من اسره فاقدى دليله
كـم مـن نـاس تـفـارق داره تضهب فى صحارى رحيله
الـحـظ الـتـلـومـى فـيـهـو كـم مـن نـاس نـفـوسـهـا عليله
ســبـحـان مـن خـلـق لـلــدنـيـا ســيــره بى نـهــارا وليله
مـخـتـار فى عـبـاده آ والـده عـاشقك من نشأتى صغيره
والـزول بــيـــلــقـى قــســـمــتـــو ان كـان كـتـير وقليله
أمونة بت الشيخ حمد
أمــونـة بـت الـشــيـخ ابــوهــا كـان مـزواج خـلاص
نـــاســــــــــب جـــــمـــــــــيـــــــع نـــــــــاس الـبـلـد
مـيــلاده كـان عـرسـا كـبـير هيصه وضبايح مالا حد
يـوم الــســمـايـة اتـيـتـمــت حـكـم الـقـدر فـى الأم نفد
كـانــت شــبــيــه أمــهــا فـى الــقــدلـة والــعــود اللبد
وبـقـت أمـل كـل الـشـبـاب وجـمالها فى بت ما اتوجد
فى مـرة رابـطـه قـلـيـبـه يـوم حبت قريبه الشيخ حمد
واظـن كـمـان حـبـاهـا هـو سـوا الضلوع لى حبو سد
كـاتـمـيـن غـرامـن فى الـقـلـوب ولـع لـهـيـبـن ما برد
خـايـفـيـن يـصـارحـوا يـقـولـوا شـومـه لـلـدايـرنو رد
خـايـفـيـن عـيـون الـنـاس تـشـوفـهـم والخبر يملا البلد
والـحـب هـنـاك عـار كـبـيـر لا بـيـت تبوحبو ولا ولد
فى يــوم ابــوهـا ضـحـك كتير برم شواربو بلا الاسد
نـاداهــا آمـنـه تـعـالى جـاى فــوق الـبـرش اتربـع قعد
قـالـتـلـوا هـو جـايـــاك خــلاص قـلـيـبـه فـرّ ومـا رقد
حـاج الـخـضـر عـارفـاهـو داك قـالـتـلوا ايوه ابو سند
جـانى الـصـبـاح طـالـب يـديـك دايـر نسـب شيخ البلد
وانـا قـتـلـو اهـلا بـيـك تـعـال يوميـن تلاته تكون عقد
راجـلا عـظـيـم عندو القروش عندو الحرير راقد ِمدد
وكـمـان قـريـب واخـو رجـال ما عونو فد يوم ما برد
جـرن الـدمـوع مـن عـيـنه شو سكتت وابت تديهو رد
بـس قـام مـرق خـلاهـا فـات لا سـبـه مـو كـايسـلا رد
عند المغيرب تانى جاها كدى لى محاسـن الحاج سرد
دايـر يـأثــر فى قـلـيــبـه لـو كـان تـقــول تـديـهــو رد
وكـتـيـن غـلـب واحـتـار خـلاص ولع فؤادو جمُر وقد
فـسـر سـكـوت الـبت رُضا جاب زولو لمه الناس عقد
والـمـال مـخـمـخـم والحريـر تحت الرجول مدوهو مد
يـوم الـصـفـاح والـنـاس تـجـوط بالـفـرحة مقلوبة البلد
امـونـه تـبـكـى بـكـا الـسـواد بـدل الـفـرح جـاهـا النكد
وبـشـيـشـه قـامـت لـلـمـروق مـنـسـرقـه مـا حسابا حد
كـان الـحـبـيـب راقـد هـنـاك والـصـدمـة قـدت قلبو قد
وقـفـت قـصـادو بـكـت كـتـيـر لامـن دمـيع العين جمد
قـام جـاهـا بى شـوقـوا الـكـتـيـر وقـلـيبو داك انهدا هد
قـالــتـلـوا مـابـإيــدى شـئ ديـل نـاس ابـوى وابـو سند
إتـلـمـلـمـوا وسـوا الـكـلام وانـا لا رضيت لا جبتا رد
داك عـنـدو مـال مـو قـلـيـل وابـويـا شـاف المال سجد
ادانـى لـلـراجـل الـعـجــوز مـن عــروقــو الـــدم شرد
قـايـلـنى بـسـعـد بـالـقــروش ولا الـمـراح الـمـا اتورد
لـكــن مـحـال اسـعــد بـلاك كـان الـسـمـاء بـيـنـهـد هد
بـديـك قـلـيـبى وروحى ديل هناك بعيش صورة وجسد
واتــراجــت دخـلـت تـصـد لـكـن قـلـيـبـه رجـع رفض
مـسـكـت دريـبـا مو غريب كم بيهو صوت بنوت ورد
قـاصـده الـبـحـر دايـر تـمـوت لا عـيـشـه لا هم لا نكد
اتــرددت وقـفــت كـتـيـر لا مـن قـلـيـبـه خـلاص ثبت
شـافـت مـسـار الـنـيـل حزين حتى النخيل حزنان خمد
وبـشـيـشـه فـكـفـكـت الـحـريـر لا زيـنـه لا ربـيط عقد
مـا دام حـيـاتـهـا بـقـت دمـوع وقـلـيـبـه مـن زولا برد
قـالـت اخـيـر ارتـاح خـلاص ارسى وشقاى القالوا حد
فى لـحـظـة مـوج الـنـيـل عـلا فى جـوفـوا غابت للأبد
صــبـريـه
محمد النصرى
خالد شقوري
حـمـتـا اطـراف الـفـيـافـى شلتا صبحى وليلى حافى
مـا نـسـيـت ارد الـقـوافـى زى طـعـم صـبريه مافى
زى عـشـم صـبـريـه مـافـى زى نـغـم صبريه مافى
شـافعى من عربان بلدنا منها وفيها الـوداعــه شتلة فى قيزان بلدنا قايمي بي إيده وضراعه
القديم الافحه طرقى زاهى فى روعة طباعه البسـيمات الفى وجيها ياها من زمن الرضاعه
واقعى زى شمس العصارى فى العمر باقيهو ساعه
فى الـقـلـيب الشايله صافى زى صفاء صبريه مافى
فى الـهـجـيـر راحـت تـدقـق فى النهار الحار تورق
لـلـهـدوم بـالـيـل تلـتق فى الجرف زارعاله حوضاً
راجـه قـبل الحين يبتق واليسالمه من بلدنا هى يوت
تـقـولـوا إن شاءالله عـافـى وزى سلام صبريه مافى
فى كـريـقـرت خـالـها احـمـد شـايلـه ليله وايده تنبح
شـوكـى لاقـتـه فى دريـبـه لـما كان بالمعزى تسرح
نـامـت الـمـسـكـيـنـى تـقـنـد والـفـونـيـس ذاتـو روح
بـاقـى تـمـتـمـه فى خشـيمه تسأل الله المسرى تجمح
مـالـه مـال الـمـسـرى إلا شـان حبـيـب روحه يقرح
دى الـبـنـيـه الـريـده وافـى وزى غرام صبريه مافى
زى شـعـور صـبـريـه مافى زى حنان صبريه مافى
رادت الناس والسمـر رادت الصـفا والعكـر رادت المـوج الهدر رادت الصفا والعكر
رادت الحلى ودروبه رادت الـصفا والعكر فى عـيون صبريه طلت ريده الخلا للبحر
نـافـرى مـن قـيـلـت الكرارق وخايفى من قولة السفر
والـرحـيـل الـسـرو خـافـى فـى قـلـب صـبـريه مافى
فـى زمـن صـبـريـه مـافـى فـى خـيـال صبريه مافى
والـــنـهـــــايــة الـــــفــى فــصـــــول ســيـــرة البنيه
لــمــا عــــادت لـلــبــيــوت الـكـانــوا قـبـل المغربيه
مـالـقـت غـيـر الـزوامـل الـشـايـلـى احـلامـه الصبيه
شـــايـلـى عـيـدان الـكـرارق والـصـبـاحـات والعشيه
ضــاربـي بـطـن الــوادى زفـه لـمـة الـنـاس والسعيه
والـمـطـيـرى الـضـاربـي قـبلي لاقت الدمعه العصيه
والــرحــيــل عـــز الـبـــوادى الـرحـيـل وجــع البنيه
زى رحــيـل صـبــريـه مافى زى سفر صبريه مافى
حــــواء
ضـمـه جـسـم الـلـيـل عويله وضمت الاهات ذليله
حـوا يـانــاس يـاحــلــيـلـه وتــاني يـانــاس ياحليله
مـاسـكـي كـف الـثـوب تخيط والدموع تنزل هميله
كان متاكي الباب وخـايفي من ابوها يشوف حويله
مـاالـعـلـيهو هو ماهو هين كيف تعل روحو العليله
كـان يـقـول لـها حوا مالك والعذاب كيفن مشى لك
حـوا لا تـزيـدي العليكي فوق كتيفي انا شايلو فالك
حـوا مـاهـمـيــني حــالي الا بـس هـامـيــني حـالك
حـوا حـوا بـاقـي نـصـبـر ونـحـبـس العـبره الثقيله
حـوا بـرد الــدنـيـا اكــبـر والله اكــبـر مـن عـتاها
كـان بـامـكـانـه تـسـرق بـس ضـمير الخير حماها
زاد ازاهـا وزاد شـقـاهـا لـمـه ابوها الراجيه ودع
وروحــــــــــــو دقـــــــــــــت بـــــــــــــوغ رحيله
حـوا قـالـت دايـر تـاكـل لـو لـقـت لـهـا لـقـمـه نـيه
قالوا ليها ان دايـري تاكلي اكلي في خاطرك شويه
اضـحـكـيـلـم وابـسـمـيـلـم تـلـقـي بـدل الـقـمـه مـيه
حـوا قـالـت دايـره تـغـمـر لـو حـلـم بالـفرحه طافه
قـالـو لـيـهـا الـدايـري تغـمر الا في صدر السخافه
بـيـنا وبـيـن عـيـشة المعزه ماخلاص بعدت مسافه
حـتـى قـدر الـمـوت اباها مش حرام الموت ياعافا
سـوت الـشـاي لـلـعـطـالـي مـاجـنـت غيـر الرزاله
حــامـت الـحـلات تـغـسـل شـالو نـاس الحـله حاله
مـدت الايـد لـلــعــمــايـه خــتــو فـي ايـديــنـه لالا
قــنـبـت في ضـل مـصـغــر سارحة تلتق في نعالة
في ضـجـيج عجلات زمانه مانست صرخة جماله
حــوا مــاتــت لــمــه مـاتـت امـهــا وكـانـت طفيله
مـاتــت لــمــه ابـــوهـا روحـــو دقــت بـوغ رحيله
ومـاتــت الــف مـره لــمــه سـلـــبـوهـا الـفـضـيـله
ودحـمد احـمد
الفاتح ابراهيم بشير
جعفر السقيد
عــلــيــكــم الله يــا احـــبـــاب اتــلــمــوا وابـقــــوا قراب
خــلـــونــا الــنـعـيــش ايــامـنـا الـمـوت يــا داخلـنا الباب
الــدنـيــا الـعـبـوس غـدارة زى رايـة الـــفــكـى الكضاب
تـضـحـك لـك تـقـول جـيـدلـى تـتـكـئ تـغـــــرس النشاب
الـمـوت يـا صـحـاب بـالـجـمـله اصبح ما بدورلو اسباب
والـعـاقـل يـعـيـش ايـامـوا مـا دام مـن تــــــــراب لتراب
هــسـى ان مـاتــو مـنـنـا عــشــرة تــلـقــاهـم تمنيه شباب
والـتــاسـع يـكـون وســطـانـى والـعـاشـر يـكــون يا داب
اخــدوا الـحـمـكـة مـن تــربــالــنـا اتـوكـل رمـى التيراب
وعــارف ربــو مـن يـنـســاهـو والـصـابر دعاهو مجاب
عـلمنى الزمن يا خلا درسا ما قريتلو كتاب انو الدنيا مهما تبقي كلها فى سؤال وجواب
اللقى يارفـاق مـن الله زيـو كـذلك الإنجـاب والحـظ مـا بتجـيـبـوا الـقـوة والشـقى مـا بزيلـو عـذاب
والبكا ما بجيب الرايحه لو جرت الدموع صباب والافـراح تـدور يمشولا والاحزان تجيك فى الباب
الدايرة السعـادة يكـوسـهـا وبيـنا وبيـن حـزنا حجـاب اولا فى رنيـن الضحــكه قمتا فى لقى الاحباب
يـا اخـــوانـــا الــتــفــــاؤل نـعـمـه ديـمـه يريح الاعصاب
والـزول الـيـكـون مـتـشــائـم الـعـصـفــور يـشـوفو غراب
زولا فى وضــوحــو بـلا الـشـمــس ود حمداحمد يا رفاق
من شـب قـام درفـون صـغــيــر سوالو جوه الناس عرش
يـا هـو الـركـيـزه الفى الفريـق زول حوبه شقيش ما يمش
تـلـقـاهـو قـــدام الـــرجـــال حــا شــاهــو كلمتوا ما بتطش
من شــب قــام زولا قـــنــوع مـا زكـا يـــوم درب القرش
وما شـالـو حـق زول بالـغـلـط وما بيرضى سمعتو تنهبش
فى لـيـلـه كـان راقـد حـزيــن وسـارح فى الـزمـن الوحش
كــيــفـن بـعـد كـان حـالــو زيـن والـسوق مفرهد ومنتعش
مــرت عـلـيـهـو سـنـيــن عـجـاف ضــمـايـر الـناس تطش
بس فجأة سمع الباب يـدق يالله خير واطـرافو كلها ترتعش
فـتـح الـبــوابـة بـلا نــفــــس وقــدامـو كـــــــــان ود الفتح
قــال لــيـــهـــو ادخــــل قـــالــو لا انـا حالى ماداير شرح
قـال لــيـهـــو جــيـــت والـعــشـم سـايقنى يا اب رايا سمح
وقـفـت قـصـاد بــيــتـى الــظـروف حـلـفـت يـمين ما تزح
الـبــيــت مــعـاهــو الــمــدرســه خــلــنـى بـى ايــدي ازح
والـنـخــلـه هـــادى قــدر تـشـيــل يـاخـدوهو قبال يصطبح
قـال لـيـهـو بـس نـقـع الـبـنـوك سـلـفـيـــــه والحال ينصلح
قـلـبـة وقـلـبـتـيـن ويـا رفـيـق وبـعـديـن نـشـيل نحن الربح
يــا امــة نــقــع الـفـتــل مـا الــدنـــيــــا اصـلـــــو فرندقس
يــوم انـت طـايــر فـى الـسـماء ويوم تحبو فى جمر الفلس
بـس قـوى قـلـبـك يـا رفـيـق ونـضـمـك يكون عجوة محس
مـن بـدو كـان درت الـنـجـوم تـلــقــاهـا فـى شـهـقـة نـفـس
قــبـال كـمـان تـصـحـى الـشمس مشى للخزين ود العوض
قـال لـيـهـو إلا تـمـشـى مـعـاى اولادى ديـك اكـلو القرض
اتـمـاسـكـوا الاتـنـيـن سـوا ودحـمـداحـمـد دايـــــــــر يطير
مــرات يـجــك ومـرات يـخـب ومـرات تحسـبو زى عزير
بــس فــجــاءة فـى لـمـح الـبـصـر لـقـى نـفـسـو قدام المدير
نزلـهـم كل الشـروط فـيهـم شـرط قـاسى وعـسـير كان الشرط ايه الضمان ما البنك منهجو برمكى
صاحبنا قام رهن الأرض الشاربه من دمو الزكى مداهو معنى الإنتماء والضحكة فى الزمن البكى
ذرات ترابـه تقـولـو لا والـدنـيا غـرقـت فى البـكى ويـن تـانى تلقـالك حضـن يأويـك وكتـين تشتكى
ميـن السـواي البفـهـك يا حـمـداحـمـد غـيـر حـكى انا يـانى امـك يا جـناي مـن قمت زي تمر الفكى
يــومــو الــيــشــيــل فـــوقــك تـعـــب لابــد فــوق انا تتكى
لابــد نــرجــع لـى صـــــاد لــــــو حــــتــى فى آخر العمر
ربــيــت اعــمــامــك وابـــوك ومــا احــتـــاجو لاعند القبر
يـا ابـنـى لا تــرهــنـى هــــوى يـــا ابـــنـى عـضـى الصبر
ودحـمـداحـمـد بـى حـصـــار خـلــط الــبــيــصـلـح بالبضر
مـاهــمــو ايـه بــاكـــر يـكـــون مـا طــالا حـقتــق للغرض
شـــال الـــقـــريــشـــات وفـى جــيـــبــو شـيــك سمو السند
مـبـسـوط ويـضـحــك مـنـتـشـى وصاحبـك يفوجج فى البلد
اولادو دايــريـــن يــابــا جــيـــب صـاحـبـنـا يـدي بلا عدد
الـبـت تـجـيـهـو الـمـدرسـة صـــاحـــبــنــا يــدي بـــلا عدد
الـحــاجـة هــمـهـا تـوب سـمـح صـاحـبـنـا يــدي بــلا عدد
لامــن شــهــور الـجــن مـضــن لـقى نفسو مخنوق بالمسد
الـشـيـكـا بـاقـى وقـيـتـا جـا اقـصـــاهــو لا يـــــــــوم الاحد
ودحـمـداحـمـد انـضــــرب بــقـى يــجـــــــري زى القنقرد
مـرات يــفــوتـك فى الــســلام مــرات يـسـوى بكى وحرد
بــس فــجـــأة صــاحــــبـك اخــتـــفـى هـمـل عقابتو وشرد
مـا راعـى احـسـاس الـورا وما راعى احساس البت والولد
ولـى زوجـتـو الـمـمـكن تـضـيـع فـى زحـمـة الـزمـن النكد
الرواسى
حاتم حسن الدابى
جعفر السقيد
بـدر مـدر يـــــا رواسـى نــحـــــن بـعـــــاد لـحــقــنـا القيف
انـت مـدبـج ونـحـن نـقـاسـى بـرد ام شـيـر والـموج والزيفة
مـركـبـك الـمـالـيـهـا مـطـارق تـمـشـى تـقـيـف تسرح بيكيفة
مـرة مـغـارب ومـرة مـشـارق وانـت تـخـاف الريـح وحقيقة
ســاوهــا زيـنـة وفـوقـا بـيـارق وأنـت مـدبـج تــوب وقطيفة
فــيها الـمات زو الـضاربه الفالق والمسلمين فى حالة مخيفة
كـل الــنـاس تــرزح فـى كــفـة وأنــت ونــاســك فـوق الدفة
الـدايـشـيـن والـراسـهـم لـفـة والـشـاخصين فى المدى للضفة
ســـاولـك فــوقــهــم الــفـة فــوق الــمــويـة وريـقـهـــــم جفة
مـن الـعـطـش الـنـص اتـوفـى وبـاقـى الـنـص الـفـضل جيفة
ضـاقـوا الـمـر والـحـال اسـتـعصى الشغال واللاحق الحصة
الواصل للرحم اتقصه والهداى مو لاقى الفرصة الرساى سافر ما وصى خلى محمد واحمد وحفصة
الأطفال العرفـو القصة سـدت جـوه حلوقهم غصة من الجـوع الدم اتمتصه واصبح كل الحلـم رغيفة
كل الراكب شاف احلامو دون احسـاس ماتت قدامـو فن كتابو وكسر اقلامو لاالوالدين لاجار مالامو
هزموه اخوانو البى الجوع نامـوا وكم خريج ما لاقى وظيفة
يا الــفــكـيـتـهـا وقـلـتـلـهـا سـيرى وعارف إنو الدنيا دميرى
لا فى ضفاف لا شفـنا جزيرى لا فى الحيرى لا فى الطيرى
كـسـرت جـنــاحهـا وقـلـت لـها طيرى واتملكت الكانت ميرى
يـا الــســودان الـنـاصـع وحـيــرى ايـد الـحق صابونة وليفى
قـبـلـك كـم مـتـعـلـم وقـارى عـكـس الـريـح فـكـولو الصارى
مـشـدوهـيـن مـتـعـشـى وحـارى ريـسـهـا شـلـــتـه والبحارى
كـم ســنـوات عـلامـهـا الـبـارى واقـفـة وهـم شايفـنها جارى
بـقـيـنـا هـلاك والـقـيـف مـضـارى لا حـجـار لا دوحة وريفة
حـسـك عـيـنـك مـا تـتـمـادى وتـنـسـى الـراكـب عـنـدو إرادة
الأهــوال الــشــافـهــا وخــاضـهــا كـان فى مدرسة ولا عيادة
شـفـنـا الإيـد الــكــانـت اجـــواده عــلــمـــت الله مــن التعريفة
يـا ريــســـنـــا قــــدر مـديــــــرك فـــك الـــــدفة وادها غيرك
احـــفــظ نـفـسـك تـرضـى ضـميرك وقف اوع تواصل سيرك
كان طــاوعـتــنـا شـن بـيضـيرك عرض اكتافك وفك البيريك
لا هـى وشـكـرا وكـتر خـيرك وكل انـسـان فـى الأرض خليفة
سوقنى معاك ياحمام
محمد سالم حميد
محمد النصري
سـوقـنى مـعـاك يـا حـمـام سوقني محل ما الحبيبة
قـريـبـة تـراعـي الـغـرام غـريـبـة الأشـواق حبيبة
يــــــــجــــــــــيــــــــبـا مـــــــنـــــــــــام فـي منام
سـوقـني مـحـل مـا الـمـحـنـة وأيـادي تقطـر سلام
سـمـاحـة الـحـيـاة فـوق أهـلـنا وبلادي تقرقر وئام
غلابه وأمان مو الطيابة ضكارى بصارى وكرام
حـبـابـه الـحـبـان في بـابـه وتـدخـلـوا عليّ الحرام
فــقــارى ولــكــن غـــنـايـا غــــنـايـا بـهــذا الغمام
بـهـذا الـنـيـل كـم تـغــايـا وتـيــرابـا نـرمـيـهـو قام
إرادة الـقـمـره الـبـتـقـدر بـراهـا تـضــوي الضلام
شــعــاع شــمــشـاً يـامـا خـدّر وإذا يـبــَّس لا يـُلام
فــيـابـا خـرابـا الـحـرابة وخرابة فكر سـوسي سام
خــرابـة الـكـل نـفـسـو تـأبـى عـقـابـه تـلِم عم سام
ولـِيـد مـخـلـوق لـلـقـرايـة خـزيـن مدخـور للجِسام
تـتـمــر نـيــتـو الــتــخــــايـة إلامــا مـذهـــلـل إلام
درب مـن دم مـاب يـودي حرِب سُبّه حرب حرام
تـشـيـل وتـشـيـل مـابِ تـدِّي عُـقـب آخــرتا إنهزام
بطـانـة الـشـيـطان قـديمِة وبعد دا منو العرشو دام
إذا الإنسان ما ليهُ قيمِة عـلي إيش خلَّفُو سام وحام
تـعـالـوا الـدم مـا هـو مــويـةِ ولا ها ترايي المسام
أخـــــــــويـــا وطــــــــراوة الـــخــــــــــوة إبتسام
