كلمات اغاني الفنان صالح الضي

[اسامه]

عيش معاي الحب عيش معاي حناني
خليني انسى سنين عشتهم وحداني

إنتوا البديتوا الحنية وملكتوا بيها حناني
علمتوا قلبي محبه حتى لكاد ينساني
لوما بقول ليهو اصبر أيامنا ترجع تاني
كان زمان فارقني وإنتوا السبب في هجراني

أيامي كانت جنه مزدانه بيك يا ليالي
حب وفرح وعالم من العوازل خالي
لو لسه كان واصلنا الكون يقول عقبالي
لكن الزمان غافلنا في لحظه غيّر حالي

وين يا وحيد دنياي ويا وحيد في غرامي
وهبت ليك ايامي وانت كيف تسلاني
وايه جنيت لي قلبك الكان وديع وجفاني
لو قصدت عذابي انا في عذابك هاني

[اسامه]

‎ نحن ما ناسك
كلمات / أبو أمنة حامد
ألحان وأداء / صالح الضي

لو بتلقى زول بحبك زينا
زول بشيلك في عيونو
وفي ضلوعو وفي دموعو
في ابتاسمتو وهناهو في شجونو
ما بنعاتبك
لو بتلقى ما بنعاتبك
ياما جيناك وياما بابك
لوبحس دقات قلوبنا
كان حاكلك كان بكالك
نحن ما ناسك .. ما ناسك
شبابك نحن ريدتك ونحن ماعمرك
ليه بتهدم انت في لحظة تجنى
البنيناهو في عمر مخضر طويل
الدموع في عيونا
تتحجر عشانك ما بتسيل
وقدر ما نحاول نشيل همك
بتتمرض قلوبنا وما بتشيل
نحن ما ناسك .. ماناسك
انت ما علمتنا الحب بسمة صافية
فيها عزة وفيها بهجة
بتسجير بعاطفة دافئة
نحن عشناها بشعورنا
وبعواطفنا الرحيبة
انت ما ضيعت أرواحنا في صحارى التيه
ما ترجع تجيبها
لية تلوعنا وتسيبا ليه

[اسامه]

عينيا
كلمات والحان واداء / صالح الضي

انت باكر مسافر
ياتو البحن علي
ياعينيا
عشان خاطري وحياتك تتأخر شوية
وماتعذب معاي الما برضوا ليا
وما تبلل ضلوعي كفاية دموع عينيا
يا عينيا
كل ماتبقي قاسي حبك يحلا ليا
بصدك وبعدك شايلك في عينيا
يا المالك عواطفي وماسائل عليا
يا عينيا
في حبك مخير عارفو كتير عليا
يكفيني احبك وبس مهلك شويه
ومهما طال غيابك نار الفرقة حية
يا عينيا
يوم سافر قطارك جاني الخبر عشية
عزوني العوازل ومانامت عينيا
ايه ذنبي الجنيتو هل في الحب جنيه
ياعينيا

[اسامه]

يا جميل ياحلو
كلمات والحان وغناء / صالح الضي


يا جميل ياحلو
الدم الشربات مكملو
في الغرام مين يشغلوا
يا قلبي حاول و اسالو



قول ليهو بس من كلمتين
الحب ده ناس اتبادلوا
نحن بنحبك من سنين
ولا حد عاجبك يا حلو
آه لو تضوق طعم الحنين
بالف يوم ما تبدلوا



في الدنيا كم من جميل
الدهر خانو وبدلوا
ارحم شبابي ولي ميل
اخلاصي بان ليك اولوا
شوف ريدي صادق نبيل
اوعك تحاول تجهلوا



رسلت ليك فاكرك حنين
يا حليل حنان الماسلوا
بعد الدموع اشكيك لمين
ارضى الكتير ولاستحملوا
مهما تصد في كل حين
جبر الخواطر اقبلو

[اسامه]

الميعاد
كلمات والحان وغناء / صالح الضي


اوعك تطول البعاد
وانت عارف شوقي كم
اوعك تخلف الميعاد
وتسيب لي الالم
بستناك وقلبي خافق
في لحظات العشم
**************
مال قلبي يا حبيبي
لقلبك يهمس عتاب
ويوصيك اوع تنسى
وكل يوم رسل جواب
وانا كل لحظة تمر علي
بقول حبيبي الليلة غاب
***************
حبك نار بين ضلوعي
نار الشوق والحنان
انا ياريت لوعرفتك
وحبيتك من زمان
كان غنيت لليالي
وكان صفاني الزمان

[اسامه]

اللقـــــــــــــاء المستحيــــــــــــــل
كلمات ابو آمنة حامد
/ صالح الضي

سألت عينيك وعدا
و ذبت قبل الوصول
فوقى احتمالى فعفوا
لقياك يا مستحيل
فى نظرة الورد لينا
فى شموخ النخيل
هل سطوة الحسن الا
الا اعتداد ظبى كحيل
ارخى المساء خصلات عليه
ليل جليل
و الحسن صور فيه
حقيقة المستحيل
فمن شهى شهيا
و من بتول بتول
و من عصى عصى
و من لول ذلول
يا اريحيه حسن
تكاثرت فى بخيل
مد الاياادى و ضم
اخضرار هذه الحقول
ها زمان جميل
فاخفق بهذا الجميل
شربت من مقلتيه
وعد اللقاء المستحيل
سكرت لكن مثلى
هل يرتضى بالقليل
لا يرتضى بالقليل