تـعــالــوا نـحـانـن بـعـضـنـا نخـل قلبو على التُمام
نـبـضـنـا يـشـهـل أرضـنـا وأرضــنـا تجِم العضام
تـعـالـوا بـدل نـبـنـي ســاتـرنـخــيــب ظـن الصدام
نـطّـَيــب لـلــعــازه خــاطــرنــقــوم لأطـفـالـه سام
أخــيــر كــرّاكــةً بـتـفــتـح حـفـيـر وتـراقـد الركام
أم الــدبــابــة الـبـتـكـشـح شـخــيـر الـمـوت الزؤام
تـعـال لي غـابـتـك يا خيرا تعال لها يا أسده الهمام
بـدل دوشـكـة يـغـنـي طـيـره مـحل قنبلة عش نعام
بـلـد صـمـَّي وشـعـب واحـد عـصـية على الإنقسام
أبـيـه وبـكـراهــا واعــد صـبـيـة ومــشــهــــاده تام
بـسـاط أحـمـدي كـم يـشـيلـنـا وتـشـهِّلنا على الدوام
نـَقـِل لـيـلـنـا تـقـوِّي حـيـلـنـا ودلـيــلـنـا تـمـام التمام
نـلـقــّم ســقـف الـمـتـاهـة نـجـم هــدّاي فـي الضلام
ونـطـعــِّم حـرف الـــنـــزاهـة لإيـئــلافــك يـا حمام
ديــمــقـراطــيـة وأمــان ســـوا .. سـوا عـالـين مقام
مـواريــثــنـا الـمـن زمان مـحـصـَّنـة في أروع نظام
بـــريــدك يــا زول بــريــدك بـعـشـقـك حـتّـى الهيام
أريـحـــيـــتـك عــد تــزيــدك مـهـابـة ولـيـك الـقـيـام
عــهــدي مـعـاك يـا حـمـام حـبـِيـْب الـرُسـل الـكـرام
رسـول الأمـراء الـعـظـام عـصـامـي عـلـى مـا يرام
مـاب تـهـدِل في خــنـادق ولا ب تـقـدِل فــوق حطام
ولا ب تـنـزل في فــنـادق وسـطـنـا مـراعــيــك قُدام
فــيـا مـلــدوغ مـن أديــس مـعــــــــوَّق فـي كـوكـدام
تــعــال عــمـِّر فــيــنـا مـيـس كـفـانــا طشـيش الكلام
جـنـاحـيـك جــنــوب شـمـال وأمـش طــوِّف يـا حمام
مـحـِل غـصـن الـعـزّة مـال عـلـيـك وعـلـيـهُو السلام
حـكــيــم الـطـيـر يـا مـهـبـِّر شُـراكـة الـقـَتـَلـة الـلـئـام
مـتـيـن بـإسـم الـحـق تـكـبـِّر وبـالـرحـمـة تصلِّي إمام
فــلاحـة الــعــالــم تــعـــمــر مـحـبـّــة مــــودة ووئام
تــــــشــــــمّــــــــِر ســـــــــــــــاعـــــــد الـــســـــلام
ســوقـنـي زمـن كـُلـُّو عـافـي نـتـاجـو عِلم خيرو عام
بـري آيـمـة مـن الـمـنـافـي وطــن وافـي علـى الدوام
تعال راجع تعال
عــشـــا الــبــايــتـــات قـــفـــــاك اعــــوج تـــعـــال راجـع تعال
وراك مرق الصبر سوس واكيد كل الرصاص واقع تعـال راجع
بـخـاف لـك مـن قـفـاك يـضـيـع وراك زي مـا هــنــــــاك ضايع
مـشـتـت لا فـهـم لا راي شـبـعـان والـوراك جـــائـع تعـال راجع
ســحــابـا شـتــتـو الاعــصـــار مـــســــافــر فـي ســمــاك صابع
تـتـاجـر في الـعـمـر وايـامـو خـسـران شاري او بايع تعال راجع
زمـان كـــــنــــت الـــقــعـــر والـــراس نـــازل فـي الــبـلـد طالع
واســـع حــلـيــلـك حــلـيــلـك يــا الــبــقــيــــت تـابــع تعال راجع
كيف الزول يقاسي الغربه ..ما بين نوح انين وشقا
يـلـقـي رويحتـو ودر عمرو لا ارتاح لا مراضو لقا
كـم مـن فـيـنـا شـال احـلامـو شــــالـع بـالامـل برقا
قـام قـاصــد الـريـال وبـهـاه سـوا الـحـج قـتـا ودرقا
بـاع الفي المراح والمسري حتي الفي الايديـن مرقا
خـجـلان قـال تـقـيـلـتي وراي يـحـفـظـا ربــنا الخلقا
كـم مـن فــيــنـا هـمـل دارو اسـرتـو لـلـضـياع طلقا
غـرقـت في الـديـون خــلاهـا مكشوف للخلوق ورقا
فــيــنـا الام ولادو وراه بــــاعـــت ســلـســـلا وحلقا
شـالـت فـوق هـمـومـا الـفـوقـا شـوقـا وحـرقـتا وقلقا
الله مـن مـــرارة الــغــربـه مـن دفـــيـــرا مـن صبقا
مـن تـعـب شـبـابـنـا الـزاهـي ايـامـوالــنــضـار محقا
فـيـهـا جـراحـنـا كـل مـا تـبـري ما نعرف شنو الفتقا
امـا الـروح مـن الـشـايـلاهـو تـمرق لو في زول نتقا
غـايـتـو انـا مـن بلاد الغربه روحي الله خلاص عتقا
راجــع لــبــلادا ديــمـه حـامـدي وراضـي بـي رزقا
للـجـد الوريفـه الرحمه للعرجـونه للابقا للوسـط الاهل تلقاها لو كان حتي بي مرقا
مشتاق لتراب اوطاني لاحسـاسا لصـدقـا للبهـم التصـيح في مراحا للنيل التسابو بقا
لقـوز الـرمال والشـله لقعدتـنا في حـلـقـا لخـتـفة تعـوس الوالدي قبال ما تصل طبقا
اعرض في البلد بي بطولا دي الماليني تبع وشـقا لاخوف هيبه من الكشه لاقي النوم من الشفقا
انـعـم فيهـا بالحريه دي المن غيرا مافي لقا والمـو شـاد رحالـو وراي مويتـو علي السراب دلقا
نـسـلـم فـيـك يـا سـودانـا مـن مـسـك الارض عـزقـا شتت في التراب دم قلبو بي حن الابوه سقا
يـسـلـم فـيـك مـن ضـارك شـالك في الـعـيـون حـدقـا دنـقـر لتـقـيـلـتـك شالا عـندو امانا ما سرقا
لـو بـاقي لي يـوم في الـدنـيــا ومـنـو وتـزبل الصفـقا ما بندم بعد القاك وانزر روحي ليك صدقا
اخـر امـنـيـاتي بـقـولا لـو بـيـنـاتـنـا مـافي لـقـا اسمك خشمي لو كان متا يبقي اخر حروف نطق
الطيف
رميه محمد كرم الله
يــــمـه الــنـــوم ابــــا وجـافاني
واصــــــبــح داجــي ســـــــاهــر
ويــن حــتى الطـيـر رحل خلاني
مـا طـــيـــــــب لـي خـــــــاطــر
هي قليل يا طيف اقيف وارجاني
ويـــن فـــــايـتـــني عـــــــــابـــر
وانا شن حـــارس وراك انا تاني
يــــــانـي مــعــــاك مـســــــافــر
لا تـقــــولي هـي كـــدي استناني
بـمــشـــي واجــيــــــك بـــــاكــر
يـبــــقـى انــا مـا الـم فـيـــك تاي
ومـيــن عــــارف الـمـصـــــايــر
اللـيـلـة هــاك اثـار انـيــن الحاني
وابـــقـى مــعــــــايــا صـــــابــر
خـــفـف لـي قـــلـيـــل احــــزاني
يــامـــا انــا عــشـــــت صـــابــر
انـــا مــــــــر الــعـــــذاب وراني
سـهــمــوا في قــلــــبـي غــــايــر
اللـيلة جـا وفـر مـن صـبـح فناني
لافــــــح حـــــــــــــروا كـــــافــر
عــدمـــان الـضــــــلـيـل لــــواني
مـجــــنـون قـــالـــــوا شــــــاعــر
انـــا بـحـــوم وارجــع افوتا بكاني
مــرفــــــــوع راســــي حــــــايــر
ويــن احـــــبــابـي ويــن خـــلاني
اه يــــــــــــــا الله قــــــــــــــــــادر
وانــت يـاطـيــف عـلـيــك احزاني
لـــــيــــا شـــــــــويـــة كــــــــابــر
عــشـــان خــاطــر قلـيـبي عشاني
لــحـــــــظـات بــس تـخـــــــاطــر
كضاب البقول مشتاق
رميه عبدالرحيم البركل
كرار نورى
كضاب البقول مشتاق قبل ما يـخـوض بحـور الشوق
بحور الشوق بخوضها بـراى انـا البى حبكم مشروق
جروح الريد علاجن كيـف مع القمرى البسوى القوق
كـبــرنـا ودارت الايـــــام ومـازال الـجــرح مـفـتـوق
انـا دسـاتـيـر قـلـبـى مـالـقيتـن ولا واحد فضل مدقوق
فـضـلـتا وحيد عذاى دمعات سكبتها من قلب محروق
صـوت الآهـة فـى الاعـمـاق تناتل فى القمم من فوق
نـسـمـه مـن الـخـريـف الفات تقول لى الوداع ملحوق
عـلـى مـهـلـك تـشـيـل الزاد تسافر فى طريق ممحوق
تـشـيـل هـمـك تـقـول يـا لـيـل تـروح تـلـحق المخلوق
مـهـدل وبـال وكـل الفات يشوف بـاب الرزق مخنوق
مـشـتـت بين سؤال وجواب وبالا فى الضهر مفروق
حـكـايـتى انا يا امير الناس متل طوريه جنب واسوق
تـقـلـوا كـلام مـربـع وزيـن وجـسمو تلاتى ما مطبوق
تـعـالى يـا نجمع احكى ليك عن الليل السرب لى فوق
ملفح من شعاع الموت موقى حرابو روق جنب روق
مـؤمـل حـالـوا بـين حجرين يقول يمكن اكون معتوق
فـجـأة الـدنـيـا تكسى ظلام يشوف قلب الصبر مشقوق
دهرى والعمر العشتو
رميه ود اليمنى
دهـرى والـعـمـر العشتوا انا زايلى
الــدنــيــــا مـا دامــــــت ودى سنه
حـكــم بي فــراقــنـا مــالك يا زمنا
حــلـيـل يـا رايــقـــة ايــام نحن كنا
صغـار يـادوب كـســرنا سنون لبنا
ونحن خاتين من دغاين ومن مظنه
وفـد يـوم فى الــدهـر ما قــال وقلنا
انــا اســبـاب جــنى مـن نـاسا اهلنا
هـــم لا راعـــو الـقــرابه ولا محنه
انـــتى الــفـى الـجـروف قــايم قبلنا
صــغـــار يــا دوب مــو شايل متنا
بــحـــبــك مـتـــيـــم قـــــال ود كنه
هــو لا لاقـيـلـوا نـــار لا لاقى جنه
يــا رب الـعـــبـــاد وعـلـيـــك تكلنا
مـع ســت ريــدى ابـــقي سـعـــيـد واتهنا
انا اضوق ساعة الصفاح ومبروك والحنه
ويــزغــــردن الــبـنـــات والـيـمـــنى غنا
جـمـرالطـلاق
جعفر السقيد
الـدنـيـا كـان نـص الـنـهـار شـمـس الله فى كـبد السماء
والـتـسـمـه نـايـمـى فى الـخـدار خايفى الهجير لا يلثمه
لا قــونـى اطــفـــالاً صــغـار فى حــالـه يـائسه ومألمه
وقـــالــوا لـى بـى كـل انـكـســار الـدنـيـا يـا عم مظلمه
ســألــتـا مــالــكــم يــا ولاد جــرت الــدمــوع متلاطمه
وجــانـى الصغـير بى شويش وبى إلفه فى قلبى ارتمى
قـــالـى بـى خـــاطــر حـــزيـن الدنيا صبحت ما بتطاق
امـى وابـوى بـلا سـبـــب يــــا عـمـى اعـلـــنــو للفراق
واخــوانـى خــلــو الـمـدرسـه كـايسين دروب الإرتزاق
ويــامـا كـتــيــر نـاس زيــنــا بــعـانـو من جمر الطلاق
بــادرنـى بـى أحـرج سـؤال يـا عـمـى هوى غلطان منو
احـتـرتـا انـا وحـار بـى الـدلـيـل كـلـمنى بس اعمل شنو
وقــبـال اجـاوبـلو السؤال بادرنى ياعمى هوالغلطان منو
غـلـطـان ابـوى الـمـا قـدر يـفـهـم إحـــســــــاس الصغار
ولا غـلـطــانـه امـى الـمـن زمـن مالـيها هم غير الشجار
ولا الـغـلـط كـان مـشـتــرك يـاعــمـى سـوء فى الإختيار
ولا الــزمــن اصـبـح صـعـب اسـلـوبوا ما بيعرف حوار
يـاعـمـى هـوى غـلـطـان منو عيشتنا صبحت نار فى نار
خـــايـــف يــجــــونــا بـعــد زمـن ويـقـولـو امات للإجار
احــسـن لى امــوت انـا بـس طـفل قبال مـا يتخذوا القرار
مـا بـتــعـرف الـغـلـطـان مـنـو ماالاسره انقسمت خلاص
واحــديــن يــأنــبــو فى ابـوى ويـبـثـوا فى أمـى الحماس
حـــبــوبـه ام قــلــبــا رهــيـف وقـفـت عـلـى خط التماس
غــابــت خــلاص الـمـعـرفـه والـعــقـل امـتـلـكوا النعاس
لازال بــيـحـكـيــلـى الـطـفـل قـال لـى والـمـوقـف رهيب
الـشـئ الـمـحـيــرنى وعـجـيـب وخلانى فى موقف مهيب
خـلـق الله لـيـه يـتـخـاصـموا ماالمولى خلق الكون رحيب
والـشـئ الـبـحـيـر تـشـوف عـدوك تلقاه كان اقرب حبيب
اقــرب مــثـال امـى وابـوى الــريـــــده انـقـلـبـــت نحيب
كـان شـفـتـا لى صـورة الـعـرس والبسمه من جوه القليب
تـحـلـف بـأنـو الـكـون جـمـيـل انـشـوده من سحر المغيب
بـالله مــالــكــم يــا بــشــر حــيــرتــو لــلــطــب والطبيب
الليله شوف بسبب امى وابوى جانا الضياع صنقر قريب
واحـتـجـنـا كـل يـوم الـصـبــاح الـشـكـله من اجل الحليب
خـاصـمـنـا كـل الـمـجـتـمـع حـتى الـلـعـب بنشوفوا عيب
كـل خـوفـنـا مـن أخـطـر سـؤال مشكلتو ما يلقى المجيب
مـالـم اهـلـكـم يـا ولاد صـوتـن بـلا طـيـر شـافـلـو دبـيب
فى شان ده نلعب فى الشمس وننضارا فى الركن القريب
وقــبـال يــأذنـــو لـلـعــصـــر نــتــلـــمّ فى فــــد عنقريب
ونــوم ونـحـلـم بـى زمـن مــا فــيــهــو للأحــزان نصيب
كـان ردى لـيـهــو خــلاص كـفـى قطعتا قلبى انا بالعذاب
نـوع ديـلا قـايـلـيـن العرس زغرودة عن ساعة الخضاب
نـوع ديـلا قـايـلـيـن العرس طــاقــيــه يـلـبـســـه كل شاب
نـوع ديـلا قـايـلـيـن العرس زى نــزهـة فى مدن الضباب
لــو خــتـــوا بــالهـم لـلأرض كــيـفــن بـتـنـتـظر السحاب
يـا دوبــو كـانـوا بـيـعـرفــوا إنــو الـمـولـى ما سدالو باب
ولا حــتـى ابـلـيــس الـلـعـيـن وكـل ولادو عـلـى الخراب
لســان الحــال
حاتم حسن الدابي
جعفر السقيد
معـــذرة لـــو مـعـــاك مـنــى الكـلام حره
ومـعـلـيـش الـخـطـاب كـتـبـاهـو مضطرا
حـــــرام والله مـــنــــنــــا إنــت تـتـبــــرا
خـمـســة سنـيــن تـفوت تجى فيها فد مره
وراك أنـا كــم شـقـيــت وعـشــتا فى مره
وتـعـبـت مـن الـبـطـان الـهـم للعيون غره
بــيـخــاف الــغـــرق الــغــاص وراء دره
وقـالـوا أدب الـصـغـار والعقـدة من خدره
حـلـيـلى أنـا الزمن ضى خاطرى ما انفرا
وخـمـسـة سـنـيـن غـيـاب ما بتحملن حره
أنـا الـحـاضـنـة الـعـذاب وآمالى محتضره
وإنـت الـفـى الـنعـيم ماخات حسـاب بكره
مـسـكـيـنـة الـتـقـول فـى الإغـتـراب ستره
وتتـنـاسى الـقــروش فى يــوم تكون ضره
حـلـيـل زمـنــك وكــت عـايـشــنـا بالأجره
يــا ريـــــت لا عـــــرفـت ولا مـرق بــره
الـكــاتـمــا فـى جــواى كـتـيـر متملك الجوف والعصب
ماكـنـتــا دايـــره أقــول لـيـك لـكــن لــسـان الحال غلب
مـا بـنــســي يـــوم ودعـتـــنـا وســافـرتا فى غرة رجب
خـلـيــت وراك الــدارحــزيــن يـتـبـاكـى والدمع إنسكب
أعـــذرني والله الـعـظــيــم لـو مـا الضـروره أنا ما كتب
وأن خـايـفـه يكون فى بعدك الضاع هو نصف المكتسب
اليـومـه داك نــاس الـبــلـد حـيـــونـى شــايــقيـة وعرب
قـالــو لــى مـبـروك خير وجاك يكتب سلامتو الإغترب
قـالــو لــى دوب نـجـــم الـسـعـد طلاكى من بعد إحتجب
يا دوبـو بــالك يـســتــــريـــح وتـنـسي العذابات والتعب
فضـلـت أحـسـب فى الشـهـور قاعدالى فوق نيران لهب
صابرة وحريصة على العيال لا يبقول للريح فى المهب
سـديـتــا خـانـتــك مـن مـشـيـت قايمابو واجبى كأم وأب
والأسـرة يـضـنـيـهـــا الـمـسـيـر تتهاوى لو ما فيها رب
والله مــا بـنـكـر جـمـيـــلك بـــرضـــو لـيـنـا ثناك وجب
مـوكـب هـداياك ما انقطع كان سترة فى الزمن الصعب
مـاكلـيـن ولابـســيــن والـنـعــيــم كايلنا فى يوم مانضب
وعـايــشــيـن معـيـشــة الـمتـرفين طولنا والطبع إتخرب
حـامـدنــوا كــان قـــلــتــا الأكـل والله للـتـيـــــن والعنب
أمـا الجـــنـائــن شـيــــــلا كــاب وافـرين فواكه والعنب
الـبـيــت مـفــروش بـالــحــريـــر مـلـيــانه إيدى بالدهب
لـكـن خـساره على محل عاش سيدو خمسة سنين عزب
الـشـئ الـمـهـم مـاقـلـتـو لـيـك وليهو إنت ماظنيت حسب
كـبـرو الـصـغـيـرونـيــن خـلاص خايـفالن الطبع الكعب
وصــلــوهـا مـــرحــلــة الـخـطـر والأمن مازال مستتب
وانــا كــت قـــادراهـم زمــان لـكـن بـعــد كـبـرو إتغلب
حــصـلـنـى قــبـل الـجــد يـفـــوت دوبـنـهـــم فوق العتب
قـبـــال نـحــصـد الخير ندم وما بيجدى كان لمت وعتب
خايـفـالم الطيش فى الدروس وما برضى لو واحد رسب
خـوفى الـمـتـعــبـنـى الـكـبـيـــر بـعــديـن يمرقو بلا أدب
وريـتــك الـحــاصـل عـلـى لافـيــهــو ثـورة ولا غضب
شــان الـحــديــث مـا يـبــقـى نـى والواحة يكتنفا الجدب
أنــا قـلـبــى مـازال لـســه حـى ونـجـمو الملهج ماغرب
بــاكــر كــلامـى تــردو لــى لا ابـقــى بـكـره أنا السبب
حال اللسان
جعفر السقيد
حـايم أزازي بلا غـرض ما كنـتا قـاصـد اقلوا ليك
الـزيي بـيـهـو الليل يطـول يتقلى فوق جمروا الوقد
اتـوقـعـى الـبـجي ليك يقول فى الغربة محبوبك فقد
ما كنتا داير اقولوا ليك
البي ده ما بـيـغـبالوا زول يحكيهو طرفى الما غمد
سـنـتـيـن افـتـش فى كفـيـل لى حالى فد زول مانشد
في الـتـالـتـه رب الـعــزه قال حـامـدنـو حلال العقد
مـكـتـب ولا كـان في الـخـيال في الفاره الدوار قعد
عـربـيـة والـراتب كـبـيـر رابطلى خرزه من الحسد
بـلـيـتـو عروق صبري المرير عزه ورفاهيه وسعد
لكـنى يـا حـظي الـتـعـيـس تـمـيـتـلـى شهـرين اترفد
قـالـوا الـوظـيـفـة اتعـمـمـت ومحجوزة لى سيد البلد
شوفى الضرائب فـوقى كـم كان جيت افكر في البلد
وزى الكــلام ده يـزيـدنى هـم ويرفعـلى افراز الغدد
قوليها لا تهابي الحروف كان فى غيابي الشوق برد
الـبي ده كـلــوا مـن الـظـروف والله مــالى فـيـهـو يد
الـيـبـقي في نـفـسـو الحـريـر واخـدنوا من فك الاسد
بي ضـحـكـة بي ابـواب جـحـيـم بي دمعة يتبلابا خد
أن شان رضاك أرحل بعيد لى غربة لى دمعة وسهد
وانـا فـيـهـا ساهي البال شريد افكارى فيكم وفي البلد
سـامحـيـنى لا تـقـابـلـي الظـنـون مازلنا بيناتنا الوعد
والغـربـة مـن أجلك تهون وطعم العذاب يصبح شهد
جـوابـك الظـاهـرو الـوداد وكاتـباهـو بي دمع الحرد
يجى ردوا فى نـفـس الميعاد نتلاقى في طايرة الأحد
رد على قصيدة لسان الحال
رد الخطاب
عـزرتـك فـى الـخـطــاب الـجايى مـنـك شـكــوى مـُـرة
يحـكى مـأسـاة بـعــدى عـنـِّك وكل سطـورو مآسى تترى
والـدمــوع غـطــت جـوانـبــو وكل كـلـمـة معاها عبــرة
زادت الـحـزن الـبـعــيـشــو وســود لـيـالــيى زادو غبرة
وصرت ألعن فى ظروفى وجور زمانى الزادنى حسرة
وقـلـت لازم بـكــرة أرجـع بكــرة تـوصـل لـيـكى بشرى
داير أقـفـِّـل بـاب عـذابـنـا ولـيـك أعـود يـا أحـلـى زهرة
ونـنـسى أيــام الــتـعـاســة ونـهـنى بـيــن عثمان وسمرة
مـا شـفـتـى فى الـغـربة الـعـذاب زايد على شــد العصب
وأنـا مـا قــصــد رد الخـطـاب بـس الـسـكـات زاد التعب
ومـاكـى الـبـراك يـا ست هواى عندك لسان الحـال غـلب
أنـا بعـدى عـنـك نـار مـولـقـدى فى حـشـاى عـديـل لهب
مـن قـمـت فـارقـت الـديـار وركـبـت فوق درب الصعب
وخـلـيـت نـاس غالـيين عزاز هم عندى أغلى من الدهب
مردومة فوق راسى الهـمـوم وفى غــرفة الشقى إنصلب
مـا كـنـت عـارف كـيـف أكـون وأنـا للـنـتـايـج مـا حسب
أنا مانى راضى أفوت وأسيبكم لكنى مجـبـور واتغصب
جـبـرتـنى سـاقـتـنـى الـظروف والعيشـة والحـال الكعب
وطـلـــبـاتـك الـمـا لـيــهــا حــد وحـال العـــيـال الإتقلب
بـنـيــت آمـالى الـعـراض للـمـال ألـم واقــضــى الإرب
وأبـنى الـقـصـور ليك والعيال غرفن تكون متحف لعب
وأبـقـى الـمـعـلـم فى البلـد وراس مالى يا عجب العجب
لكـن خـطـايـا اتـعـثـرت وحـظـى التـعـيــس كان السبب
وأسـع وكـت جانى الخـطـاب شـلّ الفكـر وعـقلى انسلب
وخـلانى فـوق جـمـر الـعـذاب إتـقـلَّى شقــيـش ما اتقلب
زاد الـعـلى نـوحـى وشـقـاى وخـلانى مـن حتفى اقترب
وقـررت أعـــود قـبـل الـنـدم وقـبـال يـضـيـع المكتـسب
وطايرى القروش وكتين تكـون فى هد حياتنا هى السبب
جــن الـريــد
علاء الدين عبدالرحيم
عبدالرحيم ارقى
أحـمـد مـعـــروف بـالــطــيــبـة حـسـن أخـلاق وعليها إتربه
تـكـفـي شـهــادة نــاس الـحــلـة إنـو خـلـوق وخـجـول ومُربّه
مـهــذب رغـــم حــــداثــة ســنـــو لبس تهذيبو أصالة وهيبة
أدي الــنــــاس الــحـــب أدوهـــو حـســن الــظـن بيناتن شبه
خـشــت فـجــأة أمـيــمـة حـيـاتـو وصـارت بـيـنو وبينا محبة
قــلـبــو إخـتــارهـا عشان معروفة زولة حنينة وراقية وطيبة
دســو الــريــد فـي الــســر بـيـناتُن وخلّو حبيس دفين ومخبه
وكـيــف تـنـضـارى مـتـل أشـواقن وليه زي ريدُن يوم يتخبه
بـعـد أيـــام وصـلـتــو رســـالـة جــواب مـلـيـان تقيل ومعبه
قـبـال مـا يـفـتـحـو عرف الراسل باينة وظاهرة رسائل وهبة
أخـوهـو الـلـيـهـو زمـن مـتـغـرب تسعة سنين قضاهن غربه
مـرسـل لـيـهــو تـذاكــر وفـيـزا دايـرو يجيهو هناك في طيبه
طــار فـي الأول أحـمـد فـــرحــه كـلــم كـل الناس والصحبه
لــمـا إتــذكــر أمـيــمـة حـبـيـبـتـو فجــأة إنتابو شعور بالخيبه
لـكـن قــرر إنـــو يــســـافــر ســـرعـة يــعـــود ويتم الخطبه
لأنــو الـغــربـه طــريــقـه قـصـير وفيها يهون تحقيق الرغبه
جـــاتــو امـيـمـة حـزيـنـة تـوادعـو جـاتـو تجفـف دمعو الكبه
جـــاتــو تـوصـي عـشان ما يقوى لا ينساها هناك في الغربه
جـــاتــو تـطـمـنـو إنـو حـيـفـضـل ريـده الـخـالــــد مهما غبه
حــافــظـه عــهــود الـريــدة البينُن ومهما كان ح يظلو أحبه
أهــدتــلـــو المصحـف شان يرعاهو من العين والهم والكربه
لـبـّـسـه عـهــد الـريــد فـي جـيده عقد ممهور بصورة الكعبه
قــامــو إتــوادعـــو زيــن إتــبــاكــو فات خلاها وحيدة وخبا
ســافــر شــال هــمــو وأحـزانــو بـعـــد أيام في المملكة طبا
لاقـو الـنــاس يـا زول كـيـف حالك بالأحضان قام سالم وهبه
قــالــو نـصـاح نــاس أمـي وأبــويــا مـشـتـاقين راجنلك أوبة
قــالــو أحـمـد ســافــر يـــا وهــبـــه غـيــر جوَّك وروِّق حبه
أمــك يــاخـي تـــلاهــي عــلــيـــك لاخــلالا ضــريــح لاقبه
الـســودان مــشــتــاقـلـك كـلـو ضـفاف ورمال سواقي وتربه
وحـتـى الـنـيـل فـرحـان راجيك تجي وتنهل من مويتو العذبه
بـعـد أيــام كــان وهـبــه هـنــاك بـيــن أصحابو وأهلو وأحبه
في حـــضــن أمــو الـطـول منـو في حيشانو الواسعة الرحبه
قـالـتــلـو أمـو أخــوانــك كـبـــرو ومـا فــضـلــنـا زول يتربه
بـس فـضـلـي أشـوفـو جـديـدك وكـتـيـــن لــسـع حـيـه وطيبه
إخـتــارولـو بـنـيـي سـمـيـحـي تـشـع حـيـويـه ورونـق وهيبه
أديـبـه وراقـيـه وكـلـها عفه وبرضو أهل وقراب في الحسبه
يـوم الـعـرس الـحـي صـبـاحي فرح مطبوق والناس منطربه
شــاق الـلـيـل صـوت كـم زغروده وحس طنبور ودليبن ربه
إلا فـي واحـده حــزيـنـه وبـاكـيـه سـايله دموعا دوام منسكبه
وفـي دمــوعـا ســؤال بـيـحـــيــر وفي آهـاته أسرار محتجبه
وقالو الناس دي دموع الـفـرحـه وغيرا شنو الحا يكون السِّبه
بـعـد أيــام ســاق وهــبـه عـروســو سـاقا رجع لي بلد الغربه
سايقو حنين لي كل أصحابـو ولي أحمد أخوهو أشواق ملتهبه
وصـل الـبــاب كــورك يــا أحـمـد فـتح أحمد بي لهفه ورغبه
شــاف قـــدامــو الــمـا مـتـوقـع هـم الكون فوق راسو إنصبه
شــاف الـسـلـسـل عـهـد الـريـده نفس السلسل وصورة الكعبه
شــاف قــدامـو أمـيـمـه حـبيبتو كانت قاسيه وقاضيه الضربه
شــاف أحـلامــو تـضـيــع قـدامـو بـعـد مـا كـانـت منو قريبه
كــانت لحـظـه تـفـيـض بـالـدهـشـه شـاف الـدنـيــا كأنها كذبه
كــورك أمـيـمـه أمـيـمـه وصـنـقـع صـنقـع ودنقر ودّر وغبى
وجــن أحـمـد فـي نـفـس الـلـحـظـه جـن الـريـد ما أظن ينطبا
الحزن الدفين
علاءالدين عبدالرحيم
عبدالرحيم ارقى
حـبـى أنــا لـيــك كـان زادى وكـان جوه الحنايا دفين
كـتّ بـضـــارى مـن الـنـاس وخايفه عليهو من العين
عـلـيــهــــو كــت بصــوم وافطر عليهو بكابد النارين
كـــت بـحــســب سنـيـن الغربة لما تعود تجينى متين
وكـــت بــــرجــاك فــوق الـنــار لما وكت لقانا يحين
نونس فــى بـراءة أطفال وفى الحب نروى ننهل زين
وكـلــمــا يــوم يـــزيـــد البـيــنا لـمـا بقينا قاب قوسين
اتارى أنا كت فيك مخـــدوعه وكم من زي مخدوعين
مــا قــايــلاك حـبــيـــب آلاف وقـلـبـــك قبله للضالين
ومــا قــايــلاك بتـنسي حبيب صبر راجيك سته سنين
وســاهـــر كـم لــيـــالــى طــوال يـتقلب شمال ويمين
كـيــفــن يـهــون عـليك تنساهو زولاً كان عليك حنين
وتـشــغــل بــالـك الأشــواق لــمــّن تـزبــــل الياسمين
كــت دايــراك بـسـمة عريضة فى وجه الزمان الشين
وكــت دايــراك سـاعة الحاجة تبقى ليّ دخرى خزين
كــت دايــراك مـقــنــع حـوبــه وكتين المضارى يبين
وكــت دايــراك فـارس احـلامى تـشاركنى ونتم الدين
وكــت دايــراك أمــل بـســام يــزيــل ألم البعاد والبين
كــت دايـــراك شـريـك الروح واخدمك حافية القدمين
وكــت بـحــلــم بك انت معاي مجرتق بالعديل والزين
جنـبـك فـى يــمــيـنــك قــاعــده نـسمع فى دقر يا عين
تـبــشـــر زيــن مــع الأصحــاب وتتشـبـل من الوزين
أنا الأبـحــرت راكــبه الموج اكيد مرسايا بين موجتين
وداعــاً يـا زمـن ظــالـــــم وبــالأفــــراح عـليّ ضنين
وداعــاً يـا قـــلــب قـــاســـي لا بـيــحـــــــن ولا بيلين
وداعــاً يـا ســراب خـــداع محال ما بيروي عطشانين
وداعــاً يـا كــلام معـســـول حــدو ومكـمـنـــو الشفتين
وداعـــاً يــا سحـابـة صيــف شايلى مطر ضليلا رهين
تبـشــر بـى خـريف جــايـيـنا ياما الناس رجوهو سنين
كل زولاً يـفـكــر فــيــهــا مــا مـعـــروفـة تـنــزل وين
وألـف سـلام عليك يا قلبي المـسـالم وديمه طبعو حنين
يـتـاورو الـشــوق ويلعــب بيـهو تنحر فى حشا السكين
تــعــاودو الـذكــري تــنــتـر جـوا حالـو يحنن المسكين
أخـــيـــراً مــى لـيــك سـلام وقبل ما تجف دموع العين
وقــبـــال مـنــى مــا تـعـــدى وقــبــال الفـراق ما يحين
بخـيـت وسعـيد عليك إن شاءالله يـبـقالـك عـمــار وبنين
وقـلـبـى أنـــا خـلــى فـى أنـاتـو بـعـدك ياما راجى أنين
ولو كــان يــا قـلــب حـبــيـت بـعـــدو بعـد قسمت يمين
مــا يــنــتـــمّ لــيــك مــراد لا تـضـوق لا حلو ولا زين
وتفضل طول حياتك تبكى طـول عـمـرك تعيشو حزين
وعـمـرك مــا تـجــيــك سـعــادة مـا تـتـهـنــا قـول آمين
وتـــانـى الحـب عـلـيـك حرمان ووعد الحر أمانه ودين
حبي أنا ليها كان أملى
عثمان عوض عثمان
حـبـى أنـا ليـها كان أملي وأمانى حياتى فى الدارين
إلا ظـنــونــا والـعــزال مـحـو الحـلم الرعيتو سنين
شلت هـواهـو فـى الأعـمـاق وفى قلبى العليها أمين
وفى أحلام ليالى الـغـربة وفى أنات غريب وحزين
وفى فجر الصبـاح الـبــاكـى فـى أهـات يتيم مسكين
وفى أنـفـاس عـميرى الباقى فى قيم الضمير والدين
واسـتـرجـع مـعــاها الذكرى واشكيلا الفراق والبين
وأحــدثــا عـن مـآسى الغربة واشواق الفؤاد والعين
واصنـاف الــعـــذاب الـشــايـفو والنار البقت نارين
ومـا كـان حـبى ليها خداع ولى غيرا الحنان واللين
وأبــدا مــا عـشــقــت خـلافا ومـا قلبى البشيل إتنين
ولا ســويــت مـشــاعرى شواطى للتايه من الوزين
ولا شـيــدت لـلــريــد قـبــلـه بـيــهــا ألـملم الضالين
وحات البـيــنـا كـان عـامــر وحات الجوه لسه دفين
ما حـبـيــت مـعــاهــا إنـســان ولا جـبـت نوم شقين
ومـديـت صبــري فـى الأيام بدل واحد بقن صبرين
ده كلو عـشـان أتـم مـشوارى وارجع للعديل والزين
وزى ماكــان تـعــد أيـامـا تسـأل عن رجوعى متين
وتحلـم بـالـعــديــل والـحــنـه والعش البفوح ياسمين
وتبسم لى خـيـــال أحــلامــا بـى قـلباً ملايـكى حنين
وتــرقــص بـالـفــرح تـتـنــي تـتـمــايل شمال ويمين
عليها أنا كان يطير قـلـبـى زى عصـفور بلا جنحين
ويـنــزل فـى ديــــارا يــغــنـى يـتــمـنى ويقول آمين
ويمسح من عيونا الدمـعــه مـن جـوفــا وقـلـيـبا أنين
وحتى الروح تسافـر ليـهــا والإحساس رفيق ومعين
شن فضل معاى فى الغربة غير جسدى وسهد العين
يـســاهـرو مـع الـحـبـيبه النايمه والعهد الوثاقو متين
ويحـلـمـوا بـالـطـبـول والـزفه والعقد اليباركوا الدين
ويـعـمــلـو لـى تلاقى ارواحنا والفرح البزيل حزنين
ولـمـا وصـلــت قـبـل سـلامى كان الناس بتسأل وين
واتلـمّ الـشــتــات فـى دارنــا مــن كـل الـقبايــل هين
وابتدت الخـلوق تـتـبـاري زى الـــعـــادة فى التخمين
أريتــم عرفـوا حالى البى واريتــم كانوا بس عارفين
إنو هواهـا روح لى روحى وإنــو قـلـوبــنا متعاهدين
وإنـى أنـا مـا بـسـيــب إنسانة شالت ريدي سته سنين
وما بنـســي البسيـمه الحلوه والسمح الكلامو رصين
والـذكـرى الـصـداها بـحـسـو فى أعماقى ليهو رنين
الا الـعــادة مـا بـتـتــخـلـى لـلــنــاس الـدوام فـارغين
لـفــوا الـحـلـى بـى أركـانـا جـاطـوهـا وملوها طنين
قـالــو تـحـت أخـتــرت حـلــوة مـن أجـمــل الحلوين
لـيـه صـدقـتـى يــا مـسـكـينه ناساً كان متين صادقين
واسـتـعـجـلـتى مـا أتـأكــدتى مـرقـتـى الكــلام الشين
وقلتى العود خلاص إنشـق والطـق سمعتـو الأضنين
وإنى أنـا مـا بسـاوى تـرابك السارت عـلي الكـرعين
وإنى مــن رمــوز الكـانــوا دايـماً للـعـهـــود خـاينين
وخـمـيـتـي الـرمــاد وبـكـيـتى وسيلتى الدموع نهرين
بدل مـا تـمـد أيـاديـك زهـرة شـربت من نزيف قلبين
وكـبـرت فـى رعــايــة الـريـدة طـالت طلعت فرعين
بـدل مـا تــقــولـى ســلامــه لــومــا قــلــتـى مشتاقين
أرهـفــتــى الـســمــع صـدقـتى للناس البجوك واشين
وصــاحـبــتي الـبـجـوك يـتـسـلو ما فكرتى ليه جايين
ورسـلـتــى الـعــزول بـرسـالـة حـادة واحد من سكين
وقـلــتى خـلاص نـهـيــتى البينا قلتى وقلتى لى آسفين
سـفـايـنـك ما بتلم فى ساحلى والشاطى الهجرتو سنين
وفـى لـحـظـة غـضب إخترتى فى لحظة عذاب وأنين
والـدرب الـصـبــرت عـشـانو فى آخرو اتفرق دربين
ما إنـتــى الـبــراك ابـحـرتى عـز الهيجة بين موجتين
وحاتك لى قلب مجـروح ومـحـروم من مُنى العاشقين
جـمـال الـدنــيــا يــا مـغــروره إلـفـه وريـدة بين إتنين
تـعـالى نـعـيــد سنـينـا الـضـايعه نرجع للعديل والزين
وأحسن ننسى كل الـفـات قـبـل ما يفوت عمرنا حزين
ومهما يقسى قلـبـك إنـتــى ويـفـضـل فى عنادو سجين
بكره مصيرو لى يــعــود ويــرجــع تـانــى لـىّ يـلـين
لأنو الريده جمرة نار يـعـيـش فى الجوف رمادا سنين
حُبي الفقدتو بعد وَفاء
حُـــبي الـفـقـدتو بعد وَفا عَكَّر لي جَوِي بعد صِفا
وصِـبـحـــــــت ســعــــــــــــــــادتي مـــن المُحال
جَمري القديم ما كان كَفى موقِد يَلهـلِب وما انطفا
جَـــــــــات تــــــانـي هَـبــَتـــــو ريـــــــــــح منال
ريـــدنـا الزمان مالو اختفى مالا المودة بِقَت جَفا
ريــــدًا انـــت عــــارفــــــــــــــو حُـــلـــو وحَلال
الـبـِت دي وين كت شايفا أو مَرَّة واحده مَصَادِفا
يــا صــــــح تـــقـــــــــــــولـو سـمـعـنـــــــــا قال
رُوحي المـَشَـحتَفة عارِفا مالا السِّيرة بِقَت تَخَوِفا
شـــــــــــن دار يـــكــــــــون سـبــبـا غير الجمال
مـسـكــيـني فـاقِـدي عَـواطِـفـا عَشمِاني فيك تَوالفِا
راجــــــــــــاك تـَجُـــــــــــــــــــــودلها بالوِصَال
قلبي العليل كايس الشِّفا لو شِلـتو في حُضنَك دِفَا
كــان بـالــــســـعـــــــادة عِـــمـيــــــــــــري طال
قَدَمِي العليك سَاسَق حِفا هو بَراهو حَالتو يَوَصِفا
يـَغـــــــــــــنِي الـبـيــشـــوفــــــــــــو عن السؤال
غــالـبــــــني حــالتي أصنِّفا وِشِّي وقَفَايا بِقَن قَفَا
وبـقـى جِـــــســــمــــــي دايـــــــــــمــا في انتحال
جرح الريدة
جعفر السقيد
ســــافـر يــــا جــــرح جـــواي فـــــوق جناح السرعة
الموج يوم يضارب الشـاطئ والريح لما تطفئ الشمعة
والـمـحـبـوب وقـت يجرحني لو ضمير يحس أو يوعا
جـرح الـريــدة كـان يـتـعـد مـن ضمن العجائب السبعة
الـضــايــق عــقــارب الــريـــدة يـرميهو الأثر بالخلعة
بـنـوت حــواء مـا لاتــنــو بـالـخـوف والشجن واللوعة
بـالـلـيـل والـجـراح نـتــاحـة والـنــاس ناموا بعد الهجة
شـفـت بـنـات نـعـش فـي دمـي يـتـهـادن بـهـيات طلعة
يا قلبي الحزين اسمعني خت قرض الصبر في الوجعة
قـول لـي كـيـف تـفيدك عترة وانت وقعت كم من وقعة
اشــهـدت واسـتـغـفـــرت وغـســلـت الـعـلـيــــك بدمعة
اتـيـقــنـت قـلـت بـراك مـا لـيـك تـب عـشـم فـي رجعة
مـالـك قـلـبـي مـن تـطـراهـا بـالبيك لا بتحس لا بتوعى
مـنـحــوس انـت مـن مـا قـمـت اصـلك ما بتفوز بقرعة
سـعــدك لـو تـجـيـبــو كـرامـة كان مديت زمان القرعة
فـي الـمـر مـا عـلـيـك مـلامـة أشـرب ما تفضل جرعة
الــنـــاس قـــالــوا لـي انــســاهـا لو داير تطيب بسرعة
حـاولــت وغـلـبـنـي انـسـاهـا ذكـرت صبحت لي طبعة
طـلــعـتــا فـي صـبـاح ايـامي لا غابت خميس لا جمعة
ســرقــت بــالــي مــا فـضــل لـي مـنـو قدر اعد لسعبة
يـا ســت الـحـســان احـلامـنـا مـا بنلقاها عن ست ودع
فـي دنـيــا الــغـــرام والــريـــدة الـبـكا والنواح ما بدعة
زول كانت مشاعرو عليك جاري زي الحجر في الفلعة
محـتـار نــارو كـيـــف يـطـفـيـها مادام النفس بقى ولعة
منـك لله
محمد سفلة
جعفر السقيد
ومــنـــك لله انـــــا زول مسكين
تـاتـيـتـو هـواك فــــوق الايدين
مـن قـبل صـبـاك من عهد اللين
خـــلاني وطــار ربـى الجنحين
والـخـان الـريد دا الـخـان الدين
..
في حـقـي الـراح انـا عندي يقين
واثـــــــق في الله لابـــــــد يبين
حـق الـمـظـلـوم مـا برجي متين
سبحـان الـقـال يـظهـر في الحين
..
يا (ق) يا (و) ويا (ر) ويا (ش)
يا حـبي الـمـات في مهـدو جنين
قــادر انـســــــاك وابـعــــد لكن
مـن بـعـــدك تـــاني اقــبـل وين
..
مبـداي عـارفـاهـو الزين بالزين
والـسـن بالـسـن والـعـيـن بالعين
مظـلـوم مـنـك تـلـقـيـني حزين
اقطع من جلدي واضاري الشين
..
سـرك في بــيـر جــواي دفـين
عـارفـاني علـيه حريص وامين
ما بـنـسـى العـشـرة البيـنا سنين
لا بـقـسـى عـلـيـك لا تـاني بلين
..
لـســع بـهــواك وقــلــبي سجين
مـن اســر هــواك تـفـكـي متين
شـالــني شـمال ضـيـعـني يمين
وانا مــت خـلاص بـاقي التأبين
يا خي ما معقول
جعفر السقيد
انــا الـعـلــيـت هـواك بـراي لــمــن طـال وطـال معناي
وقــادر تــانـي بـرضـو بـراي اهـد اركانـو غادي وجاى
يا خي ما معقول تحبي سواي وتنسي وفاي وتغدري بي
تـهـدى بـنـاى تـقرري تانى ترجعى لى يا خي ما معقول
اكــــون لـلـــيـــــلـى مــســتـــنـــــيــك وراجـــــــى الرى
حـلـيـلـو زمن بسوقنى الشوق على لقياك رضى ورضى
هـسـى بـقــيـت يـجــيـــنـى نـــداك اطـانـش واقـول مالى
خــريــفـــك كـان شــلـع بـــراقــو بـرفــع لى كريـم ايدي
اقــــول حـــولــيــنــا ماها عليـنا تنزل في الهويد والصى
رفـضـتـا هـواك مـن طـرفك عشان ربطك مرخرخ ونى
طــويــت ذكــراك والاحـــلام ونـجـضـتـــا الجرح بالكى
ودقــيــت صــدرى لـلأيـــام مـــســارب لـلأمــل والضى
بــعــد مـا كــنــتـى كـل حــــيـــاتـى هـسع ما بتمثلى شئ
فــرصـه سـعـيــده كـانـــت بــيـك علـيك بتعرف احزانى
واعــرف ويــن مــقــاس صـبــرى قــوة عزمى وايمانى
وحـــات الله مـــا مــحـــزون عــلـى الــراويـهـو شريانى
زمــان اديـــتـــك الـمـعــدوم ووســدتــك قـلــــيــب حانى
ومـنـك مـالـقـيــت غـيـر طعنه سكنت فى صميم اعضاى
وضـريـت ريــدى لـيـك لـلــريـح وشــدت للامـاني قواى
وشـقـيــت بـيـن جروحى دروب ومن غدر الحبيب نجاى
وكــت اظـــلــم عــلـي الـكــون وودع في الـنـجـم ضواى
رغــم الـــبـي مــن احــزان وكــنــتـا عـلـي الـفرح هداى
والـجـرح الـبـيـنـتـح جـوه يـطـلـع مـن صــمـيــمـو غناى
مـا الـقـمـريـه رغــم الـنـبـله وصـوت الـطـلقه والحاحاى
مـــالـى غـــنــاهـا عــصـريـاتـنـا يـوم مـا خـلـت القوقاى
لا تعتذري
جعفر السقيد
عذرك ذاتى ما برضاهو يا ظلامه اريت لو تدرى
اسفك زى رديفة الكية فوق جرحاً مدمى ومهري
لا تعتذري لا تعتذري لا تعتذري
أسفك لى ماهو استيكة تمحيبه العذاب من صدرى
لأنو الجرحه ماها كتابه لا ظلمك قليماً مبري
ما بفيد إن حرقتى ندامه أو غرقتى دمعاً يجرى
هل ممكن يعيد لى أساك روضات الأمانى البدرى
بعد كاويقا طاربوا الريح مشتتو زى دروب القمري
وكاسوا السيل على مجراه باس الحادى نحساً فقري
كانت فيك ثقتى عقيدة ما قايلك تخونى تغدري
وما بتمني اشوف محياك لو كان تبقي ليلة القدري
يكفينى المنجض فيها دون خلق الله زايد جمري
امناك قلوبنا امانه مو شان يوم تبيعى وتشرى
يا الفايتاك حقائق الدنيا راجعى فصوله عيدي واقري
ياما الناس مضايري همومه برغم العوج منستري
وانتى تكشفى ديمه ضرانا لشماتنا طوعاً وجبري
قلبي مصيبتوا من يوم جاك مقطوع من هناهو ومبري
هسع إن نيتو فيك حليلو قال لى ناس همومو انتري
إلا مريكبو لاجت طايحه فى قلب الغريق مندفري
ومامديتى إيدك ليه إنتى تعايني فيهو وتدري
سبتي مصيروا لى ايامو دون مجداف وكاسر المدري
وخاف معسر اساهو بعيد مريكبوا على الضياع منحدري
كت بعذر هفاك حقيقه لو كان فى الحصل منجبري
كم صبراً صبرتوا عليك هسع زى ذاتك اصبري
ما إتلمينا شان سببين شان بخلص واصونك قدري
شان كان فى دريبك عوجه دربي قصادوا واقف دغري
ســـافـر
الفاتح ابراهيم بشير
جعفر السقيد
عليك الله سافرعليك الله شيل الأمانى معاك
وشـوف البـيـبـكى عـلـيـك أو حتى يترجاك
أنا تـعـبـتـا خـلاص مـن جـورك انـت على
تـزعـل بـدون اسـبـاب ومن تانى ترجع لى
خلـيـك مـعـاى واضـح لا يـبـقـى قـولـك نى
يـا انـت ابـقـى مـعـاى يـا انـتـى مـالـيك بى
رغـم الـحـصـل والـكـان ياما صبرتا علـيك
كـان الـعـشـم جـواى تـصـدق معاى عينـيك
لكـن غـرورك فــاض كـتـل الـبـراءة الـفيك
خـلاك تـقـول مـجـبـور أنـا بكره برجع ليك
اوعـك تـظـن فـى يـوم أنـا قلبى برض الذل
او يـسـتـكـيـن هـيـمـان ويـرجاك عند الضل
انـت الـفـتـحـت الـبـاب وقـت للخصام ادخل
وانـت الـزرعـتـا الـشـوك وقلعت شجر الفل
أنـا فـى النهـاية إنسان مرهف رقيق حساس
ودايـر اعـيـش فى امان واصافى كل الناس
لكـن إذا جـاء الـريـد فـوق الـكـرامـه وداس
مـجـبـور اقـول الـقــول الـقـالــوا بـوفـراس
فى شعـروا قـالـوا كلام مدهش جميل يسبى
لا تـمــلـك الـحـسـنـاء مـهـمـا تـكـون قـلـبـى
أنـا بــرضى زيـو كـمـان أعـلنت لى حربى
وعـايـش قـلـيـبـى بـقـول يـا اخوانا آيه ذنبى
والله يــا الـمـريــود خـلـيـتـنـى فـيـك محتـار
مـرات بـشـوفـك نـور مـــرات بـحـسـك نار
مـرسـالـى وكـتـيـن جـاك قـابـلـتـو بـاستهتار
ومـا تـنـسـي أى حـديـث دائـمـاً بدايتو شرار
يـا قـلـبـى اصـبـر اصلـو الظروف قاصداك
مـعـلـيـش إذا جـاء الـلـيـل وخيم على دنياك
عـذراً إذا الأحـــلام اكــبـر مــــــن الإدراك
وعـفـواً اذا حـبـيــت زول مـاعــــرف معنا
عـــفـوا
جعفر السقيد
انـا قلبى شـان يـنـسـاك دايرلو تانى زمن
عـفــوا حـبـيــب قـلـبـى ما انت لى وطن
انـا قـلـبــى ذنـبــه شنو عودته انت عليك
عـلـمـته يبكى ينوح يوم ما يشوف عينيك
وكـتـيـن مـلـكـتـه خلاص فريتها لجنحيك
خاطبته بـاسـتـبـداد قـلـت لـيـه اختار ليك
هو الصبار المسكين راجى الليالى تروق
لا كــلا لا مـــلا لا عــــاتــــب المعشوق
كل الـقـدر قـالـو يــانــــاس كتلنى الشوق
والـضقته فى دنياى ما ضاقه قط مخلوق
انـا يا خـلائـق اه ضـقـت العذاب اصناف
شـلـت الـلـيــالـى سـقد تشهد تبارك وقاف
جـربـت صبــر ايوب كانت نهايته جفاف
والـصـابنى يالمريود بالعين محال ينشاف
لـو دار تـعــرف الـبـى ارجوك مرة تعال
اقـعـد وعـايــن بـس مـا تـســأل اى سؤال
انـا يــا حـلـيـلى انـا اصـبـح يـمينى شمال
جـوايـا عـشـرة اشـيـاء خلت حياتى محال
حـظـى الـتـعـيـس الـشـوم الغيرة والعزال
ليل الضياع والخـوف والحيــرة والاهمال
انـك تـمــلـى مـعـاى و بـيـنـاتـنـا كم اميال
احساسى انى بسيط واحـلامى واقفه جبال
صبر اً صبرتو عليك ذكــرنى سيدنا بلال
حتى ان سكــت انــــــــا تـتـكـلـم الاطلال
وآخر المطاف بــالليل سـافـرت باستعجال
لا طلـت بـلح الشام ولا ضقت راحة البال
برضـك تقـول لـى اصبر اتحمل المكتوب
واتـعـوض الله خـلاص انسانى يالمحبوب
خـلـتـنـى ذى عـصفـور هبـت عليه هبوب
فـنـتـلـه عشه شمال شالت صغـاره جنوب
خليتك لى ضميرك
جعفر السقيد
مــانـى نــادم كــان هــجـــــرتــا هـواك نـسـيـتـو
اصـلـى مـن فـارق دريـبـك الـمـنـام يـادوب لقيتو
مـالـى مـال أرهـن قـلـيـبى تجرحى وتحلف تبيدو
ويـبـقـى بـيـن إيـديـك مسـافر لا وصل لا لمّ بيتو
الـــــوداع يــا قــاســى فـى عــيـنــيــــك قـريـتـو
خـلـنـى اتـوكـل الله عـمـرى انـا الـضـايـع عفيتو
خـلـيـتـك لـى ضـمـيـرك شـكـيـتــك للأقوى منى
قـلـبـك مـاعـرف غـيـرى حـرام يا الخيبتى ظنى
نـذرتـا عـشـانـك شـبـابـى صـبـابه ولوعه وتمنى
وقـدر مـا مـديـت صـبـرى وقــدر مـازاد التجنى
اشـوفـك افـرش قـلـيـبـى تـغـيـبـى امـنـح واغـنى
اغـنـى الـوجـع الـبـولـقـد جـحـيـمـو يبق ما يونى
كـتـيـره عـلـى إنـى احـلـم بـقـيـت مـن البى كأنى
سـلـيـل الـهـم والـشـقــاوة وجـنـا الاحزان بالتبنى
مـعـلـقـه شـوقـى فـى بـاكـر متـين ياباكر تصلنى
زمـانـى مـعــاك وعـلـى كـفــاى عـلـى مـاتـحـنى
جـحـودا يـا فـجـرى غـبـتـى وكمان اتخليتى عنى
حقنتا الريد فى وريدى وبقيـت فوق نارى مستنى
زمـان يـلـهـمـنـى افـرح يـخــضـر بـالـبهجـة فنى
ويـعـيـد أيـامـى الـخـوالـى قـبـل ما يضربنى جنى
حـلـيـلى بـقـيـت لـمـا اشـوفك اقالد روحى واهنى
أدوب اتـفـجـر غـنـاوى اخـاف الـفـرحـة تـكـتلنى
احـاول يـا روحـى قـربـك عـلى بى قربك تضنى
دمـوع الـدم مـنـى تـنـزل تـخـضـب ايديـنى حنى
قـلـيـبـى حـلـــف لايـبـدل هــواك لا بـعـدك يتنى
كـفـاى مـن الـريـده إنـك هـويـتـك وقـلـبـك خذلنى
رضـيـت بالـقـسـمه فى ريدك قسمتى الله يمتحنى
احـبـك ومـنـك اتـيـقـن يـقـان ابـلـيــس مـن الجنى
مادام هى ماراعت شعورك
جعفر السقيد
مادام هى ما راعـت شعـورك ولا ضميرا هى استحى
أنـســاهــا والـبـكــا مـابـيـفـيـد قشقش دموعك وأمسحا
كـلـمــنى شــن وداك قـبـيـل تـظـهـر مشاعرك تفضحا
خـلـيــت حـى الـســوق ريـاض يـانـعة وزهورا مفتحة
طــولــت إيـــدك لــى قـطوف زهرة وغميسة مسارحا
زى ما هى عاشقة الإغتراب برضو أنت عاشق ملمحا
مـا كـنــت يـا مـظـلـــوم دوام دايــمــاً تــشــكرا تمدحا
ومـا تــرضـى لـو كـان بـالغلط بى كلمة انسان يجرحا
مـا كـت فـوق كـل الـبـنــــات تــــسـرد محاسنا تشرحا
كـانـت عـواطـف إنسان ضعيف ساكت جناحى مجنحا
ان شــــاء الله مـنــهــا تــتــعــظ تكـون عظات تتوشحا
كــانـت حـســابـاتــك غـلط فى القسمة والضـرب اتمحا
اتـــأنـى فـى جــبـــر الـكـســور براحة أجمعـا وأطرحا
وآخر شى كان تعلرف براك حتى الـغـرام بقى مصلحة
بـت حـوة يــا مـظـلــوم بـقــت بـالــمـال عـقــولا ملقحة
يـا ريـت قـلـوبـنـا الناس بعد ما تحـب تخــش المشرحة
يـبـدو الـمكـامـن فى الـقـلـوب كيف الشــرايـيـن تنضحا
يـتراجـع الأخـدو اللسـان صـح والله زى ضـل الضحى
مـغـرورة مــا دارت ســكــون بـلــدن شـقــاوة ودردحة
لا تـمـشـى تـنـــزل بـى تـحـــت لا حـتـى أرضك تنقحا
لا بـــوغـــة لا مــويـــة شـراب لا واطــة ماها مصلحة
لا شـلــت لـلـمـحـرات فـطـور لا شـتـلـة مـاهـا مصفحة
كـانـت قـبـيـل طـمـعـانة فـيـك فـارســن جيوبو متمسحة
دايــراكــا يــوم جــيـت للعرس نار الله فى الناس تقدحا
الـشــيـلـة بـالـشــنــط الـكــبــار مـقـفـــولة راقدة مبطحة
فى الحلى والناس دار تـشــوف راجين متين تجى تفتحا
وكــان بـــالا فـى شـهـر الـعـسل طول الزمـن ما يبرحا
تـرحـل مـعــاك لـى بـيـت كبيـر موكيت وحيـطو مسلحة
عـربيـتـك الـمـلك الحـــلال جـــلـد الـنـــــــــمـر والملفحة
بوتوجاز مولـع وديب فريـــزر وأب رمــوت والمروحة
تســرق مــنـــاها قـبـل يـتـــــــم وكل المشــــاعر تضبحا
ويا جعـفـر الحـيــــاه مدرسة ودايما مقررا فى الصحى
ممكن نعينك فى الـدروس لـو إنـت غـلــــبـــــك تشـرحا
وأعــرف بــأنو أول درس الـــزول بـيــــــــاكل المقدحا
عاشق عاشقه
جعفر السقيد
عـاشـق عـاشـقـة عاشقه سوايا والعاشقاهو عاشق غيرها
كـلـنـا فـى الـهــوى اتـلاقـيـنـا سـايـقه خطانا حمى الديره
نـفـس اوجـاعـى حـاصـلـه عـليها النوح والشكك والغيره
فـى والـصـبـاح يـلاقـى عـنـيــنـا تــــلاقى فـد صـنـقـيـره
تـبـكـى تـكـب دمـوعـه دمـاهـا دمـعـهـا ما بيطفى سعيره
يـا ربـى فـى مـصابى تـزيـدنى لكن فى مصابها تجيرها
لـوحـة مـن الـجـمـال والـروعـة ماشافت عيونى نظيرها
الـلـيـل شـال ظـلامـو انـشـرا فوق صفحة كتيفها ضفيره
الـعـيـن إن حـكـت بـى نـظـره ابـلـغ مـا يـكـون تعبـيرها
ام وشـيـا قـمـرا تـلالـى شـامـخـة وبـى شـمـوخـه جـديره
حـبـهـا لـو تـجـيـبـو الـقـوة الـلـيـد بـى دروبـهـا بـصـيـره
أو دايـرى الـنـجـم يـتـلـمـه يـبـقـى عـقـد فريد فى صديره
كـنـتـا الـمـسـتـحـيـل اهـديـتـهـا لـو كـان حتى لبن الطيره
ومـاكـان غـيـرى سـهـد عـيـنـه أو فـد زول شغل تفكيره
لـكـن الـمـشـاعـر قــســمــه فـى الـدنـيـا الـغـنـيـه فـقـيـره
ومـن مـلـكـوتـوا مـهـما يـبـقـى النـفـس ابـتـفوتو مصيره
قـسـمـتـى اعـيــش وتـابـانـى لـكـن بـرضـو ابـقـى اسيره
قـسـمـتــهـا اتـمـكـن بـسـواهــا زولا فـى خــيــالـو اميره
حـبـيـتـا وغـرق فـى هـواهـا مـن يـا دوب لـسـه صغيره
فـوق مـن كـل الـمـشـاعـر الطيـبه ليها على حـق الجيره
مـادام غـيـرى مـالـى حـيـاتـها مالى خيالا مالى ضمــيره
بـبـعـد فـى الـخـيــال بـلــقـــاهــا واتـنـســم بـرايـا عبيـره
راضـى أنــا بــإرادة الـمـولـى روحـى الـهايمه الله دبيـره
ما بـيـنـسـى الـرضـى ونجاه مكتوب فى الكتاب والسيـره
بـبـعـد مـن حـيـاتـهــا آ خـلـه إلا مـشـاعـرى فـى خـديـرا
لو يمكن تموت فى قلبى زمزم امكن يوم تجف بس بيــره
ساقـيـة جحا
جعفر السقيد
الـضـمـيـر الـكـان قـافي فـيك نبهو اليوريك لـو صحا
لا تـلـف مـن حـولـك تــدور تـبـقـي زيـك سـاقية جحا
حقو زى الناس ماتريد عـارفي كيـف ترعي مصالحها
بـرضـو عـنـو الـنـاس كـان تــتوب عنو كل جوارحها
لا تـخـلـى الـنـظـرات تــشــيـب تـبـقي افكارك شاطحه
بـدون إحـسـاس مـا بـتـعــيـش زيها زى ضل الضحى
اوعه لا تغريك لون وجــوه فى الكريم خافى ملامحها
والـبـريـق مـن سـنـه الــرتـوش والوجوه اصلها كالحه
مـهـمـا تـعـكـس اوجـه جـمـال طالما فى كريم ماسحها
مـا بـتـبـت من نوع من نضار زي غصن مفتقد اللحى
فيها طبع الصيد فى النفور بين عقاب الصحى سارحه
مـا بـتـجـيـبـها اشـراك القنيص ريله من طبعها جامحه
يـا حـلـيـلـة الـريـدة انـتـهـت اصبحـت خالية مسارحها
شـيـعـوهـا قـبـل مـا تـمـوت دفـنـوهـا وادوهـــا الفاتحه
راح زمـان الـعـشــق الـنـبـيـل لـيـلى يـا حـليـلو ملوحه
خـطـو قـصـة ريـد بـالـدمـوع سـيـرة للعـشاق واضحه
فى زمـن الـريـد صـار يـباع سلعة فى الاسواق رابحه
الـحـريـم هـاوات الـقـروش وكـلـوا بت تلعب صالحها
رغـم إنـو فـراق الـمـحــب طـاقـة مـن الــويـل لافـحـه
تــشــعــل الاعــمــاق بـالـحــريــق وتـقــلـب الـوجـدان
بــس عــذاك اخـوي الـصـبـر رغـم إنـو الـبيك جارحه
مـهـمـا تـبـقـي الاقـدار سـنـى فـيـها خلق الله مطوطحه
فـى الـنـهـايـة بـتـزن الـحـظـوظ كـفـة الـقسمه مرجحه
ازرع الاعـمـال لا بـتـخـيـب الـعـمـر فـرصـتو سانحه
فى الـتـجـارة خـسـارة وربـح وان خـسر باكر تربحها
إبتسامه
جعفر السقيد
ضاري الهـمـوم بي طرحتك لا تفضحى السر الدفين
لـو تجـدي دمـعـات الـعـيـون كـانـت بـقـت فتحاً مبين
لى نـاس بـتـسـتلف الصبر من بكره شـان تحيابو دين
تـتـرجى زمـن ما بـيـجـي راجـيـاهـو أجيال من متين
أبـقـي زي مـا قـلــتـا مـبـتـسـمـه فـى الـزمـن الحزين
مغـسـولة بي نـور القمر ولابـسه العفاف في كل حين
ما عـنـدي لـيـك غـيـر الهـوي وطنبـور موتر بالحنين
اطـفـيـبــو نـيـران الـجـوى واكـتـبــوا اغـاني المتعبين
كـان يـحـلـم الـبـايـت الـقـوى بالـعـيشة ما بين مترفين
يـومـاتي بـحـلـم زى طـفـل وابـني الرواكيب والبيوت
الـوقـت فـوق سـاقـيـة قصب واشتلك احلام دار تموت
مـن غـيـر ظـنـون وبلا شروط نسكن بيوت العنكبوت
واحلامـنا نديهـا البحـر تتخاتفا الموجه وتفوت
يوم قلتا اسرح بي وراك تاقيتي باب الموبقات
قـلـتي إنـك مـؤمـنـه وممـتـثـلا بـأمـر الصفات
كـل الـمصـائـب والـمـحـن فـاتـحـالا صدرك من ثبات
ما تكـلـمـيـني عـن الهـوي وعـن قـصـة الحب البضيع
ما بـيـن مـشـاويـر الحـيـاة وسنـدان زمن قاسى وفظيع
رغـم إنـو درسـنى الـصـبـر خـرجـنى لا فى بلا وجيع
رضــيـان مـن الـعـالـم وراى ركــبــت قطارات النجيع
نـمـرق يـواكـــبــنـا الــرزق لـكـــنـهـا الارزاق نصيب
نرجـع نخـاف شـبـح الظـلام والوحـشـة والليل الرهيب
نتلاقي تضحكى من بعيد وفى الكتمه ضحكك همبريب
وعفواً حبيبتي كما الطيور عايشين كفاف زمناً عصيب
حظي التعيس
حاتم حسن الدابي
غناء الفنان جعفر السقيد
أنـا مـالى دون الـنـاس مــســوده أيامي
لا ضـو لي نـبـراس فى ظلـمه أحلامي
ليه دون خلايق الله حظي التعيس مسود
يـوم الــفـــرح طـل مــات قــبـل مـا يولد
فـتـحـت للأحــزان وســاعـة الـفرح غمد
اتـغـتــا بـيـهــم أســـاي مـتـوســدة الامى
بـاب الـسـعــد مقـفـول ما أتـلـقـا المفتاح
مات الشعاع مكتول صبح السعد ما لاح
لمتـيـن مـعـاي يا غول يا طارد الأفراح
كـل مـا أتـفــتـح لـي بــاب ألـقـاك قدامي
صــبـحـاً يــشــع قــــدام طــولــت أهاتيبو
شـايـفــاه في أحــلام عـطـــرني بـي طيبو
يـظـهـر لى فـجـأة ظـلام جـارات جلاليبو
يـكـشـحـني بي أوهـام تـحــرمـني نسامي
قــدامي كـل الــنـاس أفــراحـهـا مـا ونت
عايشين سماح أحساس بيهو الطيور غنت
الكـاس يـلاقي الكـاس ذي مـا هـي إتمنت
عـنـدي الأمـاني يـبـاس مـات القبـيل نامي
كـل الـخـطـى الـثـابـتـات تتماشى لى قدام
وأنـا لـو حظـيـت خطـوات بيـردها الهدام
الـبـعــدي عــدى وفـات مـتـوســد الأحلام
وأنـا مـالي لـيـه راجـعـات طوالى أقدامى
ما بنستغني
جعفر السقيد
مانى والـبـشــر يـا خـلا يكـتـب في حـبيـتو قصيده
سـاب الدنـيا كلها عشـانه واختار لى إرادتو مسيده
الـريـده الـغـشـت وجــدانو مـا دايـرالا تــانى أكيده
يا عزالى أقصروا الشيـنة لو كان ما بتريدني بريده
مـا بــنــســـتــغـــــني وانـــتـى تـمـلـى فـي خاطرنا
لـو مـا الـدنـيـا صـح مـلـعـونـة كـيـف يـفـوت الجنه
لـمـن اكـون مـعـاك يـا ورده أبـدا مـا طـريـنـا اهلنا
واتـمـنـيـنـا غـيـر عـيـنـيك يرتاح فوق رموشا وطنا
الـلـيـل لــسـه مـا طـلانـا والـلـيـل في كـتــوفــك جنه
ما بنقدر ندارى الريده ما الشوق في العيون يفضحنا
تـعـرفـوا انـدهـشـتـا لـمـا شـفــتـا الـقـمـره لى بسـامه
أيـوه هـدومى مـا شـالـتـني قـتـا انـا لـمـا فـقـتا سلامه
لـيـك مكـتـوب عـلى الـريـده انـزلى في سمانا غمامه
والـزول إن كبـر بي عادتو يصعب تاني ليهو فطامه
الـمـوت مـا بخـاف أنـا مـنـو إلا عـيــون فـلانه بخافه
ما صـابـني الـبـرد يـا خـلا لى أعـضـاى بقـت رجافه
لمـتـيـن يا هـنـاى نـتـلاقى فى جـو مـسـتـقـيـم ومعافى
دايـرك تحـتـريـك بالدغري فاصل بيني وبينوا مسافة
غلطان أنا
خالد شقورى
عبدالرحيم البركل
عـاشـق عـيـونـك كـم سنه معليش خلاص غلطان أنا
مـشـيـت عـلى دربـك سـنـيـن افـرش دريـبـك بـالمنى
سـرحـت فـى واديـك زمـن نـاس الهموم ناس الضنى
كـتـبـت فـيـك احـلـى الـكـلام نـظـمـتـا فيك اجمل غنا
خـلـيـت يـمـيـن كـل الـبـلاد واخـتـرتـا دنـياك احضنا
مـعـلـيـش خـلاص غـلـطـان أنا وكل الحصل بتحملو
انـا لـى زمـن مـتـمـنى يوم آخر المطـاف بس اوصلو
ويـقـولـو لـى مـبـروك عـلـيـك ونـبـدأ الـفرح من أولو
نضحك كتير جنب الصحـاب فى يـوم سعيـد ما اجملو
معليش خـلاص غلطان أنـا غلطـان عشان بغلط كتير
غـلـطـان عشان قايـلـك هـنا إمكن معاى تبدى المسير
غـلـطـان عشان مـن الـنسـيم لو مس لى جسمك اغير
غـلـطـان عشان مـن دون جراح فى دنيتك داير اطير
ماكـان زمـان بـتـقـولى لى غيرك محال اعشق حبيب
مـهـمـا قـسـت كـل الـظـروف أنا ليك ما ممكن اسيب
آيـه الـجـديـد فـى حـبـنـا آيـه الـحـصـل آيـه الـغـريب
لـو مـا الـزمـان غير هواك ولقيتى لى جرحك طبيب
قولى زى ما النـاس تقـول انو الزواج قسمه ونصيب
معـلـيـش خلاص غلطان أنا ومن قلبى ليك كل المنى
تـتـهـنـى بـى فـرح الـعـمـر ويــذدان قـليـبــك بـالمـنى
ياهـو الـقـدر وانا راضى حتى لـو انكـتب لـى الضنى
تـتـهـنـى انـت مـع الـنصـيـب وانا ليك بنظـم فى الغنا
اصلوا الـحـصـل ما منـك انتى بس صحيح غلطان أنا
بديت حبك معاى شريف
عبدالرحيم البركل
احمد الانصارى عبدالله
بديــت حـبــــك مـعـاى شريف ليه بالله ليه خنتو
تبدل ريدى بريد زول غريب فى دربو ليه سبتو
كـاتـب لـيـك رسالة شوق طويله حنينه بى خطو
فـيــها حـنـانـو وريـد صادق ليك يا سمحه ياستو
هـل يـرضـيـك ابقى وحيد مبشتن حالى لو شفتو
حـرام والله يــا الـمـحـبــوب قسيت بحبى دمرتو
أنــا الـقــدرتــا عــهـــد الــريـــد بـآمــالى شيدتو
نـسـيــت ايـام زمـان ديـك درب الـريــده غيرتو
وحـاتـك مـانى نـاسى الكان حرام انساهو يا انتو
بـعـيـش الـذكـرى طول الليل واسأل منى ليه فتو
اقــول والله ده الـمـقـســوم قـدر لابــد مـن جيـتو
حـبـيـبى وحــات عطفك لى ناس الدنيا بى شمتو
بدور بس هسى تنسى الفات تنسى القالوا لى قلتو
انـسـى الـدنـيـــا بــى نـاســــه ايـــام عقلى جننتو
بـفــرش لـيـك زهـور يـاسميـن تبـقى منايا حققتو
واحـكـيـلـك شـريــط الـذكــرى يـوم قـلبى ود
إيــــديا
عبدالرحيم البركل
خالد خليفه (الباشا)
ايـــديّ فـــوق ايـــــديـــك نــبـــنــــيــه اجـــمـــل بيت
تـبــقــيــلــى فـيــهــو ضـراى وانـا ابقـى راس الخيط
مـنــك اعـــرف الـــصــــاح بـيـنـــاتــنـا يبقى صراح
لا نـعــــــــرف الآلآم لا يــــــــوم نـــقــــــول يا ريت
ايـدي فـوق ايـديــك نـبـنــيــه طــــوف فــــوق طوف
بـيـت الأســـاس اخـــلاص بـي ريـد ووّد مـسـقـــوف
يـصـبــح هــواهـــو هــــواى نـسـمـاتوا احلى حروف
فـيــهــو الأســــره هـــيــــام شــبــــــاكـوا لـيـنا ولوف
يـطـــرد كــــلام الــنــــاس شـبــــح الضيـاع والخوف
ايـــــدي فـــــــوق ايـــــديــك نــتـــقـــــــــــاود الأتنين
مـانـحــن مــن سـنـتـيـــن قـــاومــنــا أقـســــى ظروف
صــارت خـطــاى وخطـاك فى نص طريق مرصوف
مـاشــيــــن مــع الأيـــــــام والـــزاد مــنـى واحـــــلام
قـاصــديـــن بــلاد الـريـــد وطـريــقـــه مــا مـعـروف
ايــــدي فــــوق ايــديــــك نـلـحـــق قــوافــل الـشــــوق
الراحله من جواى نبنيه اجمل بيت ترتاحى فيهو معاى
لامـن نـهــايــتـى خـــلاص لامــــن أصــل مــســـواى
اقدارى سيرى
عبدالرحيم البركل
ابراهيم ابنعوف
سـيــرى يـــــا اقـــــدارى سـيــــــرى بى محل تسـيرى
شن يهمك غير عذابى انا اصلى زول مجهول مصيرى
كــت بـأمـل ومــانى عـارف حـالتى بيك تكون عسيرى
تـطـفـى شـمـعـات الأمـانـى تـخـلى كـلـوا ظلام عميرى
ابـكـى شــن فـايــدة بـكــاى والـعـــلـى مــاك دار تـزيلى
مـن قـســاوتــك مــانـى لاقـى حـتــى كـلـمــة وآشريرى
انـا شـن بـدور بـالفـرحة تـانى راضى بالدمعه الغزيرى
عـمـرى مـكـتـوب لى انوحـو وقلـبـى رماضه وهجيرى
وانا قلبى فى النـيـران يشابى برضو اقول يا نار اجيرى
الـسـعـاده انـا ويـن اشـوفــهـا بـالـهـموم عميان ضريرى
ان كـت مـتـل الـمـتـلـى راجـى الجرتقه وربط الحريرى
فـى صـدى زغـــروده ضـجـت لـمـلـمـت كـل العشيرى
والـتـمــر بـالــفـــرحـه صــفـــق عـمــر الــدار الكبيرى
فـوقـو قـمــرى تــرك نــواحـــو غـنـا سـاير يا الدخيرى
والــربـــاب فــوق قــوزنـا جــافـا نومه للدغش البديرى
حـســوا بـارى الـنـسـمـه غـرب عـدى بى بحر الدميرى
والـقـريــر بـشـعــاروا غـنـا لـيــهــا كـتـــرتـى الشكيرى
لابـسـى اُسلى خضارها ترقص قالدى مساوى الجزيرى
ما حــرام بــعــد الأمــــانـى عـلـى دون الـنـــاس تغيرى
زول اريـدو مـتـل عـيــونـى مـش حــرام يصبـح لغيرى
ماحــرام يــــا ولاد تــارتــن زول تــلال مــرات تغيرى
تـحــرمـيـهـــو مــن ابـتـسـامـتــك تـبقى بالآهات جديرى
واصـلـك انـتـى إن جـيـت تـظـنى قـلبى مظلوم ماتجيرى
واصـلـو عـمــرك ما سـمـعــتـى زول سـولـو الضريرى
دايــر اقـولـك قـبــل افـارقــك يـــاهــو امـنـتـى الاخيرى
خــلـى كـفـنـك يـبـقـى كـفـنـى فـى عـيـونـه يكـون قبيرى
الروح الشقيانى
عبدالرحيم البركل
ابراهيم ابنعوف
الـزول نـســانى وفـات صـدا ونجع تانى
كـان مـنـو ولا اقـدار ما ذنبى يا اخوانى
انـا شـلـتـو فـى الأعـماق فرشلو وجدانى
واسـمـيـتـو فـوق الـكـل بشعرى واوزانى
عـامـلـتـو بـإحـســان رقـة قـلـيـــب حانى
كـات فـى الـنـهـايـه إنسان ما قدر إنسانى
شان خاطرو ضقتا المر اسعدتو واشقانى
اوصـيـهـو بـالاخـلاص يـنـسـاهو ينسانى
فـقـدنـى للـتـمـيـيـز بـيـن فرحى واحزانى
نـاجـيـت بـعـدو اللـيـل مال نجموا خـلانى
راقـد رقــاد الـمـيــل شـمـــــاتى فرحـانى
اتـبــــاكـا لـلأيــــام والـعــبـــره خـانـقانى
إلا الــدمـــع مــا فــــات نــــــاراً موالانى
بـالله يــــا اشـــــواق لــى ويـــــن مودانى
دى الـســكــه طـالـت بى وانا فيه وحدانى
مـالـى غـيــرو مــلاذ فـى دنـيــتــى الفانى
وان قـلـتـا مـنـو اتـوب يـحـمـينى شيطانى
يـارب زى عــيــنـى عـيـنـيـهـــو سهرانى
او حـالــو نـعــم الـحـال نايــم غرير هانى
انـا عـارفـو قـلـبـو بعـيـد لى قلبى ما دانى
انـا لـيـك شـكـيـت الـحـال بالـفـيها ما يانى
دايـمـا اصـيـح فـى الويل والدنيا طرشانى
يـاالله كــون فـى عــون روحـــى الشقيانى
لازم أقيف
عبدالرحيم البركل
لازم اقــيـــــــــف انـــا لـــو لحظه يتحدد حزن
لــو لـــــــــــــــــــــون الــريـــــــــــــــد الوجع
او كـان مــــــواســــــــــــم الـلـقـيـــــــــا صيف
لو الرياح خت مساره قصاد مدن قلبي الرهيف
لو اصبح اثمن المقــابل لى هواك نوم الرصيف
لازم اقــيــــف عــشــــــان ازرع الفرح العنيف
وارجـي الـخـــريف اشـــــــرب بحر حزنك انا
وحـتـي إن مــشـــــــــــــــي ابــقـــــــالــوا قيف
واعـلـن خـلاص آخر السفر قبل افكر ابدا كيف
لازم اقـيـف بين الزمن واجبر سواقي الهم تقيف
امسـح سواد الامسيات واسقيها بي لون الجريف
وهـواك يـسـكـن فـي جـواي انـا بـبـقــالــوا قيف
لازم اقيف بعد الامل او قبلوا بي شـوقي العنيف
ارسـم دروبـك بالـفرح وانثر قطع لحني الخفيف
واسـتـقـبلك موكب مهيب بر البلد لو جيتي طيف
لازم اقـيــف مـا انـتي لي آخر الكلام منو واقيف
ما إنتي لي زاد الدرب لمن يموت حرفي الشفيف
ما انـتـي لـي كـل الـعــشـــــــم الـقــــــــــاك كيف
باكر بجيك
عبد الرحيم البركل
بـاكـر بـجــيــك مــن ســكـة الـقـلـب الـعـشق ذاتك سنين
مـن صـرخـة الــمــاضـي الـلـى كـان قــاسـى وضـنـيـن
خــايـف يـكـون زيـف الـمـدن غـيـر اصـالــتـك والحنين
جــايـكى مـن لــيـل الـعـذاب ارجـيــنـى بـالصـبح المبين
فـتـيـنـى لـلـيـل الــطـــــويـل يـرمـنـى فـى حــضـن الألم
فـتـيـنـى بـيـن شـبـح الـظـنـون واحـزان بـتـنـبع من وهم
ارجـيـنى فـوق ارض الـصـبـر جــايـكـى مـن زمناً سجم
لا فـيـهـو لـلأفــراح طـريــق ولا فــيـهــو لـلأيــام طـعـم
بـاكــر بـجـيـك بـى لـعـنـة الـريـد الـمـلـت قـلـبى الجريح
بى حـال بـيـغـنى عن السؤال مابيوصفو الخاطر الفصيح
خـايـف يـقـصـر بـى الـعـمـر تـحـمـلـنـى مـن الـدنيا ريح
لـو كـان مـقـدر إنـى اروح سـويـلى فى خاطـرك ضريح
ســافــرتـى مـا خــلـيــتـى خـيـط ابـراهو للمرسى الجديد
ســافــرتى مـا خـلـيــتى لى غـيــر ذكـرت الـزمـن البعيد
عـلـمـتى روحـى الإنـشــراح عـلـمـتى قـلـبى يـحـن شديد
فـجـأة اخـتـفـيـتى من الدروب واخفيـتى كل زمنى السعيد
لـكـنى لـى احــسـاس يـسـوق خـطـواتى لى اجمـل عيون
بـاكـر بـتـلـقـى خـطـاى مـعـاك تـتـمشـى ما بين الغصون
ما تـقـولـى لى وصـلـت كـيـف مـيــن دل قلـبـك يا حنون
ان أنا قلبى اصبح ليك مكان يا الناسيه إنى انا ليكى كون
بـاكـر بـيـنـكـشـف الـضـبـاب والـقـاكى فى فـرح الشباب
تــقـشـى فـى دمـع الــفــراق وتــزيــلـى فى ألـم الـعـذاب
بـكـره الـمـسـافـات تـجـتـمـع وتـلـم قـلـوب يـوم عيدا آب
ويـعـود شـبـاب الـفـى هـواك يـا حـلـوة بى احـزانو شاب
المواجـع
ك / خالد شقورى
غ / عبدالرحيم البركل
لـمـا نـبــكــى مــن الــمـواجــع قـلـنا نرتاح فى بكانا
قــولـى كـيــف نــرتــاح ونحـن نبكى من شدة هوانا
الـلـيـــلة رحلة الأشواق بعيدة والشواطئ بعيد مكانه
حــتـى فـى بـــــر الأمــــانـى الـسـنـيــن هـدت قوانا
كـنـــا نـحـــلــم بـمـــدايــــن فــيـهـا نـرتاح من شقانا
قـولى كـيــف نـــرتــــاح ونحـن نبكي من شدة هوانا
القــدر طــاوع قــلــوبــنـــا وخــلى بـحر الريد حدانا
ونــحــن مـــاصـــدقــــــنا قـمـــنـا نشرب فوق روانا
دى الــمـشــاعــر فــيــنا فاضت غرقت فرحة صبانا
مـا الـنــعــم مـــرات بـتــشــقــى والله بـالـريـد إبتلانا
مـــرة طـلــت دارنــا غـيـمـة ونـحن ياما الريد غشانا
شــايـلــة فـى الـخـاطـر محنة جات تعيش الريد معانا
جــات تـصــب فـى الـريــدة ريـدة لو قليل يبرد جوانا
كـيــف يــا غـيــمـة نـــرتـــاح ونـحـن غلبنا فى هوانا
مــا غــريـبـة عـلى الـبـريـدو يلقـوا فى الريده المهانة
ياما كـتــيـر أحــبـه غــرقــوا فـى بـحـور الذل عشانا
فى الـحـقـيــقـة الـريـــدة مــره ضــقنا مرها فى غنانا
ماهو قيس بكى من هواهو مانحن برضوا الـريد أذانا
يـا زمـن لـو تـصـفى نـصـفى فى البوادى يعـم صفانا
والـعـيــون تـصـبـح مــرافئ فـيــهــا نـرتاح من عنانا
رحـلــة الـهــم بـيـــنا طـالـــت مــلـت التســيار خطانا
نـعـمــل آيــــه مــــــا نــحــــن غـــلـبــنـــا فــى هـوانا
قـلـب الـسـجـم
ابراهيم ابنعوف
عبدالرحيم البركل
يـا قــلــب الــسـجــم يـا الـما لقيتلك هادى
بـرغــم الـحـصـل ليه فى الغرام متمادي
كر قـبـلـك وبــراك يـاالليل زمن ماعادى
قــول لـى شـن وداك فى قبضة الصيادى
يا قـلــبـى الـعــنـيــد لمتين تصيح وتنادى
والـتـهـــواهــو مـنـــك راح مـقـبـل غادى
فات خلاك وحـيــد فــوقـك هموم مترادى
لى محنا متل سحـــب الـخــريف متقادى
ان كان ماك شقى ودايــر عذابى وراضى
آيه لاقـيـهـو فــى حــبـوا الـدرعتو قلادى
تـنــسـج فــى الأمـانى وفى خيوطا تسادى
فى واديــك تــتـوه والـناس بعيد فى وادى
جاك صــايـبـا جــديـد عكر صفاك الهادى
ولاّ ده جــن عــديـل الـجـاك ده منو مبادى
انا ما غلبـتـنــى وغـلـبـتـــا مـعاى أجوادى
خليتنى أشكى لـى خلــقـوا القريب والغادى
وصيتك كتــيــر وكـتـيــن دحـين ماراضى
اتعذب براك وانا تــانى لــيــك مـــا فاضى
انتا يا الضيع عميرك كـلـو حـاصل فاضى
فـى دى عـيــون جـمـيـله وداك خديدا نادى
قبـيــل وكـتـيــن نـصحـتـك ولـى تابا تلاقى
انت ما عارف الظلم عند البنات شىء عادى
حليلنا بقينا فى دربين
محمد النصري
زمـان كـان الـدرب واحـد حـلـيلنا بـقـيـنا في دربين
خـلاص اتـفـرقـوا الـقـلـبـيـن واتـيـتـم غــرام وحنين
قـبـيـل كـشـح الـوصال مـا روق وراء الشـيل التقيل
وقــع قــدر مـا شـهـد الـمسـيوق ولا الفضل التراب
لسـع يـا حليلك يا زمان الشـوق ويا اروع حلم ودع
حـرم مـا الـريـده بـيـنا سنين من دابـنا الصغار شفع
وكـت تـسـطــع الايـــام بـخـصــــم قـلــــبي لا يدمع
واقـول اصـلـوا الـزمان دوار والراح تاني ما برجع
رحـل مـا خـلي غـيـر تذكار مكتوب بالسواد صفحه
ضـمـيـرك خـدروه الـناس بعد فوت الاوان يصحى
وانـتا حاتل في بطون الصي يجيك محل الندم نفحه
تـقـبـل ويـن يـقـابـلـك مـاضـي مـهـما فتو ما بتمحى
حليلـنا بــقـيـنـا فـي دربـيـن وخـلـيـنا الحنين مزهول
نحتار كيف نداري البين ونمرق من مصير مجهول
لـكـن يـا حـنـيــن الـحـاجـي يـقـابـلـك دريـب بطـول
ولا تـضـهـب وحـاتـك بـيـنـا نحن البينا مات مكتول
خـلاص اصـبـحـنــا ويـقــن حـادي الـدريـــب ينفات
بـعـد ضــاق المراير كيف يتلموا اللي صاروا شتات
سـعـادتـك لـو ثـمـن لـلـفـرقـه بـدفــع عمرى للشمات
ولـيـك يـتـمـاري وين ما تبقي يا ظالم حبيب ما مات
معذورة
محمد النصري
مـعـــــــذوره لــو قـلـبــي اشـتتهــــاك مـا إنت عارف
فــرقـتـــــــك مــــــا بـيــحـــمـــــــلا الـقـلـــب الهواك
ده مـنـاه يـوم مـا نـفـتـرق يـا ريـتـو كان يفضل معاك
لـو بـي مــرادو يـقـوم يـجـيــك تلـقاه بين ايديك حداك
مـتـمـنـي يـلـحـق بـيـك سريع نتـلاقي والاشواق هناك
جـايـيـك هـارب مـن سـنـيـن جـايــيـك واقع في حواك
غـلـبـو الـنـواح يـوم فـرقـتـك بـالـدهـشـة خـانس إتعبر
مـا بـيـن نـوازع الـروح إلـيـك هـايـم وبيـن حكم القدر
مـا اتـزعـزع الإيـمـان جـواه ولـكـنـو فـي الآخـر بشر
قـايـل عـلـيـك شـدة وتـزول مـا قـايـلـك إنت علي سفر
ما كان هو فاهم يومو داك ايه ضحكت البرق اللصف
ولا كـان هـو شـايف للهموم الجايه واقفات ليهو صف
ولا كـان هـو حـاسـس بالغـرام الباني في الغيم اتنسف
لـقـي نـفـسـو فجـأة بلا وجيع مفجوع ومفقوع بالأسف
يا ريـتـو كـان وقــف الـزمــان قـبال تروح صدّ ورجع
ما كـان غـشــانـا الحـزن يــوم لا فــرقـه بـيـنـاتـنا بتقع
كـان لا رثـيـتــك لا بـكـيــت لا قـلـبـي فـيـك يوم إتفجع
وما كان قـدر ذكراك صبـح يومها التزور مره ورجـع
درب الشعاع
محمد النصري
يـا حـســـــــرة قـلـبـي الـجــريــــح
مـا بــــــــان فـي دربـك شـعـــــاع
كـيـفـــن بـعـــد ريـــــــــــده وحنان
آخــر الـمــطـاف يـبــــقـي الضياع
أديــــنـي مـن زمـنـــــــــــــك زمن
قـبــال يـحــيــــــن وقـــــت الوداع
بـيــن يـوم ولـيـــــلـه آيـــه الحصل
وريــنـي مــا ســـــــبـــــب النزاع
احــلامــــك الـكــــــــــــانـن معاي
مـالــــن بـــــقـن لــــوعه وصراع
وايــامـــــك الــعــشــــقــــن صفاي
يــا غـــالـي لــيــه مــــــرن سراع
خــلــيــني لـي هـمـي وشـــقـــــاي
خــلـي الــيــكــون قـلـبـــــك شعاع
مــهـــمــا يـكــون ريـدتـــك صدود
لـي حـكـمــك الامــــــــــر المطاع
بـاكـــر يـجـــــــود تــــانـي الزمان
يــرحـــم يــجـيــــب سـمـح الطباع
والـواقـــع الــمــا بـيــــرضي زول
خـلــي الـيـــــــروح مـــا دام متاع
أخــديــهــــو مـن عــابــــــــر كلام
وهـــــاتـي الـمـفـيـــــد من وضياع
الـقـــالـك الـــريـــــــــــــــده انتهت
فـي الـريـــــده مـا عـبــــرلــوا باع
والـبـيــــك بــلا حــــن كيـف يكون
مـادام احـــســـاس سـاســو الخداع
والـبـــــــــانـي ريـــدو عـلي النفاق
دي الــريـــده مـا بـتـجـنـيـلو صاع
يـا دنـيــا
خالدعبدالله بخيت
محمد النصري
يادنيا بي حظي الزريع بتحمـــــــــل القــــــدر المـريع
خايف من الاحزان اضيــع ما القي بي قربــي الوجيع
صوت القوافي البيك تنوح والسالفه في لحظة وضوع
فارقـتي والايـديـن تـلـوح رسبـتـــي في عيني الدموع
وريـني ويـن بعـــدك اروح بـيـنا اقطـع عشم الرجوع
في قـلـبي مـا بتبري الـجـروح من فتي فارقتي الهجيع
لـيه دنـيـتـك كانـت ســــراب ممـــدودا بي مد العذاب
احـزني لازمني اكتئـاب وانـا بي وراكي شبابي شاب
سـدي الـمداخـل وكل بـاب طــليني من دنــــيا الغياب
بـلـقـاكي في نفــس الرباب واشعـاري ليك عالم وسيع
سـاهـرتا طـول الليل معـاك كم مره عــــديت النجــوم
ما طـافت الاحـلام رؤاك لـو اضمن احلمــبك بــــنوم
يـاقـلـبي يا ضايع كفـاك شــن جبتا غير حسرا وهموم
ابـكـيـهـا لو ينفع بكاك الدمعه ما بتجــــدي الصــــريع
فـارقتي في عـــز الغرام مـن قـــبـل ما تثبـــت خطاي
افــردتـا ليـك درر الكلام خلــــدتا وصـفـــك في غناي
مـاانـتي ما بيــــن المسـام في كـل احســـــاسي ومعاي
طـفـل الـغـرام البينــــا نام اتلافـتو الاقـــــــدار رضيع
سـبـتـيني لحــزني العميق للحسره لخــاطـري الجـريح
يـاريـتـني لو اقـدر افيق لو متـــــــا يمــــكـن اســتريح
يـا دنـيـا طـال بي الطريق وانا بين مسافـــاتك كــسيح
كـيـفـن وصولي بلا رفيق والخطـوه كيف بعدك تطـيع
زود شـجـــوني عـلي الـعــلي طيف المهاجر مني فات
يـادنـيـا مـا بايـــدي شئ غير الله يلهــــــمـني الثبــــات
والـبـاقـي في جـواي حـي ياحلـيــــلو ودع سيــدو مات
بـبكيـهـو عـمــري الـباقي لي فوق الدموع لو بستطيــع
مدن الضياع
محمد سفله
محمد النصري
والله يــامــدن الـضـيـاع امـالـي فــيــك مـا بتـنحسب
فـي دوبـا فـارقـتـا الـبلد جيتك مقاسي الشوق غصب
شـديـت رحـالي بـلا ضجـيج خايف شياطين الجحـيم
جــيــت دايــر ابـيـع الـضل ما جابني ليك شوقا قديم
ضاراني وشك من قفاك ضاريت كمان واقعي الاليم
احــلامـي غــرب شــرقــت شـرقــتـا بـانت بالغـرب
شـــان ود غــلابـه وكـادحــيـن لاود شيوخ لاود عمد
مـن قـمـتــا طـاويـني الشـقي ومتـعودي العيشي النكد
جـيـت دايـر اغسل همي فيك والقالي في جوفك سـند
قـــايـد شـلـيـلي ودرتــا انــا تــاريني ضلــيت الدرب
عـلمني ليلك كيف اموت واشيل براي نعشي واحوام
وكــيـف قـلـبي يـتـمـدد تقـا فوق الحزن كيسـابو كوم
والـــقـــا الــشـــقـــا شــقــيــــش امـش الـقــاهـو وين
مـا بـيـنـي مـا بـيـن الهـدوم كايلني هم زايدني خوف
ســـــــــاوي الـــــــفـــــــــــــؤاد ســــــاحــت حـرب
كـيف الـمصير وانا في ودايك تاهت خطاي وبلا دليل
استسلم ارجي الدار تجي انا عاد ولا اطاوع المستحيل
الـرجـعـه اقـسـي مـن الـبـعاد اوبين ووب هسي وقبيل
اتـعـوجـن قـبـلـي ومـحـن فـي اوطـاني عايش مغترب
مـاسـاتي يـامـدن الـضـيـاع اكــبـــر مـن الـحـان الغنا
مـيــلادي كـان عـام الـرمـاد الفـيهــو اباحو الغرصـنا
لاكـت سـلـيــمـان يـوم هـويت لا بيـن ايدي خاتم المنا
شـان اجـلـبـك بـاقي الزمان او اهوي بلقيس ولا احب
والله يــــــــــــــــــــــــــــــــــــــــــــــــا مـدن الضيـاع
لـمـا شــفـتـك
محمد النصري
لــمــا شـفــتـك قـلـبـي دقـا واهـدي لـلـزمـن ارتعاشا
والـعـيـون فـي عـز خـريـفـا عانـق الاحساس دعاشا
الـخـطـاوي تراها ماشي ماني عارف وين هي ماشا
والـربـيـع فــوح زهـورك فـي انـتــطـارك يـا فـراشا
غـنـا فـي اعـمـاقـي صـوتـك غـنـوة الشوق والصبابه
والـبـرق لاح مـن سـنـونـك داعـب احـلام السحــــابه
الـحـنـيـن الـفـي عـيـونــــــك بـدد الهم والكئــــــــــابه
والـمـشـاعـر الـشـارده جـاتـك مـا لقين ميعاد ايـــــابه
يـلا ارحـلـي تــوهـيــني فـيني الـــق الزكري بـــــاقي
الـحـزن لـمـن افــارقـك بـلـقي في صــــــوت السواقي
مـدي ايـديـك وانـقــــذيـني مـــددي جـســور التـــلاقي
دايـر الـقـاك جـــمـبـي دايـمـا تـطــفي نيران اشتـــياقي
بي صـراحـه الـدنـيـا اجـمـل مـن نعيشا اسي وتجــافي
شـيـلـــــو وعــــد اللـقــيا واقـع لـفـجـر بـشرق تصافي
الـنـخـل قـمـريـه هـاجــــر والنجـم في سمـــــانا مــافي
والـظـلام يـاحـلــوه خــــيـم فـي انـتـــظار انـــك توافي
لـمـا شـفـــتـك نـور امـامـي مــا قــدرتـا اديــك قفــــايا
امـشي ويـن عـاد انـا من عيونـك وانت اي مكان معايا
اعـزريـنــي اذا اتـنـظـرتـــك زهــره في عـتمور شقايا
وسامحيني عشان بقولك طيري طيري حلقي في سمايا
مـا تـظـن
محمد النصري
مـا تظــن انـا بـي وراك ابـقـي زي عـصـفـور كـســيــر
ما ظني ابقي بين صمتي وهواي طول زماني اسير اثير
اللي مـهــد لـيــك طـريــق لـســه قـلــبـك كــان كـبــــيـر
بكــره يـديــنـي الامــان ابـقـي فـي الـســمـــوات اطـيــر
ما اظني
الـطـــريـــــــق السـبـتـو لي وقـبـل مـــا نوصــل نهـايتو
تـقــدر الـخـطــوات تـواصـلـوا حـتـي لـو تـرجــع بدايتو
الهـــوى الشــايــلاه الـدواخـــل صاحي ما بتكمل روايتو
فــوق اعـــالــي الــــروح ترفرف بالاماني الحلوه رايتو
ما اظني
انـتــا لـو فـــاكــر الـمــشــاعـر تبكي يوم تغشـانا ذكري
الـحــظ الـمــشـــــدود وانـــــــــادي كـلـمـا اطـراك واقرا
الـقـــلـيـب الـضــو دربـــك وخـتـــه فـي جــواك ذكـرى
بـكـــره يــزرع ورده تــاني وحـــولـه تـكـبر الف زهره
ما اظني
لا تـظـــــن بالــسـاهـــل انـسـي وابـقــي زيـك سكة تاني
الـمـشــاعــر مـهـمـــا تـقــســي ومهـما من الـريـد نعاني
مــافـي زول بـيــن يــــــــــوم وليله بـيـدفن الكانت اماني
إلا مــا بـفـضــل اشيــلك طــــول حـــياتي وهــم واغاني
ما اظني
سـقـف الـصـبـر
محمد النصري
لا انــهـــدا حــيــل ســـــقـــــف الصبر
لا الارض وقــفــت مـن تدور يا جاني
لا انــدســه الـشــعـــاع عــيــن الشمس
لا بـــقـــت الـــشـــمـــس حــفــيــــاني
وانـا الـجـايـك مـتـقـتق بالصبر ما كنتا
قـايـل فـي طــوافـي عـلـيــــــك اعـاني
وانـا الاحــرمــتـا مـن وادي الـحـــزن
وسـعــيـتـا ما بـيـنات شـقاي واحـزاني
وانــا الــســاســقــتــا فـي بـهـــو العمر
يا ريت خــطاي انـا في الاماني اماني
لــكـن آه مــن عــرامــيـــس الــزمـــن
مـن خـطــوه مـالــن وانـهـدم بـنـيــاني
مـارق عـلـى نــص الــــــدرب قابـض
علي آخر شـعـاع مـن الشمس واساني
مــاســـك عــلـي سلاح الـصـبـر مسنود علي عـكـف الـسـنـيـن وحلاني
وانا الـمـتاكي فـوق ضهـر الاسف قــاطـع فـيافـي آخـر الـعـمـر وحداني
قــاســـــيــت بــنــفـــسـي عـلـي الزمن
يـا خـلاي تــاهــت خــطـاي حـيــراني
اتـوالـن عـلـي مـحـن الـسـنـيــن شهدن
عــلـي وكــتــيــن شــهـــف شــريــاني
دايــر عـلـي حـلـق الــزمـن من بدري
كـــان دايـــــر عــلــيــــهـــــو زمــاني
شــــــابــــيــــت احـــــوق فــي الـعـمر
حــســيــت بـنـبـض الـسـنـيــن محقاني
جــربــتــا اقــاسـي مـن احتـمل السوس
يـــنـــقــــر فـي حــــــــــروفـي بـيـاني
مـــا الارضــــه جـــــربـــــت الـحـجـر
وكـت إيـده كـانـت بـالــيـقـيــن مـلـياني
والــروح بـتـبــقـي حـمـو الـجـسـد طال
مـا الـشـجـن يــومــــاتـي يـــوت ولاني
لكني ما قدرتا يوم ادخل دهاليز الاسف
وامــرق مــشــبـع بـالـهــمـوم واشجاني
بحر الشعاع
محمد النصرى
الـدنـيـا صـح فراقه لكن القلوب يا الدنيا ما داكي الامان
وعــشــــم الـــمـــســافــريــن الـرجـوع ولـو مــــا كدي
مــاكــــــــــــــــان فـي زول فــــــــــــــــــــــات المكان
وانــا لـي حــبــيـــب يـــوم دار يـــســـيــــــــب قـال لي
قـــــريــــب بــــرجــــــع عــــشــــان نـــبــــنـي البيوت
نــرســــم خـــطــــوط الـــضـــو عــلـي طــــول المكان
يــــــــــــــا الله ويــــــــــــــــن خـــــاتـــــــــــــــم المني
في رمــشــة الـعــيــن الـلـبـت بـالـشـوق تـنوم القاك هنا
ارقـد عـلي حـضــنـك انـوم تـمـــلانـي ريــد امـلاك غنا
ما انـتـي يـا بـحـر الـشـعـاع الـشـمـسـو غـابـت مـن سنه
لــسـه بـيـغـسـل قـلــبي نـور يـشـرقـنـي يـا ضـي الـهـنـا
يـا الـــقـــمــره ويـــن الــســنــسـنـه لا حــتـي فـي طرق
الــــشـــعـــــــــــاع الـــمـــــــــن زمــــــان فــوقــــك بنا
هـي اقـلـبي الــصــفــحــه الـعـلـي الـــســمـــاء مـن هناك
مـادام هـنـا زولـي الـبدي الدنيا نور ضلم رحيلوا الامكنه
تراهو زي ما الطيف يمر الليل يمر اليوم يمر والعام يمر
وانـا فـي الــدريــب الــفــتـا بـيـهــو ألـم اتر قدمك واصر
ارجـي الـمـسـافـريـن وانـشـدن هـوي في المدن ما شفتوا
زول شــــــــــــــايــل بـــشـــــــــــــاشــــــــــــــات الفجر
مــزج الـصـبـاحـات بـالـمـغـيـب لون خدودوا من العصر
وآه يــا بـيـوت لا دقـه بــاب لا فــات حـيـطـنـا العنكبوت
وانــــا لـــســه راقــــد فـي الــرصــــيـــــــــــــف راجيك
تــقـــيـــــــــف قــــــــدامــي قـــــــــبـــال مـــــــــا اموت
دنـــيــا مــن بـعــدك يــبــاس يــنـشرا في الوديان سكوت
يــا الله يــوم كــدي بـــالــنـــهـــار فــرح الـمواسم نفرعوا
صــوت الــقــطـارت مـن بـعـيــد فوق الـفـلـنكات نسمعوا
اشــواقــنـا والـنـاس الــزمـان وكــل الـمـسـافرين يرجعوا
الـمـح حـبـيـبي انـا مـن بـعـيـد يـهــجــم قـلـيـبـي ويقطعوا
حـزن الـسـنـيـن الـفـيـنـا سـاد انــا وانـتي سـوا سوا نقلعوا
غــيـــم رحـــمه
وغـيـم رحمـة في صيف المحل اهواي عينك بين رمش
في رحـلـة الايــــام مـعـاك يــوم لا تـعـبـــت ولا عطش
صـوتـك يـدغـدغ في الـحـواس الـسـتـه شقيـقش ما امش
قـلـبي الـسـمـع لـحـنـك وقـف بعـدك عمي وجنا وطرش
انــت يــا لــحــن الــغــروب نـبـض الشعاع من الشمس
تـتـبـاهـي فـي الـــوان قـــزح جـــواي ســـــوالك عرش
الـشـوق يـعـشـعـش في حـشـاي يحرق مصارينو ويحش
وانـا مـنـو يـاعـشـق الـصـبا انضاري في الزاد وانكمش
راجـيـك والاحـلام مـعـاي نـتـــبـاكـي عـاطـنـيـن الفرش
فـي لـحـظـة الـشـوق نـتـحـرق نـرجـع نـفــرهـد وننتعش
انـا وريـنـي غـيـر فـرحـا مـعـاك بـالله شـن طعـم القرش
حـتي انـا عـرفـتـا الـكـون براي او في جنات الخلد عش
طـيـفـك دلـيـلـي عـلـي الــدوام يــلـهـم دواخـلـنـــا ويهش
بي شـوقـنـا لـلـمـرسـي الـبـعـيـد نـحـقـب غـناوينا ونطش
الليله ننظم غنانا المو كضب صادق شعورنا الماهو غش
ابـهـــج زمــانــك اغــنــــيـات وانــا بـجـمـالـك مـنـدهـش
مـا انـت اجـمـل مـن غـنـاي يـا روعه في الزمن الوحش
مـا انـت اكـتـر من عذاي وعذاي كان الله كاتب لينا عش
بين الحب والإنسانية
محمد النصري
بـيـن الـحــب والإنـســــانـيـة بـيــن الـزاد وقـلـوب ناسيه
صـاعـت بـيـن الـبـيـن يا حـلـيـلا ورده صغيره دابه نديه
يـا مـظـلـومـة وظـلـمـك بـايـن ابـسـط حـق طالبه الحريه
يـا مـجـروحـه وغـصـبـاً عــنـك تـدى الروح الغاليه هديه
لـمـا قـلـيـبـك يـلـوى ضـراعـك فـى الإحلام أو كان بالنيه
تـلـقى اسـرارك انـتى اختارى بين قانون والعرف ضحيه
يـوم بـاعـوك مـا باعوا احساسك ولا الروح الطاهره نقيه
ولا الـشـوق الـشـاقـنى وشـاقـك ولا الـقـلـب الـديـمـه عليه
يـا الـجـواى مـن قـبـلـى لـقـيـتـك قبل أكون فى الدنيا خليه
لـو فـى مــدارك عـز مــزارك شــن بـشــيـلـك مـن عينيه
لامن اموت فى قلبي مكانك مافى سواك فى فكرى قضيه
لـيـك اغــنـى وقـلــبـي يـمــنـى امــــرك مـارق مـن ايديه
بـيـنى وبـيـن الـشـوق يـا غاليه لو فى انصاف وين النديه
غـيـر الـهـم والـخـوف والحسره يلعبوا بي صباح وعشيه
طــلا مــصــيــرك فى إيـد غـيـرك والأحـلام نسياً منسيه
يـقـني قـلـبـك بـالـمـقـسـومـه اشـكـى مـعـاى للإيــدو قوية
مـا غـنـيـت شـان اكـشف حالك زى حالى الشايله الماهيه
ولا بـاريـت مــنـك عـــزالـك ولا فــشـــيـت الـغـبـن الفيه
الـلـوم عـشـم
محمد النصري
الـلـوم عـشـم وانـا فـيـك قـسـم قسـم اليمين فوقك الكتاب
الـكـان زمـان بـيـنـاتـنـا يـوم مـن جيهتك انتـا قفلتوا باب
تـســألــنى مـالـك مـا بـتـلـوم مـا عـنـدي لـلـغـدار عتاب
مـا دايـر اعـيـد الـذكـريـات مـادام مـريـرة ويـومه غاب
بـنـسـاكـى شـان انـا لـى زاد اصـبـحتى فى قلبي العذاب
قلبى الخرب لحظة مشيت من غير سبب بالصدمه طاب
وقـضـيـتـوا اكـبـر من حبيب يقطف زهور عمر الشباب
وآمــالـوا اسـرع مـن وجـيــب قـلـب الـمـحـبـيـن القراب
وإيـمـانـوا بـالـدنـيـا ام ســمـاح خــلاهـو قـالـك مرحباب
شـال ريـدو زاد تـتـوصـى بـيك خليتو فى بحر الصعاب
مـا كـنـتـا فـايـت بي وشـيــك يـاتــو الـمـسـكـنـك العذاب
الـمـتـلـى مـا تـربـات هـوان شـان انتى تمسحبوا التراب
مـا كـان حـديـث شفـع زمان شان ننصلح نرجع صحاب
او كـت بـكـيـت الإغـتـراب شـان بـيـك يـفرحنى اكتئاب
مـا هـمـى دفـقـات الـحـنـان شـان فىّ مـوضـع مستطاب
عـلـى قـدر مـا اديـتـك امـان مـاعـنـدى ليـك اسع حساب
مـرهـف قـلـيـبـى ومـسـتـعـان ربـو الـبـخـفـفـلو المصاب
كـان ذنـبـو إنـو امـيـن عليك وبعد الحصل من ذنبوا تاب
بحر السراب
محمد النصرى
يـا فـرحـه فى بـحـر السراب يا كلمة فى اول جواب
يـا واحه فى ليل الصعاب آخر شعاع وسط الضباب
يـا نـجـم مـن دنـيـانـا غـاب يا اغلى ما تحت التراب
تـنـخــلـفـى قـبـال العذاب بيك برسل الآهات خطاب
يـمـه يـا الأمـل الـرحــل قــبـال يـقـول كـلـمـة وداع
يـمـه يـا الـنـور الـخـفـت قـبـال يـرسـل خـيط شعاع
يـمـه يـا دمـعـة فـطـيـــم خـلــوه لـي لـيــــل الضياع
يـمـه يـا مـركـب نـجـاه غـرقــت قـبـل تـفـرد شراع
يـمـه يـا نـجـمـات صـبـاح مـرن سراع مرن سراع
يـا يـمـه مـن بـعـدك انـا اصـبـحـتـا لـلأهـــات وطن
دروشــتـا فـى خـلــوة أســاى ســبـحـتا بخرز المحن
كـتـحـتـا صـبـري انــا لـلــريـاح غنيتا للاحزان بكن
دقـيـتـه بــاب الـذكــريـات كـان الـقى لى هناك سكن
ما لـقـيتا صورتك فى الخيال لا شفتا من بعدك زمن
ودرتــا لـى درب الــرجـــوع كـل الـمــعـــالم اختفن
فـتـشـتـا فـى كـل الـبــلاد كـان الـقـى لـطـيـبـتك مثيل
دورتـا فـى كـل الـبـقـاع شـايـل عــذاب لـيــلاً طويل
زادى الوحيـد كـان الصبر فى الظلمه والزمن العليل
زمـنـا يـشـيـل حــق الـضـعـيـف يـديـهـو لعابر سبيل
زمـنـا يـغـيـر كـل شـئ حـتـى الـزمـان كان مستحيل
يـا يـمـه كيف يتبلا شوق والشوق على كل يوم يزيد
لا انـتـى بـنـتـى ولاهـو راح لا غـيـرو الزمن المديد
يـا يـمـه بــعـــدك لا فـرح طــلانا لا ضــمـــانـا عيد
غير خيط امل يبدا ويروح كل ما العذاب يرجع يعيد
كـل مـا اقـول يـا داك فـرح الـقـاهـو مـنـى بعيد بعيد
لـكـنـى راجـع لـيـك انـا بـالـرغـــم مــن كـل المحال
جـايـك عشان اعرف خطاى من وين تستف للرحال
جـايـك لـو كـان مـسـتـحـيـل جـايـك او كـان بالخيال
راجـيـنى لـو كان فى الحلم ما الدنيا من بعدك زوال
عـنـوانـى خـلـف الـلاوجــود يـا امـى يـا ابـعـد منال
لسه قادر
محمد النصري
لـسـه قـادر تـانـى اصـبـر مـهـمـا مـنـى بعد سرابك
لـسـه قـادر قـلـبـى يـنـزف كـلـمـا طـعــنــت حرابك
لـسـه قـادر عـمـرى يكمل بـرضى واقف فيهو بابك
إلا مـا بـقـدر وحـاتـك لـحـظة اتحمل غيابك يا منايا
بـإنـتـظـارى عـلـى رصـيـفـك والزمن ما حّن جابك
يـا وجـع روحـى البتمـرق فى تماس برقي وسحابك
زى زمـن ودران وتـايـه قــاربـي تــايـه فـى عبابك
ويـن مـراسـيـك يـا حـبـيـبـه انـســدل تـالاى حجابك
مـهـما جـارت بـي ظـروفى أو على ضاقت رحابك
وعـشـتـا فـى هـامـش حـيـاتـك لا حـسـابك لا عتابك
يـانـى فـارش دربـك اخـضر فى إنتظار هيبة جنابك
تـلـقـى فـوق صـفـحـة جـبـيـنى الف مرحبتين حبابك
يـا عــشــق فــيـــنـا اكـبــر مـن مـشـيـك ومـن إيابك
يا عشم فى سماى ازهر واصلوا مـزروع فى ترابك
يا وجـع قـلـبـى الـمـودر ذاتـى كـلـمـا فـكــرى سابك
ويـن ادس حـزنى الـبـتـاوق فـيـنى فـى همسة ربابك
آه انـا الـقـابـلان انـزل فـرحـى كـلــو واشـيـل عذابك
آه انـا الـنـازر حـيـاتى روحـى عـمــرى وكـلى دابك
آه انـا الــضــيـعــتـا ذاتـي وراجـى اتـعــوض شبابك
قـلبي يهـتـف دقه يحسبك ودقـتـيـن يـصـرخ بـهـابـك
يا شمات كفايه البي
محمد النصري
يـا شـمـات كـفـايـه الـبـى جـنـى قــواسـى متلمات
ثــارن بـالـتـجــنـى عـلـى سـدن حـلـقـى بالعبرات
يـا خــلاى ويــنـــكــم لـى لـقـلـبـي الـنزف دمعات
يـامـا غـنـاء قـال احـى وفـرحـت بـغــنـاء الشمات
جـراحـك مـا بـتـطـيـب بـالكى وياما انطبقن كيات
مـتـيـن ظـلـم الأحـبـه يـروح تـشـهـد بـفـنـاء الايام
عـشـان زيـك كـتـير مجروح عشان البيك من آلام
طـول فـى الـعـذاب والـنـوح صـدن مـنـك الأحلام
مـاك قـادر تـقـول وتـبـوح دمـوعـك ياما فيها كلام
سـامـعــك فـى جـواى والروح تردد كل شئ اقسام
كـفـاك يـا قـلـبي ديـل شـمـات راجـنـك متين تشكى
دايـرنـك تـقـاسـى الــفـات اوعــــك تـــانى لا تبكي
اسـكـت واكـتـم الـعـبـرات فى جـواك قـول واحكى
امحى الماضى بالجايات بجيك غصن الفرح متكى
اوعـك تـانى تـنعى المـات وللشمات تكون ضحكى
جــود غـيــم الـمـحـنـه يـجــود مـا فـاد الـنواح الآه
اوعــك تــانـى لـيـهـو تـعــود اخـيـرلك كابد المنفى
كـفـايـة الـشـفـتـو فـى الـمـريـود فرج فيك خلق الله
خـلاص خـلـيـهـو للـمعبود هو ساير فى درب تواه
احلام القلب الراد
محمدالنصري
الايــام مـــــالــن مـــــاهــن فـى الآلآم داقــــــــــالى اوتاد
الايــام كـاتـفــانى حـــزيـن وســوجـرن الاشــواق باصفاد
كـنـدكـن الأحـلام بـالـحـسـرة ويبسـن الوديان فى المسرى
ولو بتعـدل الخـطـوة والـعـتـرة مـا اتراوحت وجيتك صاد
مـا حـبـيـت عـيـنـك بـالـصـدفـة ومـا لاقـيــتـك دون ميعاد
اتـلاقــيـنا صـبـاح الدنيا وشلتك منيه واتجنستك فى الميلاد
اتـحـسـسـتـك حـب بـالـفـطـره وعـشـتـك فكره وشلتك زاد
ومـن شـقـيـت طريـق اشواقنا ولامن جيت من عندك صاد
ويـوم مـا جيت من عنـدك راجع كلى مواجع ونوح وسهاد
اتــوكــيــتــك حــزن دامــس بـيــن خـلجـات الـقـلـب الراد
واتـلــفـــتـه عـشــان الـقــاك فـرحـة زول بـي زولـوا العاد
وانا ماشى مبارى دريب الرجعه محطه محطه لقـيته رماد
حـــــتــــــــة كــــنـــا وحــــــتــــــة كـــان الــشــــوق وقاد
الاطـفـــال احــســـاس الــوحـــده الآمــال مـنـشـــره سواد
لا لاقــيـــت اطـــفـال بــيــغـــنـوا لا اتـنيـن قاعدين يتمنوا
وادى الـخـيـــر مــرابــوا جـــراد يـا احـــلام الـقـلب الراد
واتـذكـرتـا انـا لـيـالى الهجعه وخيال الشوق مشدوده شداد
غـيـبــتـك كـان اسـبـاب وسـفـر الـطـيـف فى العـتمه جهاد
يـامـا مـشـيـت فـوق دربـك اسـعى طول الليل شقيتلى بلاد
كـم كـبـيـت فـوق دربـك دمـعـه واسـتـنـيــت طيفك ما عاد
واه يــا زول اهــديـتـو حـيـاه اهـديـتـو عـيون ومروه وزاد
اه يــــا زول اهــديـتـو بـيـوت اديـتـو خيـوط شعرى الوقاد
لـو فـــــاضـل فــــيــــــــــك مــن ريــــــــــــــــــــدى رماد
اطــرحـــلى وشــــيـك انــا دايــر اجـــيــك لـيـه بـابـك ساد
لـــيـه الأحــــزان لـــيـه الآهــــــات والـــدمـــعـــة حــصاد
اعـتـدتا الجراح
محمد النصري
اعـتــدتـا الـجـراح يـا غـالـيـه ما عاد البشوفوا جديد
ومـا بـشـعـر بـقـيـت بـالـطـعنه مهما كان مداها بعيد
واحـد عـنـدى كـان الامـى تـنـقـص ولا تـــانى تزيد
ولا اصـبـح مـلاقـي مــآسـى ولا يـطـل عـلـيـه العيد
مـاهـو غـريـب عـلـيـها اقدارى تقصد قلبي بالتحديد
ومـاهـو غـريـب عليـها الدنيا ابقي عدوها انا الوحيد
يـانى صريعها من شبيت فوق من مهد الطفولة وليد
لـمـا كـبـرتـا واتـرعـرعـتـا فى دنـيــا الغـرام والريد
مـن نـار الـعـذاب الـضـقـتـو لو ما كنتا زول صنديد
كان فى قبرى بدرى رقدتا فى جوف ود احدو شهيد
الإ هـواك مـالـيـنى عــزيــمـه اه يـــا بـلـبـلى الغريد
بـلـقـاك والـمـحـن حـبـكـانـى دايـمـاً لـى مــادى الليد
إلا الـلـيـل عـاد فـى الـغـربـة ينزف قلبى دم وصديد
والـمـوت قـبـل اجيك صدقنى ياهو مصير تانى اكيد
الـشـقـى فـيـهـا امـسى قرينى والقيد فى خطاى حديد
والـشـوق بـلـهـيـبـوا ونـاروا يلعب فى حشاى عربيد
فـى ركـن الـسـجـون اتباكى ارزح فى الظلام والقيد
وخــايـف فـيـهـا تـبـقـي اقدارى حاكمى عليّ بالتأبيد
لـو يـجـدي الـشـعـر ادمـنـتوا كم سطرتا فيهو قصيد
تــرجــمــتـا الـعـلـيّ اغــانى لـو قـول الـشـعـر بيفيد
يعنى خلا ص
محمدالنصري
يعنى خلا ص قررتى تسافرى تنزعى فرحك من جواى
آيـه قـولـيـلـى وراك فـاضـلـى لـما يغيب قمرى الضواى
يـاتـو طـريـق يـهديك الرجعه ويدى مسافة السكة خطاى
ويـاتـو دمـوع تـكفيـنى انوحك مهما يطول يا غاليه بكاى
بـحـر الـدنـيــا الـهـائـج فـيـهـو تـايـهى مراكبى بلا هداى
وانـتـا حـيـاتـك يـاهـا حـيـاتـى كـيـفـن اقـدر اعيشه براى
انـتى مـنـاهـل عـشـقـى الـصـافى لما تفيض تغمر دنياى
وانتى معانى العشق الزاهى وانت منامى وانتى صحاى
لـمـن تـرحـلـى يـا مـحـبـوبـه بـتمـشى جيوش الهم تالاى
تـهــزم صـبـري الداخرو عشانك دنيا فداها نزفت دماى
أيـوه بـريـدك مـن اعـمــاقـى انـتـى حـيــاتـى وكـل مناى
شـلـتـك فـى احـسـاسـى مـعـانى انـصـاغـت بلحـن غناى
عـشـتـك فـرحـة وروعه وبسمه وما خليتك لحظة وراى
وحـتى الـقـمـرى الأحـزنوا بعدك رددوا ليك مع القوقاى
رسـلـى طـيـفـك لـى يـواسـى لـمـا تـعـودى تـقـبـلى جاى
يـاهـو واحـاتـك لـمـا تـغـيـبي بيـبـقي انيسى ويبقى عذاى
بـلـغـى دارك عـنـى تـحـايـا قـدر الـشـوق الـبـاقـى معاى
كـم نــاديــت لـطـيــفــك يـرجـع إلا ارتـدا عـلـيّ صـداى
شـيـلـى هـواى فـى دربـك زادك يـلا اتـكلى على مولاى
الله يـسـهـل لـيـك طـريـقـك لـيـهـو إلـهـى رفـعــتــا يداى
والأشــواق الــدامــت بـيــنـا لـيـك مـرسـالـى مع الهبباى
ومـا بـنـسـاهـو الـحـسـن الـودر بـى طـلـت عينيك شقاى
كلم بنيات الجرف
محمد النصري
كـلــم بــنــيــــات الـجـــرف وكـل الـبـنـيات من طرف
تـتــــــــــــبـــــري مـــــــــــــــن بـــحــــــــــــــرا غدر
اتـغــاب مــا راع الـــولـــف صـــاد الاخــيــتــيـن بغدر
لـيــك حـق يـعافـيـك الحراز واليصطفيك طرفي وعشر
يـامـتــوك الـنـــاس الـعـــزاز نـــابــع قـلـيـبـك من حجر
ما بـتـنـفـع انـت بـلا الخريـف الصاقعي والريح والمطر
تـنـزف نـزيف ما يحوش قيف لا من يقولوا عليك خطر
ما ظـن نـخـيـلـك هـز فـوق سـيـرت عريس نازل البحر
ما طـالـة مـوجك ما بيضـوق لا يضوق الناس غير كدر
عـودنـلـــو قـشــكــن الـنـشــف يدغي ورويسات السعف
مـكـســور خويطره في قحف ترغي وتسف ملح الأسف
عـودنـلــو والـسـنـبــر بـرق جـنحـاتــو بــالأشواق سحر
قـاصـد جـريـف ود شيخ يخف لي مويته من دون البحر
والـلـيــلـة زي غـيـمـًا رعـف حين طال علي ريح السفر
يــــــا حـلـيــلـو زيــنــا مـا عــرف جـوز القمريتين طفر
يــــــا دنــــيــــــــــــا يــــــــانـــا ربــــات كتـــف يا دنيا
رغــم الــفــجــائع لا رجف لا قال عوارضي أبت تخف
فـي بـــالـــو كــــــــــــــــــــم تـــــــــــــاريــــــــخ سلف
لوكأن يشيل في الموت زرف دمعات أسى وحرقه أسف
آو بالـعـلي الـحـال يـعــتـرف كـان عـن رسول الله وقف
كـلــم بــنـــيـــات الــجـــرف وكل المكالـيــم مــن طرف
هــــي الــــــــدنـــــيـــــــــــا كـــلــــهــــا كــــــم حــرف
لــمــن يـطــول فـيــهــا الأسف هي الدنيا كلها كم حرف
لـــمــــــــــن يـطــــــــــــــــــــــــــول فــيــهـــا الأســف
الرسالة
محمد النصرى
خالد شقورى
وقـفـت بـعـد حـلـبـت لبينة الشاي تكورك يا الحسن
يـــا ام الــحــســــــــــــــن ويــــــنــــــــــــو الحسن
لـمــن صــفـــــــــــــت رغـــــــوة شـخـيـبـات اللبن
فـي حـلـتـــــــــا الـمـبـــــــــنـي مــن طـبـــق السكن
واقفي في حوش الــبــهــايم ولسع تكورك يا الحسن
جــاهـــا حــســا مــن بـعـيد مارق من القاطوع ورا
قـــال لـــيــهــا خــــيــــــــــــــــــــر يا الحاجي خير
قالتلو خير تعال لي جاي دايـــراك تعنون لي جواب
يــا الـــــراســي لـــــــــــــــــــــــــــي ولدي الخدير
لا تبقي زي شـافـع السريـر يقول لي زين آيمة زين
وزيـــــــــن تـــبـــــــــــــــــــــــــقـي بـعـــــد شهير
وان جــــــاني يـكـتــــــــــــــــــب فـــــــــــــد سطير
اقـولــو يـــا ســجــم السجـم انا زي قرايتك ما قريت
لكن عويناتي بيفرزن الوريقة البيضاء من لون القلم
بـعـد الـمـغـيـرب بي شـوي جاها الحسن تعبان يسير
دا العشى غنمـو من الدرب سرقت ندي وشو الهجير
سـوتـلـو شـايـا بـي لـبـن قـرض مـعاهو حرف فطير
قـالـتـلـو بـسـم الله قـول واكـتـب وصـيـتي انا للخدير
الـزمـن يـــا ولـــــــدي مـــاحـقــــــــــــــاهـو السنين
الـبـعـيــــــش فـي الــدنــيـــــــــــا مــا بعـيـش مرتين
الـعـمـيـــــــــــر فـاضـلـــــي بـــس مــنـــــــو اليقين
وانـت طـــول فـي الـبـنــــــادر يـــا الحبيـب لا متين
تـعــال اوريــك حــق ابــوك الجم حقيق حـاج اللمين
ان عـرفـتـــو بــلا عـمــــار يـقـولـو ولدا عندو طين
الــعـــــلاج لا تـنـــســــــــي رسـلــــــــــو لي دحين
الـعــــويـنـــــــات آجـــــــــــــــــنــــاي شوفن ضنين
ســــلامـــــــــنـــا لـــيــــــــك مطرز للبنيات والبنـين
ولــــو الارض يا ولــــــــــدي تـنـشــال في الايـديــن
انــــا كــــت بـــــرســـــلا لـيــكـا في لوري الـخـزين
ناقش الاحساس
عبدالله التاج
يــا نـــاقـــش الا حـــســـــاس عـــلـي وتــــــر الندم
هــيـــج ســوالـف الــذكـريــات كـبــت منابع الاه دم
يــاراســم الـحـزن الـدفـيـن فـي ظـل تـجـاعــيـد الالم
اخـفـيـت معالم البسمه وين اديت ملامح الصوره هم
الـصـادي مـن حـس الخـايل الجاي بي واقعو اصتدم
مـا بـيـنـي مـا بـيـنـك مــدار قـدر سـنـيــن ترحالو كم
لـو انـت موصـوف با لضــياء دافر ظلام ليلي الهجم
انـا ذاتـي مـعـروف بالشمـوخ احساسي يلصف بالقيم
لاك دار تـلـوج مـن كـبريـاك تديني راس خيط العشم
ولا لي جناح انا شان اجيك خلقـوني من حظي السجم
يـا وحـي الـهـامي وغـنـاي احـيــت رفـاتي مـن العدم
مـا بـيـن جـدار قـلـبـي الـجـريـح متوهـط اهداب الكيم
اعــزرني لـو صـعب الوصال اعرفـني محكوم بالقدم
كـيـفـن بـجـيـك وانـا فـي البـيـوت لقيانا متـروك للقسم
حسابي معاك داير اصفى
محمد سفله
لاحســابي معـــــــاك جد دايـر اصفي
وماني شمتان فيك لا قـــاصـد التشفي
ماني قاصـد حاجه غير دايرك تعرفي
ما بعود من تاني لو يبقي لهاك حرفي
ما بصدق قولك تاني اكان تحـــــــلفي
ولو هواك حيــــــاتي منها يدا طـرفي
ما مهـم ياغـــادره تخلــــفي ولا توفي
او تكوسي وصـالي ولا تصدي تجـفي
الزمان القــاسي شـال من جوا ضعـفي
وقسي قلبي عليك خلا يقيف في صفي
في الصحاري وراك كت ياغادره منفي
لما قرب بالعــــذاب تحـــــــلوبي تكـفي
الوداع شان انتي صنفك ماهو صنــفي
وماني عشمان تاني بحرك يذقي جرفي
لا تهبي رمـــادو وجمـــرك جوا مطفي
وتاني مروادك حرام فوقي اب تخــلفي
في الصحاري كت وراك ياغادره منفي
السحـــاب للفــــرحه ســـــاند فوقا كتفي
عنــدي هسه السمحه توزن زيـــك الفي
ولو وهبــــتلا روحي شايفـــا ما بتكـفي
حذار من تجيب اعذار
محمد سفله
حـــذارك مـن تـجـــيبلي اعـــــــــــزار حـــــــذاراك
قـلـيـبـــــــــــــــــــــــك مـا بــــــــــــــــــــــراه اختار
بـس بتـاسـف علي الايام وماضي العشــــره ياغــدار
مـنـو الـصـدق غـرامـنـا اتـلاشي قـبـال يشـوفـلو نهار
مـنـو الـصـدق قـصور امالنا تصبح في الحقيقه دمـار
تـصـدقي لـسـه مـا صدقــــــتا تايه والقـــــليب محـتار
لانـي مـعـاك قـايل نفســــي في ما مـــن من الاقـــدار
لانـك يـا حقـيـقــــتي المره كنتـــي حجــاي مع السمار
لانـك في غــنــاي مقطــــوعه خالده تـــرددا الاوتـــار
لانـي انـا ان بـقـيـت في الجني غيرك ما بدورلي ثمار
لانـي انـا مـن عــرفــــتك تبـــتا يشهــد كاتـب الاوزار
قـبـل مـا اعــــرف الـمـقســوم فرشتلك الطريق ازهار
رسـمـتـك بي مـداد احـاسي لـوحه جمـيلـه في الاشعار
امـن بـغـرامـك وحـــــدي حـاســـب نفـسي في الابرار
وتـب لاخـنـــتـا لا ارتـديــــتـا كيف يصبح جزاي النار
انا الـمـا بـيـني بـيـن الدنيـــا من ما قمـــتا مكتــوب تار
مـتـعـود تـقـيـلتي اشـــيلا قبلك كم عصـــفني عصــــار
قـلـبي الكـان زمـان موهوم وضايع بين سجون واسوار
خلاص حلحل قيودو معاك وحضر تابين غرامو وطار
الاهــواك مهما يبقـــــي تاني انا ما بكون لي مـــــــدار
قادر احـــــيا راهــب ريده امســت في الخــيال تزكــار
والا بقـــولك يا مغــــرور وراك عجـــل الزمـــن دوار
عزة نفسي
محمد سفلى
لو خايفالي من آهاتي وأحزاني البعيشها وراكي
أعرفي إنو عزة نفسي أكبر من مدار إدراكي
وتاني لا بتهزني ريده ولابرجع بجيك متشاكي
قادر حتي افارق ضلي بس رمشي أنا ما يدمع باكي
من جور الظروف إعتدت في كل خطوة اشوفو هلاكي
أيه يعني إن قسيتي وجرتي وإتنكرتي ليهو هواكي
لا الدنيا بتقيف كان فتي لا روحي بتفوت بي وراكي
لا قلبي العليه إن دهدهتي قادر لحظة يستناكي
الدنيا العبوس بي خيرا إياك من تظني إياكٍِ
ياك قمر الزمان في سمانا يالسمحة إتخلقتي براكي
عذرا لو عليك قسيت أو مات في دواخلي غناكي
عفواً ما بقت تسكرني النسمة اليجيبا شذاكي
وشكرا منك إتعلمت أرفع راسي فوق لسماكي
وأهلا بالضياع والوحدة لو رفقت خطاي خطاكي
وما ندمان علي ما ضينا وايامنا اللي راحو فداكي
وما عشمان اعود من تاني وارجع من جديد القاكي
ولو قايلة بتزلني ريده واتحمل غصب يا ملاكي
خاب ظنك وحاة البينا هاكي قليبي واتحداكي
تاني ما تسأل علي
ثنائي النيل
تــانـي مـا تـســـال عـلـي وما بجيك
كـنـت شـايـلـك فـي عـيني ومشتهيك
الا انـت غـــدرتـــا بـي وحـبــي ليك
وكـنــت فـي قلبي البريدك ليك مكانه
كنتي كلمات في غناي دا كان زمان
وكنتي احلامي ومنـاي دا كان زمان
الا هـــســــــــــــــــــع ويــــن مكانك
وريــدنـا يـالـقـلـبـك تـبـدل وليـا خان
يـا الـسـمـعـتا كلام عزولك ليه تخون
وبعتا بي كلاماتـو زولك وكان حنون
يـالـمـلـكـت قـلـيـبـو هــولـك والعيون
ويــن تــــانـي تـلـقـي المحنه والحنان
لـيـك بـتـمــــني الـســعــاده وما ببوح
بـعـذابـي الـبــــاقـي عـــاده والجروح
انــت فـي وداعـة الله تهني وفي امان
كنــت كلمات في غناي دا كان زمان
كـنــت احـلامي ومناي دا كان زمان
الا هــســـــــــــع ويـــــــــــــن مكانك
وريـــدنـا يـا الـقـلـبـك تبـدل وليـا خان
في سرع يا نسايم اشواقي ودي لي السلام مطبوق
لي اهلنا وجميع حبانا في الحلة التحت والفوق
ديل اهلي الحنان يا نسمة اهديهم سلامي وشوق
طول داير اشوفن مرة الا قديمي ما مطلوق
هبي علي الشمال تلقيهو المال فوق جريدو يتوق
يتراقص مع نغمات قماريهو التسوي القوق
بي طيبة الحنان يلقاك يهش ليكي ويطول لي فوق
باري جديولة اطلعي فوق شوفي دحين شنو المسيوق
وبعدين بي بشيشك لفي قدامك شتيل مكروق
داك بدر يحش في قشو عجلان باقي شايل السوق
وداك مالي الرحل مندلي شايل للخدار ماروق
داك قراع مقرن مويتو فتران دار شوي يروق
عشان يفتل حبيل يربطبو قادوسا نعس مطلوق
ان سالوك عن احوالي البي مايصيد مخلوق
تاهت بي مراكب الغربة لا ريس ولا واسوق
انسلب اللحم من جسمي اصبح تب عضام وعروق
اما قليبي لو شفتيهو بي سيف الغرام مشقوق
لا لاقي البحن في حالي لا زولا علي شفوق
الدرب المسافر بيهو من طولو بتهابو النوق
خمسة سنين قعد في ظلامو ما بان لي صباح وشروق
اساهر الليل مع الباكنو ينجاري الدمع سبلوق
ابكي علي الزمان الفات ما ظن البفوت ملحوق
انبقي عاد دة حالي البي ما اظن للسعادة اضوق
سامحني واصفح يا حبيب
سامحني واصفح يا الحبيب ساقوني منك بالغصب
ندمان ليه سبتك براك أتباكى في نص الدرب
سامحني واصفح يا حبيب ***
طمني حالك انت كيف والبي يهون مهم يكون صعب
أنا اصلي زول أحساسو مات من بدري معتاد الضرب
كم مره شانك يا مناي من حنضل الألم شرب
من خشمي تتقاطر دماي لو ينطق اسمك بالكذب
سامحني واصفح يا حبيب***
نفوني من نص الديار يوم عرفوا أنى ليك بحب
لكني كل ما زال بعادي لقيتو شخصك لي قرب
سجنوني بين أربع حيط زربوني من جهتك زرب
لكني شايفاك كل يوم هل طيف خيالك يحتجب
سامحني واصفح يا حبيب ***
صالوني باليد ولسان وما في شيتاً ما سلب
غير حبك ألماقدرو يوم يصلوه ما اصلوا ساكن القلب
اغرب شي أنى بي وراك بنزل وانهان وانضرب
لكني في لحظت ألقاك بنساه زي الكان لعب
سامحني واصفح يا حبيب ***
وريتن أنو لي حبيب لو خنته بشعر بالذنب
ساقيني راويني المحبة ومن حنانه كمان شرب
يا اخويا زي ريدك لي وليدك برضي للمريود بحب
والله لو حاس بي العلي ما بترض بيتي أنا يتخرب
سامحني واصف يا حبيب ***
زي ما بتدور ليه السمح لي برضوا خير الدنيا حب
لكني القى الدايره وين من ناس معين خيرن نضب
دون شوره زي بياع الملح باعوني في السوق بالجلب
وما راعو لامي الدوام تتبكاه شاني وتتحجب
سامحني واصفح يا حبيب ***
باريت لي زول بالجته بس بارنك الروح والقلب
أنا قلبي لو فارق ضراك ما اظنو من بعدك كسب
متحمله الآلام براي شايله الهموم ما بتحسب
ما لقيت زول حس العلي شاركني همي معاي تعب
سامحني واصفح يا حبيب ***
عرفت صح ألم الضرب ما بحسه زول غير الضرب
الغر به كيف وعذابه ما بيتره ألا المغترب
فوت لله الأمر وكتين من االتحنيس غلب
مظلوما والمظلوم دعوته من الله ما تحتجب
سامحني واصفح يا حبيب ***
بكتبلك هسة يا الحبيب مصبره وماسكه القلم
بكتبلك هسه والقليب مجروح يعاني من الالم
مكتوبي من شهر العسل شهر المرض شهر السجم
ملفوفة بي كفن الزفاف والحنة في أيديه دم
سامحني واصفح يا حبيب ***
مرقت من سجن الطغاه وقعت في الزل والوهم
وقبلت بي الواقع المرير وآمنت بي الله القسم
وقبلت بي الدايرنو لي كم قبلي مظلوم انظلم
ويئست من عيشة عذاب رامني في زول ما رحم
سامحني واصفح يا حبيب ***
انسانه صرت بلا طموح بلا مبادئ بلا قيم
وقنعت من الرحمة تب بس فيك ما انقطع العشم
ما زلت ياك مالك القليب رغم انو أمري أتحسم
وما زلت بفخر بيك واقول انت الحبيب في كل ملم
وبقوله قدام إي زول ما خايفه اصلوا الموت هو كم
أخر رسالتي بطمنك أرجوك ما تشيل لي هم
خليك في عهدك معاي الباقي ما يضوق ليه هم
سامحني واصفح يا حبيب ***
احفظني في جواك فرح بلسم تداويهو ألالم
زي حفظي لك بين الضلوع انت وقلبي نجم نجم
واخواني سيبن يفرحو أنا جرحي لسه ما التأم
يمكن ضميرهم يوم يحس ويعرف أنى أنا أتظلم
ويعود عشان يبنوا الوقع كيفن بي بنو الانهدم
ديل ناس هوايتم الظلم ديل خلوا عيشتي بلا طعم
ما سوه بي حكم العقل ما بيندم الليه احتكم
الناس بتتقاس بي العقول ما بي الجلابيب والعمم
وأنا ماسكه في حبل الصبر في الله أملى ما انعدم
شوفي الزمن يا يمه ساقني بعيد خلاص
جرعني كاس
در درني واتغربت وتعذبته يايمه وريني الخلاص
يا يمه يا نور الصباح وكتين يطل
يا يمه يا بدري البشع دايماً يهل
يا يمه يا فيض الحنان الما كمل
وآشري يا زينوبة ولدك في بحور الشوق كتل
محروم من الحب والمحنة وراك همل
يا يمه يا نغماً حنين بالشوق يرن
وأفكاري فيهو بيرتعن … دمعاتي شانو بينزلن
واتذكر يا يمه في الدغش النسايمو يهبهبن
قايمي الصباح متكفلتي شايلي الحليلي علي المراح
جبتي اللبن بي انشراح
والساعة ديك يا دوب ديكنا بدأ الصياح
والطير صغاروا يغردن
واتذكر يا يمه في وساعة الهجير
صالياك نار الدوكي عستيلنا الفطير
رشيتي قلتي أكلوهو خير
واتذكر يا بسمة الطفل الغرير
وكت الخلوق ترقد تنوم وأسهر براي
أرعي النجوم
والشوق يرف جنحيهو بي فوق لي يحوم
وأهتف باسمك في الخيال
طيفك كمان بي فوقي جال
وأتمني لو لحظات يدوم لكني فجأة ألقاهو زال
يا يمة يا بحر المودة وكتين يفيض
يا يمة يا شعلة أمل زادت وميض
يا يمة يا عنقود كلام منظوم قصيد
واتذكر يا يمه ساعة الناس يجونا من البلد
ناعم ترابه علي جسيماتن رقد
ريحة التمر فوق الهدوم
ولون الخضار خانس لبد
والشوق أوارو بيشتعل
كان ظني فيهو يكون خمد
واتذكر يا يمة والناس قالوا قايمين البلد
رصوا الهديمات عدلوا ركبوا اللواري وقبلوا
خلونى وحيدى بلا انيس
كيف إنفرادى إتحملوا
شالوا السلام انا مني ليك
يايمه ساعت يوصلوا ويقولو ليك
شفناه فى بلد الأمان
يايمه رسلى لى عفوك
ينجينى من جور الزمان
يايمه رسلى لى عفوك
ينجينى من جور الزمان
نكتب يا خلا ماضي الزكري
لارتاح في الغرام ملهوف
ماعارفين حبـــال الزكـــــري
تنجـــــــر فـوق قليبي سيوف
نرسمو خلا ما ضي الزكـري
غدار في الغرام معــــــروف
ياخــــــــــــــلا تعرفــو البيـا
البي ما بتطـلو حـــــــــروف
ما لســــــه وتـــــــراي للــي
في سجـــــــن الغرام مكتوف
الحـــــــــال التوصفــــو فيـه
ظاهـر وللعيون مكشــــــــوف
والله العظــــــــــــيم كان تبكو
لو شفتــــو الدفين في الجوف
داجـــــــــــــــي علي ياخلايا
اهيم البال علي مغــــــــروف
مـــــــــــــا جايب خبير للدنيا
زي فاقد السمـــــــع والشوف
ناحل جسمــــــي شاحب لوني
زي زهرا ضبل ملفـــــــــوف
لكن الهمـــــــــــــوم والحسره
زي الضاربي فوقــــــي دفوف
ياخلا البريـــــــــــــــــده قليبي
يوم لقياها ما معـــــــــــــروف
املتا وكتيــــــــــــــــر راجيها
خاب ظني ورجع مكســــــوف
ماقادر اقـــول خلــــــــــــــتني
او جارت عليـــــــــها ظــروف
ولا قــــــــــــادر اطمن نفســـي
من فارق الظنــــــــون والخوف
بقيــــــــــــــت اشـــــــتاق وحن لليل
اقول يمــــــــــكن خيالا يطوف
يرجع لي صوابــــي افيــــــــق
يعـــــــــود قلبي القبيل مختوف
تمر ســــــــــالت دقيش نسمات
عبير طيـــــــــبا يفوح مسروف
يرد روحي و يبل شـــــــــــوقي
ويصيب جـــرح الاسي المالوف
يعود الليـــــــــل واعــــود لبكايا
في ليلا طــــويل مــــــــــردوف
منداري من الجحــــــــــــيم ياخلا
من فوج بالهموم مزفــــــــــوف
اتوه بين الدمــــــــوع والحسره
داير لصباحــــــــــــــــــي اشوف
حليل شمسا تعيدو صبـــــــــــاحي
في دنيايا طــــــــــــــــاغي كسوف
قط ما كان غريب ياخـــــــــــــــلا
الحب لمصـــــــــــــــــايبو اشوف
من شدة هــــــــــــــواي في دربو
صار عندي العــــــــــذاب مالوف
يسعــــــــــــدني اني صنتو هواها
بادلتا العــــــــــــــــــذاب معروف
زي ما صان قليـــــــــــــبي هواها
طوع في غناها حــــــــــ ــــــروف
عبد القيوم الشريف ( عشانك في يوم زفافك )
عــشـــانـك وفـى يــوم زفـافــك تكب الغيمه وتدفق
تـهـب مـن قــبــلى النسـيـمـه وترف شمعتنا وتبقبق
تـشـيـلـنى انـا طير واجيكم احوم فوق دارك واحلق
خـسـارتـي انـا لا فى يمينك ولاني القاعده واجرتق
ولانـى الــفـرحانـه وارقـص تـغـنـي وراى وتصفق
انــا الـهــدتــنـي الـلـيــالى مــلانـي عـيـني وترقرق
حـبــك نــار فـى عـــذابـك يـقـلــب فــيـنـي ويحرق
غـريـبـة الـدنـيـا الـتـحـارب قـلـوب بـالإلـفـة وتفرق
تـمـد بـحـر الـشـوق قـصـادنـا وتـغـشـنا لامن تغرق
حـزنى انـا بـس مـو عليك على عمرى وعلى شبابو
وعلى قلبي المن صغيري وعليك بالشوق قافلى بابو
أبـوي يـوم مـات مـا بـكـيـتو عشان خلاك فى عقابو
حــرام زمـنـى الـضـاع اسـى عـمـرنـا واعـدد ترابو
خـريـفـك فـى وادى تـاني يـفوت يمشي يكب سحابو
لـعـلـك بــس مـا نــســيــتا سـلامى الـحـار واشتياقى
صـبـاح الـعـيـد كـان طـريـتـا سديري حديد وعراقي
يـبـقـي الشـوق مـن عـيونك تحوم الناس ساقى ساقي
صـحـيــح الـدنــيــا فــراقــه مـصـيـر الـحـى التلاقي
قـلـوب مـلـيـانـه بـأشـواقـه يـمـوت شـوقه وما تلاقي
صـحـيـح ما قصرتا فينا وكمان بيك انا ساتري حالي
صـحـيـح من طين يا حبيبى تـزيد روعه وتبقى عالي
صـحـيـح انـا مـن ضلـيـع اعـوج يكنكش طول الليالي
عـزلـتـك كـان عمرى روح قـديري ولادوا فى العالي
كـتـب لـى الله ابـكـيـك عـايش نصيح لا لـى لا حلالي
خـلاص مـا دام انـتـى مـاشـي فـراق ام شـير للتخايي
عـنـاق قـمـريـة تـبـــاكى وبـنــات ركتـا فوق حصايي
سـنـيـن ضـاعـت مـنى جـنـبـك زمان الـريـد والقرايي
جـبـيـنـة الـضـحـى فـى بيوتـنا الحـكايي تجر الحكايي
يـسـوقـنـا الشوق لى جروفنا ونـزور اطلال الصرايي
سـمـاحـة الـمـرقـه العصاري وتـدفر الباب انتى جايي
ورود الـبـيـر الـمغـارب صفيحـة المويي على الوقايي
تــواريــخ انــا قــاعــد احبـك زرعتك فيي تمرايي
ســيـول الـبـلـد الـكـبـيــر تـســــاب النيل والدميرى
تــلات حـكـومـات احـبـك عـلـيـك ربـك مــا كفايي
اخــيــراً فـيــض الامـــاني يــدفــــق مـنـى التحايي
منـو القـدري قاعد يحـبـك منو العاشقك موت لدايي
ســلام قـبـل الـطـوف يـفــوت بـحـار الـدنـيـا لـوايا
اخـــاف بــاكـــر لا اشــوفـــك ولا الــقــاك جــوايا
تــمـوت زهـرة حـبـي لـيـك عشان ما بتلقى السقايه
ودعـتـك لله ســيــدك عـفــيـتـلـك غــلـــــبـي وشقايا
مـصـيــر الاحــزان تـعـــدي واماني انا مانى نسايا
المن الله واصل
كلمات الأستاذ: إبراهيم ابنعوف
أبـكـى إنـتـى وأنــا اللإتبـكـى الـمـن الله واصـــل
إيه فى إيدنـا غيـر مـا نبكـى نحكـى البينـا حاصـل
تعذبـنـى وتهـيَّـج نـــارى قـولــة مـــاك مـواصــل
إنتى ما عارفة السبـب مـن أهلـك .. الباقيـن عـوازل
كاسو فراقنـا وبـس دايرنـى أحيـا غريـب وهامـل
وأنـا أرحـم لـىْ فـراق الدنيـا مـن عينيهـو سـاهـل
أريتن عرفو روحى بلاكـى روضـاً زهـرو زابـل
مــن تلـقـاك تـفـرهـد تـانــى زى الـصـابـا وابـــل
تلاقـى الفـرحـة فــى عينيـكـى لـلأشـواق تـغـازل
فـوق جـدول أمـل يتجـارى يـروى الريـد مشـاتـل
تـسـألـى بالبسـيـمـة التـايـهـا كــيــف بالله عــامــل
أخاف حزنك وأخبى البى معاكى أضحك وأجامل
عمـرى العشتـو كلـو وراكـى بـى أحزانـو حافـل
لـكـن الصـبـر يــا روحـــى كـــل الفـيـهـا زايـــل
زى مـا إنتـى تسألـى عنِّـى عـنِّـك بـرضـو سـائـل
وصورتك عايشة فى وجدانـى طالـع وبيهـا نـازل
ألقـاك فـى الصبَّـاح وإشراقـو فــى نـغـم البـلابـل
فـى كلـمـات كتبتـهـا ليـكـى تــب مــا قــالا قـايـل
لو بقدر أسيبك وأمشـى مـا أصبـح جسمـى ناحـل
ولا بـاريـتَّ درب الـريــد ودرب الـريــدة قـاتــل
ولا شقَّـتْ مراكـب آمالـى بقيـدا أنـا لـسـة واحــل
ولا أمسيـتَّ أنـادى دموعـى والليـل نجمـو راحـل
هـم دايريـن يفـرقـو قليـبـى شـافـو عليـكـى مـايـل
منـو الفيهـم يفـرق النسـمـة مــن زهــر الخمـايـل
مهـمـا أشـقـى أضــوق الـمُـرَّة ولـلأهـوال أقـابـل
أبداً يا كتـاب حبـى المقـدس عنـدى مابيقراكـا جاهـل
شاكوش
مادام هى ما راعت شعورك ولا ضميرا هى استحى
أنساها والبكا مابيفيد قشقش دموعك وأمسحا
كلمنى شن وداك قبيل تظهر مشاعرك تفضحا
خليت حى السوق رياض يانعة وزهورا مفتحة
طولت إيدك لى قطوف زهرة وغميسة مسارحا
زى ما هى عاشقة الإغتراب برضو أنت عاشق ملمحا
ما كنت يا مظلوم دوام دايماً تشكرا تمدحا
وما ترضى لو كان بالغلط بى كلمة انسان يجرحا
ما كت فوق كل البنات تسرد محاسنا تشرحا
كانت عواطف إنسان ضعيف ساكت جناحى مجنحا
انشاء الله منها تتعظ تكون عظات تتوشحا
كانت حساباتك غلط فى القسمة والضرب اتمحا
اتأنى فى جبر الكسور براحة أجمعا وأطرحا
وآخر شى كان تعلرف براك حتى الغرام بقى مصلحة
بت حوة يا مظلوم بقت بالمال عقولا ملقحة
يا ريت قلوبنا الناس بعد ما تحب تخش المشرحة
يبدو المكامن فى القلوب كيف الشرايين تنضحا
يتراجع الأخدو اللسان صح والله زى ضل الضحى
مغرورة ما دارت سكون بلدن شقاوة ودردحة
لا تمشى تنزل بى تحت لا حتى أرضك تنقحا
لا بوغة لا موية شراب لا واطة ماها مصلحة
لا شلت للمحرات فطور لا شتلة ماها مصفحة
كانت قبيل طمعانة فيك فارسن جيوبو متمسحة
دايراكا يوم جيت للعرس نار الله فى الناس تقدحا
الشيلة بالشنط الكبار مقفولة راقدة مبطحة
فى الحلى والناس دار تشوف راجين متين تجى تفتحا
وكان بالا فى شهر العسل طول الزمن ما يبرحا
ترحل معاك لى بيت كبير موكيت وحيطو مسلحة
عربيتك الملك الحلال ..جلد النمر والملفحة
بوتوجاز مولع وديب فريزر وأب رموت والمروحة
تسرق مناها قبل يتم وكل المشاعر تضبحا
ويا جعفر الحياه مدرسة ودايما مقررا فى الصحى
ممكن نعينك فى الدروس لو إنت غلبك تشرحا
وأعرف بأنو أول درس الزول بياكل المقدحا
ساقية نواحى
يا جاية من بعد السنين هدت حصون الأمنيات
أنا قلبى بالشوق الحزين لاعرفتو حى لا عارفو مات
ورينى كيفن أرتجيك وأنا عمرى فات فيهو الفوات
يكفينى أقفلوا باب هواك وأبكيك وأغنيك ذكريات
جايانى بعد الليل دخل وانا كنت راجيك الصباح
وكتين لقاك كان الأمل وأشواقى أقوى من الرياح
جيتينى يا نجمى الأفل والدنيا تتشايح جراح
في سكة عاقلها لو غفل تدميهو بي صابى الرماح
و أنا أقبلك من غير زعل طبع المحبين السماح
لكن معاك فطن الوحل حنمشى كيف ونهارنا راح
جيتينى بعد الليل دخل وأنا كنت راجيك الصباح
وكتين لقاك الأمل وأشواقى اقوى من الرياح
ما بين عواطفى وشوقى ليك خايف متاهات الجنون
لو عقلى أختارك رفيقة بينزف القلب الحنون
لو قلبى أختارك حبيبة توهدب العقل الظنون
جهجهتى عمرى سنين معاك محتار وراك أنا كيف أكون ...؟؟
جيتينى بعد الليل وأنا كنت راجيك الصباح
وكتين لقاك كان الأمل وأشواقى أقوى من الرياح
وصحبت مواسم الدنيا صيف والصيف رزازو رهاب.. رهاب
وماخدرت واحة امل لو ما هطل فوقها السحاب
ساقية نواحى ولا بتقيف يسقن دموعى انا في اليباب
لا كنو لو بتق عشم يببتق الصبا والشباب
جيتينى بعد الليل دخل وانا كنت الصــــــــباح
وكتين لقاك كان الأمل وأشواقى من الرياح
يا ساكنة ما بين الضلوع في قلبى جوه سواد عينى
دنا قلبى ملكك من زمان كلما تجرحى نبضو حــــى
ما أنت اقرب ليهو منى
وانت اقرب منو لى ..!!
ما طال مسكنك الفؤاد انا ليه أوريك العلى
جيتينى بعد الليل دخل وانا كنت راجيك الصباح
وكتين لقاك كان الأمل وأشواقى أقوى من الرياح
برجع خلاص
برجع خلاص من سكتك قنعان ومتألم براى
برجع خلاص من سكتك
اكشح رمادها مع الرياح واحة أمانينا وهواى
يؤسفنى ....!!!
يؤسفنى أقولك ذكرتك تفتح جراحاتى وبكاى
ومحل مشيت نار الظنون موقودة قدامى وراى ...
مرافئ اللهفه
الشاعر خالد على عبد الرحيم
ميرغني النجار
لو كان عِرِف .....
فرح القمارى وكِت تبشّر
بى وصولك من غياب
ما كان تفوتنا بعد وِلِف ...
ولو كان قريتا عيون مشاعرى
مــــــــــــــــــــع الإياب
ما كان دميعاتك تجِـف
قدرى اليسوقنى على هواك
وقدرك تطوِّل فى السفر
وقدر القصائد تحتويك
وشوق المحطات ما فتر
مجبور رصيف الذكرى يتهجاك من قلبى ويشِـف
عودنى أنساك فى الغياب
واستوعبك زمن الحضور
واتعوّد الفرح السراب
لمّن عَلَــىْ طيفك يجور
وعوِّدنى تنساك الحروف وأوعدنى فى الروح ما تلِــف
كيف أشرحك ؟؟؟
وانت البتزرع فى مساديرى الغرام
وكيف أطرحـك ...
فكره وتسافر بين وداعك والسلام
أحلام تبِل ريقى النِشِــــــــــف
أنا مارسمتك غيمه فى اخر الفصول
شــــــان انتظــــــــــــــــــر
وارجاك ممدّد فى خلايا الذات سهول
مشــــــتوله بـــــــــــــر
شِـــن باقى من عمرى المشبّع بالفراق ياريت عِــــــرف
أرجع عليك البينّا فى الزمن القريب
واعرف مرافى اللهفه و الدرب البجيب
قبّال جفون افراحى ما تعرف تـــــــرِف
وانا بنتظر جية النسيمات
اليزيدا الليل وضوح
والقمــره تظهر فوق جدار الموج
تشابى عليك تلــــــــــــــــوح
والنيل يجيب صوتك مسربل فى المدى
ويفرد شراع خبرك يــــــــــــــزِف
بالفرحه ما أقدر أشيلك فى العيون
وباللهفه يسرقنى الصبر
ويهديك لى كل اللحون
وتبراك غناوى الشوق تحِــــــــــف
افترقنا
أذكريني يا حياتي كل ما عز المنام
وأرحميني وأعذريني كيفما كان الملام
يا ربيعاً ضاع مني
في متاهات التمني
لم تمت ذكراك عني
لا ولا مات الهيام
***
في زمانٍ من شبابي
خلف هاتيك الروابي
إلتقينا يا صحابي
عندما شاء الغرام
***
إلتقينا غير قصدِ
وارتشفنا كأس شهدِ
وافترقنا دون وعدِ
مثلما يمضي الغمام
***
يا عيوناً كل وقتِ
في شكاةٍ غير صوتِ
حينما تحكي بصمتِ
لا يضاهيها الكلام
***
ذكرياتٌ لست أدري
إفتراءٌ لا لعمري
ومضةٌ كالشهب تسري
ثم يطويها الظلام
***
يا إلهي أنت ربي
هكذا قد كان حبي
لحظةٌ يا ويل قلبي
بعدها طال الخصام
كـــــــــــــنيـــــــــــــن
محمد احمد الحبيب
حبوبة يا مرت العدل .... حاشاكي ما لمتك انا
أنا جايي بي سراً قديم .... دافننو في بجبوج هنا
هاكي الجواب أقريهو بي تاريخ متين
شوفيني عديت كم زمن .... حايم أفتش في كنين
كل البنات الكانو في حلة سعد
لاقني راجعات العصير .... جابن جريد ما عندو حد
جارات مسابقات العجاج .... خايفات من الهوا والرعد
لكن كنين ما شفتها .... لا يبقى راحت للأبد
والحق كنين لا ريشة بتشيلا الهبوب
لا شالا سحار ود حمد
أنا متهم ناساً كُبار .... وبالذات كمان شيخ البلد
أنا متهم كل المشايخ من طرف
ضايف على ورق اتهاماتي العُمد
أنا ضد تقاليداً بقت .... في جيدنا حبلاً من مسد
وكل الظروف الفرتقت عش حبنا
هجرت أمانينا الزمان لامِن عليها الطين بنا
يا صمد ساقتنا ما لاقيت كنين
ارأف على حالتنا ما بيناتنا طين
همك مع طلب التمر وأنا في كنين
ظنيتا في درس العصر .... باريت دريب المدرسة
صاقر ولاد جابر براي .... لامن علي الليل مسا
درَّجت ماشي على البيوت .... أكلت فؤادي الوسوسا
سويتا قيرا مع البطان .... غنينا ود الزمزمي
يا شيخ عليك الله تجي .... يا زول تعال بي عندنا
إن درت بقسم لك عشاي .... وإن درت نضبح عنزنا
حسابنا كورك يا ولاد .... ما تمشوا سيبوا الشيطنة
قلنالو مبروك يا فلان .... ضابح أماني مع الخروف
جبنا الأباريق من نهار .... غسَّلنا إيدين الضيوف
قال ليَّ إنت ولد منو .... يا إبني لوحك في شنو ؟؟
جاوبتو والإبريق فضى .... أنا شافع الزمن المضى
أنا ضد تقاليداً عجاف .... رهنت حياة الناس هنا
حمَّر لي بي عيناً لهب .... طنطنت ما عارف خطاي
لزاني قالي قليل أدب .... ترتع وقعت على قفاي
وأديتوا في المليان شعر .... كلماتي فوقوا مدرنة
صيَّحت بي آخر حنين .... يا شافعة إنتي مشيتي وين
شالك حمار النوم متين .... أنا في رجاك كمين سنة
فتشت بعد في الودع ....كايس وجيهك ما اتلقى
طوطحت معلاق الفكر .... في خاطري صورة معلقة
قدام عيوني اندلدلت .... تشبه حبال المشتقة
خلتني عايش في شرود .... دايماً محدق في الفنا
مرحاتنا من زمن المحد.... ما شفت فوقن قينقرد
طولنا راجين الرهد .... يا قوزنا ليه بحرك شرد
رقدت مراكب في اليباس .... قلَّعت خايد باللباس
عيشك على مر الزمن مرمول ضنا
زارعِك أماني على الجروف .... نامت بامنيتي الظروف
من حجوة جمَّعت الحروف .... عديتا طلعت بالألوف
دونت إسمك بالعريض .... فاطني أم حجل يا بتنا
هبت نسايم الليل تسر .... دبت على ذكراك دبيب
مريت بي قبل العصر .... والقمرا مالت للمغيب
سامع بنات يتحدثن .... بارن خطايا يوسوسن
يومِن علي ويضحكن .... حصنت نفسي وفتهن
عصرن علي يتكلمن .... رديت عليهن طنطنا
رغم الفراق البينا طال .... صورة عيونك في الخيال
أرفع على دارك خطاي .... القاها غاصت في الرمال
عايش تحت إيدك سنين .... مطرق سنط شوقك مَتين
ضارب على مزمار حزين .... يوماتي متواتيك غنا
يا قمرة ارمي السنسني .... واجم علي زمناً دني
شوفيلي كيف أحوالا كيف .... قوليلا بالشوق منحني
عاينيلا لا غاية الليدين .... حاداني ولا محننا
قطَّع عصب صبري الحنين .... يا دنيا سعد الغابة وين
شلتيهو فد زول ما بكا .... محت المشاغل ذكرتوا
نبشت قوافي تربتو .... مدفونة وين يا سرتو
لو ما في زولاً في عقابك .... يا سعد ابكيك أنا
ابكيك بكايا علي شليل .... يوم شالوا تمساح الهموم
عاكف علي ليلاً طويل .... من طولوا ساهر بي النجوم
متمني ارجع زي قبيل .... طفلاً على الأحضان ينوم
يا دنيا سُب فوقك عديل .... ما طال خير ما بيدوم
أصحاب يمينك في اليسار .... واصحابك يسارك ميمنة
حبوبة كتري من حجاي .... حجيني زين لا تنعسي
شايل أحاجيك في غناي .... شيت الصُغُر ما بيتنسي
يا ريت كنين كانت معاي .... كانت تقولك ونسي
دايماً محلق في سماي .... تشكيل قواما الهندسي
راسم على ألواح شقاي لوحات جميلة ملونة
زي زيني قومي على عشاك .... أكليهو يلاكي المديح
الليلي عند الحاج فلان .... من بدري نبَّاهُن يصيح
باكر يسير الحاج فجُر .... أدمع على الخدين تسيل
يمشوبوا خلوة ود بدر .... يرتاح هناك يبدأ الرحيل
والليلي جيتك يا بلد .... لا خلوة فيك لا ميضنة
عارش بنا الأحلام ورود .... شربك جبابيدي العِرق
كسَّر سنانيري الصدأ .... والناس إمورا مقددا
وأنا زول عيونو مسهدا .... يا كاينا من يوم ما بدأ
طوالي ماشي بلا هدى .... ويتمنى يوم لقياك منى
ست الحروف الخمسه
الحبيب
يا صفق النبت لي شيخ يصين التربة
بالليل والنهار وابل سماك ما غبا
***
بروق الساري لما تسيل تحاكي فؤادي أنا الخفاق
رعود الساري لما تكر تحاكي صداكي في الأعماق
مياه الساري لما تسيل تحاكي دموعي إلا دموعي مابتنطاق
أنا الجاكي وأنا الشاكي وأنا الباكي وأنا المشتاق
***
أنا الشايلك شموع وأخفيكي لو ريح السمايم هبا
أنا الزارعك ورد وأسقيك دموع لو كان مطر ما صبا
***
أنا المستني شوفتك عملت المستحيل ومحال
أنا الرسلت اشعاري بعد صفيتا بالغربال
أنا الجنيت وأنا الغنيت كلام لا قالوا لابيتقال
وكتير فكرت واتحيرت في قصة شقاي الطال
***
يا صفق النبت لي شيخ حريص طوالي
بالليل والنهار وابل سماك متوالي
***
حكايتي معاك عميقة عميقة واصلة القاع
قصايدي وراك جروح مطوية ما إبداع
حياتي بلاكي ما بتنطاق ومشوار بي وراكي ضياع
ومظلوم كوني من بعدك معلم الله من إشعاع
***
حياتي معاكي شن بتقولي غير دمعاً غزير انكبا
أو زولاً مصارع الموج في بر الأمان ما طبا
***
يا ست الحروف الخمسة لمان تحذف التعريف من الإخلاص
حكايتي معاك سنين وسنين طويلة خلاص
حكاية زول مرق ما عاد واتخلطت دروب ما فرزا القصاص
أنا الحبيت عيونك ولسه ما شفتك وشاعر بي بريقا رصاص
***
أنا المستني فوق قمم السهاد لو تدري حبك في الضلوع اتربا
حباكي الفؤاد من بدري يا ريت الفؤاد ما حبا
عابرة (دافن حزني )
الحبيب
دافن حزني سبعة أراضي آسف لو ظهر في وشي
لابترضيهو لا أنا راضي يا عابـــرة العليكي علي
صابر قلبي بي أشواقو زي صبر السلم في الصي
بدل لي إبر أوراقو ياعابرة كلو عشان يفضـــــل حي
صامد في السموم يتحدى في الوادي البلا حومبي
عينو هو الخريف إتعدى ياعابرة صابر وبرضو راجي الري
ساكت والكلام مجان سكاتي ولا الكــــــلام الني
والبلقى الضيوف فرحان بليلتو ولا ضبايح طي
عابرة غناك ولف مو ميري لو دار النقاش حولي
أو غنوكي ناس من غيري لا ترمي الملامة علي
آه يا رفاعية وغاليه ماكي متل بنــــات الحي
فرقك منهن يبقالي زي فرق الضلام للضـــــي
طبعك ماهو زيف ياعابرة فايتاهن ملاحه وزي
لو شافن سناكي أماني فوق عينن يقولن ســـي
ما عشقت عيوني سواكي وين موعد رسايلك لي
عارفك وعارف الجواكي يا ريتك تعرفي البــــي
بشفق والصحاب لو نامو عارف الليل مصبر لـي
خات نار فرقتك قدامو ليه آخر علاجك كـــــي
يا ضو القمر في النقعه ما ملت رؤاك عــــيني
هايم فيكي بعد الهجعه كم تاهت خطاي في مشي
لو بقدر أطير يا عابرة ما ببخل عليــــك جنحي
في الجو العسير بالجابري أمشي الباقي بي كرعي
آه الماضي لو يرجاني كت بطوي البوارح طــي
نازح بي عطش وجداني كان ترويني قولــة آيي
بي شوقي المضارع جاي وأمرك ما مرق من إيدي
كل الماضي كان في رأيي ماهو من حقيقة في شي
ما داير أقول إشتقت خايفك مــــــا تقولي أفي
بي صبري اليبس وإتحت نار الشوق تقول جيدلي
توقد للصباح نار هادي كم شوت ياعابرة الجوانح شي
من أعماقي حزني ينادي يرجع في غناي تي تي
غريبه الدنيا و الاقدار
الحبيب
غريبة عجيبة يا دنيا وعجيبة غريبة يا أقدار
أنا المتعود الأسفار
***
أسافر في عيون واحدين بلا أعرف اساميهم
يتم الحول ونتآلف وأكون معتاد ألاقيهم
أشوف الحب وكل الحب مجسد في أحاسيسهم
ورغم الكان أفوت مجبور وأبحر في مراسيهم
أتوه من تاني في الأخطار
غريبة عجيبة يا دنيا وعجيبة غريبة يا أقدار
***
حكايتي معاك حكاية خوف من المجهول
حكاية زول يحب الناس يذوب بالحسرة للمعزول
أحاسيس زول بيحيى وحيد وفي نفسوا الأمل مكتول
خمسة سنين ينادي عليك يدق في بابك المقفول
أنا المحــتا ر
غريبة عجيبة يا دنيا وعجيبة غريبة يا أقدار
***
لحظات عابرة نتقابل ونتفرق مع الأزمان
تبقى الذكرى في القلبين ترن في عالم النسيان
أهي الأيام بتتداول صيف وخريف فرح واحزان
وبرضو الناس بتستحمل عجيب ما أغرب الإنسان
زمان متقلب الأطوار
غريبة عجيبة يا دنيا وعجيبة غريبة يا أقدار
***
عجز الديك برغم الريش عن الطيران
ومن دونن ترا الوطواط محلق في فضا الجدران
وناس محتارة بين امرين وأحلاهم هو الحرمان
وناس بتنادي من طابقين منازل شامخة في البنيان
بيوت تسخر من الأشجار
غريبة عجيبة يا دنيا وعجيبة غريبة يا أقدار
***
وحاتكم يا أعز الناس وحات الفي القلوب مشتول
حنانكم زاد عن الأوصاف وفات الواضح المعقول
وحات عينيكم الحلوين مهما المدة بينا تطول
حروفكم ناحتة في جواي دروب السوسة في القندول
حنين يقدح ضلوعي شرار
غريبة عجيبة يا دنيا وعجيبة غريبة يا أقدار
***
وحاتك يا خفيف الروح وحات الفي الضمير مدسوس
وحاتك لما أشوف عينيك بنسى الواقع المحسوس
واشوف دنيايا مابتنشاف قصور مبنية في فردوس
أعاين ليها بالإحساس وعن ذاتا النظر محبوس
خيال السارح الأفكار
غريبة عجيبة يا دنيا وعجيبة غريبة يا أقدار
Powered by vBulletin™ Version 4.2.0 Copyright © 2013 vBulletin Solutions, Inc. All rights reserved. Trans by mbcbaba